Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> تیل پیدا نہ کرن والے غریب ملکاں دیاں اوکڑاں ودھ رہیاں نیں

تیل پیدا نہ کرن والے غریب ملکاں دیاں اوکڑاں ودھ رہیاں نیں

وچار ڈیسک
February 28th, 2011

عالمی منڈی وچ تیل دی قیمت وچ وادھے پاروں تیل نہ پیدا کرن والے غریب ملکاں لئی اوکڑاں تے مہنگائی ودھ گئی ہے پاکستان وی اوہناں وچوں اک ملک ہے۔ عالمی منڈی وچ خام تیل دی قیمت نے پچھلے ہفتے دس ڈالر فی بیرل دی چھال ماردیاں ہوئیاں اک سو باراں ڈالر فی بیرل دی پدھر نوں چھوہ لیا ہے۔

تیل دی قیمت جولائی 2008 وچ 147 ڈالر فی بیرل ہوڻ دے مگروں ہی عالمی معاشی پھردول پیا سی تے پاکستان سڻے ترقی یافتہ ملکاں نوں مہنگے تیل نال جیباں ویہلیاں ہوڻ دے مگروں ہی آئی ایم ایف دے پیر پھڑنے پئے سی۔ تیل دی بے قابو ہوندی ہوئی قیمتاں نے پاکستان سڻے تیل امپورٹ کرن والے ملکاں دی معیشت دیاں چولاں ہلاؤڻیاں شروع کر دتیاں نیں۔ حکومت پاکستان پچھلے تن مہینے توں قیمتاں نہ ودھاؤڻ پاروں 15 توں 18 ارب روپئے خرچ کر چکی ہے۔

ماہراں موجب قیمت اجوکی پدھر تے رہڻ دی صورت وچ اگلے مہینے ہور باراں توں تیراں روپئے قومی خزانے چوں خرچڻے ہووڻ گے۔ حساب موجب اٹھ توں دس روپئے پٹرولیم ڈیولپمنٹ لیوی دے لاگو ہوڻ دے نال اگلے مہینے توں پٹرول ساڈھے گیاراں روپئے تے ڈیزل تے باراں روپئے فی لٹر وادھا ہو سکدا ہے جدوں کہ جے پٹرولیم ڈولپمنٹ لیوی پوری مکا دتی جاوے تے پٹرول اجوکی پدھر جدوں کہ ڈیزل دی قیمت کوئی چار روپئے فی لٹر رہ سکدا ہے۔

ماہراں دا کہڻا ہے جو خود کفالت مسئلے دا پورا حل ہے پر پی پی ایل ورگیاں کمپنیاں ولوں کئی دہاکیاں تیکر صرف سوئی گیس فیلڈ تے رہڻا تے ہور گیس لبھڻ دے چنگے طریقے نہ ہوڻا وی خودکفالت وچ اڑیچ ہے۔ ماہراں موجب خود کفالت ول ودھڻ لئی سب توں وڈے صوبے بلوچستان وچ تیل تے گیس لبھڻ لئی کِتے ماڑی جہی سخت حکمت عملی تے کِتے مقامی بندیاں دے نال بہتی رعایت نال ہی ملک مہینے تیل تے اوہدے تباہی دے اثر امپورٹ کرن توں بچ سکدا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels