Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> پاکستان دی ہندوستانی شہراں توں ٹیکس وصولی

پاکستان دی ہندوستانی شہراں توں ٹیکس وصولی

وچار ڈیسک
January 29th, 2011

پاکستان دے ٹیکس پربندھکاں نے ہندوستان دے قبضے وچ کشمیر دے ست شہراں نوں آپڻے علاقے ظاہر کردیاں ہوئیاں اوتھوں ٹیکس وصولڻ دا بھیت کھولیا ہے۔

سینٹ وچ جمعے نوں سوالاں دے وقفے وچ سینیٹر نجمہ حمید دے سوال دے جواب وچ اقتصادی پربندھاں دی وزیر حنا ربانی کھر نے جیہڑا لکھیا جواب پیش کیتا ہے اوہدے وچ ہندوستانی شہراں تے اوہناں وچوں پاکستان نوں ٹیکس دیڻ والیاں دی گڻتی وی دسی ہے۔

جیہدے موجب اُدھم پور، سرینگر، راجوڑی ، اسلام آباد (اننت ناگ) وچ اک اک ٹیکس دیڻ والا ہے۔ جدوں کہ لہہ وچ 198، کٹھوہہ وچ 2 تے ڈوڈا وچ 171 ٹیکس دیڻ والے پاکستان دی سرکار نوں ٹیکس دیندے نیں۔

حنا ربانی کھر نے دسیا ہے پئی پاکستان وچ ٹیکس دیڻ والیاں دی گڻتی 30 لکھ 42 ہزار 2 سو 46 ہے۔

حکومت نے ضلع وار ٹیکس دیڻ والیاں دی گڻتی دی جاڻکاری تے ایوان بالا وچ پیش کر دتیاں نیں پر ٹیکس دیڻ والیاں دے ناں ظاہر نہیں کیتے تے کہیا جو قانون موجب حکومت ناں ظاہر نہیں کر سکدی۔

پاکستان وچ سب توں بہتے ٹیکس دیڻ والے کراچی دے نیں جیہناں دی گڻتی ست لکھ ہے جدوں کہ لہور وچ ٹیکس دیڻ والیاں دی گڻتی کوئی ساڈھے چار لکھ، کوئٹہ وچ 23 ہزار، پشاور وچ 65 ہزار ٹیکس دیڻ والے نیں۔

فیصل آباد وچ 1 لکھ 18 ہزار، راولپنڈی وچ 1 لکھ 47 ہزار، اسلام آباد 1 لکھ 22 ہزار، حیدر آباد 21 ہزار، ملتان 60 ہزار، لاڑکانہ 10 ہزار، نوابشاہ 7 ہزار، اُتری وزیرستان 150 تے دکھڻی وزیرستان وچ 63 ٹیکس دیڻ والے نیں۔

حکومتی حساب موجب پاکستان وچ ٹیکس دیڻ والیاں دی گڻتی تے سب توں بہتی پنجاب وچ ہے پر سب توں بہتا ٹیکس سندھ چوں لیا جاندا ہے تے پاکستان دی ادھی آبادی والے صوبے پنجاب توں بہتا ٹیکس اسلام آباد شہر چوں لیا جاندا ہے۔

قومی اسمبلی وچ ارشد خان لغاری دے سوال تے وزیر خزانہ حفیظ شیخ پیرزادہ نے دسیا پنجاب توں ساڈھے 14 لکھ ٹیکس دیڻ والے 200 ارب روپئے ٹیکس دیندے نیں۔ جدوں کہ صوبہ سندھ توں 8 لکھ 36 ہزار ٹیکس دیڻ والے 460 ارب روپئے ٹیکس دیندے نیں۔


وفاقی وزیر موجب خیبر پختونخواہ وچ پوڻے 2 لکھ ٹیکس دیڻ والیاں توں 13 ارب روپیئے، بلوچستان دے 36 ہزار ٹیکس دیڻ والیاں دے 7 ارب روپیئے تے اسلام آباد دے سوا لکھ ٹیکس دیڻ والیاں وچوں 216 ارب روپیئے ٹیکس ملدا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels