Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> مصر: روز 31 کروڑ ڈالر دا نقصان

مصر: روز 31 کروڑ ڈالر دا نقصان

وچار ڈیسک
February 5th, 2011

فرانسیسی بینک کریڈٹ ایگریکول دے اک نکھیڑے موجب سیاسی پھردول پاروں مصری معیشت نوں روز 31 کروڑ دا نقصان سہڻا پیندا ہے۔ کریڈٹ ایگریکول دے معاشی ماہراں نے اجوکے سیاسی پھردول دے مگروں مصر دی معاشی ترقی دی در دا گویڑ پنج اعشاریہ تن توں گھٹ کر کے تن اعشاریہ ست کر دتا ہے۔

مصر وچ بینک تے حصص بازار کئی دناں توں بند نیں تے وڈیاں شہراں وچ کئی کارخانے وی بند کر دتے گئے نیں۔بھاویں اجوکے روس وکھالے غذائی شیواں دیاں قیمتاں وچ وادھے پاروں شروع ہوئے سڻ پر وکھالیاں دے شروع ہوڻ دے مگروں ایہناں قیمتاں وچ ہور وادھا ویکھڻ وچ آیا ہے۔

مصر وچ ہر سال دے ایہناں دناں وچ سیاحت آپڻی سخر تے ہوندی ہے تے سیاحواں دی آؤڻی دا ایہہ سلسلہ عام طور تے مئی تیکر جاری رہندا ہے۔ پر اجوکے پھردول پاروں فضائی کمپنیاں تے سیاح آپڻے پروگرام بدلن تے مجبور ہوئے نیں۔

سال 2010 وچ مصر نوں نہر سویز دی وپاری راہداری دے سلسلے وچ چار اعشاریہ ستتر ارب ڈالر دی آمدڻ ہوئی سی۔ ایہہ بحری راہ ہڻ تیکر کھلا ہے، پر دنیا دے جہاز رانی دے سب توں وڈے جتھے ڈنمارک دے اے پی مولر میرسک نے نہر سویز وچ آپڻے ٹرمینل سڻے علاقے وچ آپڻے کئی دفتر بند کر دتے نیں۔

اساری دا سامان بناؤڻ والے گروپ لافارج نے آپڻے کئی کارخانے بند کر دتے نیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels