Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> پٹرول دیاں قیمتاں نہ ودھاؤندے تے خزانے تے 25 ارب دا بھار پیندا: وزارت پٹرولیم

پٹرول دیاں قیمتاں نہ ودھاؤندے تے خزانے تے 25 ارب دا بھار پیندا: وزارت پٹرولیم

وچار ڈیسک
March 2nd, 2011

عالمی منڈی وچ تیل دیاں قیمتاں وچ بے پناہ وادھے دے مگروں ملک وچ پیٹرولیم وستاں دیاں قیمتاں وچ اجوکا ردوبدل نہ کیتا جاندا تے دسمبر 2010 توں مارچ 2011 تیکر قومی خزانے تے پیڻ والا بھار 25 ارب روپ توں ودھ جاندا، حکومت پیٹرولیم وستاں دیاں قیمتاں وچ وادھے دے مگروں وی ایس مہینے 5 ارب روپئے دی سبسڈی دیوے گی۔

حکومت نے نومبر2010 دے مگروں پیٹرولیم وستاں دیاں قیمتاں وچ کوئی وادھا نہیں کیتا۔ وزارت پیٹرولیم تے قدرتی وسائل و آئل اینڈ گیس ریگولیٹری اتھارٹی دے وسیلیاں موجب نومبر2010 توں 28فروری 2011 تیکر بین الاقوامی مارکیٹ وچ مٹی دے تیل دی قیمت وچ 25.8 فیصد، ہائی اسپیڈ ڈیزل دی قیمت وچ 24.8 فیصد پیٹرول دی قیمت وچ 23.4 فیصد، عرب لائٹ کروڈ آئل دی قیمت وچ 25.7 تے فرنس آئل دی قیمت وچ 27.3 فیصد وادھا ہویا۔

نومبر2010 توں پچھلے مہینے 28 فروری تیکر حکومت نوں پیٹرولیم لیوی دے سلسلے وچ 13 ارب روپئے دا وادھو بھار جھلڻا پیا۔ جیہدے پاروں پٹرولیم وستاں دیاں قیمتاں دا کجھ نہ کجھ بھار لوکاں تے پاؤڻا ضروری ہو گیا سی، عالمی منڈی وچ ہوڻ والے بے پناہ وادھے دے مگروں وی ملک وچ پیٹرولیم وستاں وچ وادھا صرف 9.9 فیصد کیتا گیا ہے معاشی ماہراں نے کہیا ہے جو حکومت عوام نوں ریلیف دیڻ لئی جو وس وچ ہے کر رہی ہے پر عالمی منڈی وچ تیل دیاں قیمتاں وچ اجوکا وادھا بہت جھبدے ہویا ہے جیہدے اثر ملک دی معاشی صورتحال تے وی پئے نیں جدوں عالمی منڈی وچ تیل دیاں قیمتاں 110 ڈالر فی بیرل توں ودھ گئیاں تے مجبوری نال تیل دیاں قیمتاں تے اوگرا نوں مڑجھات پاؤڻی پئی۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels