Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> چین دنیا دی دوجی سب توں وڈی معیشت بڻ گیا

چین دنیا دی دوجی سب توں وڈی معیشت بڻ گیا

وچار ڈیسک
February 14th, 2011

چین چاپان نوں پچھے چھڈدا ہویا دنیا دی سب توں وڈی معیشت بڻ کے ابھریا ہے۔ ٹوکیو توں ملڻ والے حساب موجب سنہ 2010 وچ جاپان دی معیشت 5 اعشاریہ 474 ٹریلین ڈالر دی سی جدوں کہ ایسے وچکار چینی معیشت دی مالیت 5 اعشاریہ 8 ٹریلین ڈالر رہی۔

جاپان دیاں برآمداں گھٹیاں نیں جدوں کہ چین وچ صنعتکاری وچ وادھا ہوندا رہیا۔ تجزیہ کاراں دا خیال ہے جے چینی معیشت دی ترقی دی ایہو چال رہی تے کوئی اک دہاکے وچ اوہدی معیشت امریکی معیشت دے برابر آجاوے گی۔

بیجنگ وچ کم کرن والے اکنامک کنسلٹنسی جی دے ڈریگنو مکس دے ڈاکٹر ٹام ملر دا کہڻا ہے جو ایہہ آکھڻا ٹھیک ہووے گا پئی آؤڻ والے دساں سالاں وچ چینی معیشت دا کھلار امریکی معیشت دے برابر ہو جاوے گا۔

جاپان پچھلیاں چار دھاکیاں وچ پہلی واری دنیا دی دوجے نمبر دی معیشت دے درجے توں تھلے آیا ہے۔ جاپان دے وزیر معیشت کاؤرو یوسانو دا کہڻا ہے جو ' اسیں دنیا وچ کسے معاشی درجہ بندی لئی نہیں سگوں آپڻے شہریاں دی حیاتی چنگی بناؤڻ تے گوہ کر رہے ہاں۔'

اوہناں دا کہڻا سی جو چینی معیشت دے ودھڻ پھلڻ دی خبر گوانڈھی ملک جاپان لئی وی چنگی ہے کیوں جو ہڻ چین جاپان دا اک وڈا وپاری بھائیوال ہے جیہڑا الیکٹرانک کمپنیاں جیویں سونی تے کار بناؤڻ والیاں کمپنیاں ہانڈہ تے ٹویوٹا لئی بہت اہم ہے۔

ٹوکیو توں ملڻ والے حساب موجب جاپان دی معیشت 2010 دے چھیکڑلے تن مہینیاں وچ اک اعشاریہ اک فیصد گھٹی ہے جیہدے پاروں ملک وچ تے ایکسپورٹ دی ڈیمانڈ گھٹی ہے۔ اوہناں نوں چھیکڑلے تن مہینیاں وچ ورتڻ والیاں دے خرچے وچ وی صفر اعشاریہ ست فیصد دی کمی ویکھڻ وچ آئی۔

اج جاپان دی سب توں وڈی اوکڑ اوہدی آبادی وچ بڈھیاں دی ودھدی ہوئی گڻتی ہے جیہڑی کہ بہتا خرچ نہیں کردی جدوں کہ لیبر مہنگی ہے۔ ایہدے الٹ چین وچ کارخانیاں تے صنعتاں تے مڈھلیاں ڈھانچیاں دے کارن معیشت روز ودھ رہی ہے۔

اقتصادیات دے کئی ماہراں دا خیال ہے جو چین دی معیشت تے ترقی کر ہی رہی ہے پر اوسطاً چینی شہری وی دولت مند ہو رہے نیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels