Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> چین نے ورلڈ بینک توں بہتے قرضے دتے: رپورٹ

چین نے ورلڈ بینک توں بہتے قرضے دتے: رپورٹ

وچار ڈیسک
January 19th, 2011

چین دے بینک کچا مال پیدا کرن والیاں نوں ایس ویلے قرضے دیاں رقماں دی پیشکش کر رہے سڻ جدوں کِتے ہوروں پیسہ ملنا اوکھا سی۔ ایس پالیسی پاروں چین نوں طاقت دے لمے چر دے معاہدے کرن وچ مدد ملی جیہناں وچ روس، وینزویلا تے برازیل توں تیل ملیا۔

چینی حکومت دے کول دو ٹریلین ڈالر دے زرِ مبادلہ دے ذخیرے نیں تے قرضے دیڻ لئی واہوا نقدی وی ہے جیہدے نال اوہدے سٹریٹجک مقصداں نوں فائدہ ہوندا ہے۔ پر سوادی گل ایہہ ہے جو پرائیویٹ سیکٹر وچ صورت حال ہور ہے۔

اک رپورٹ موجب چین دے دو سرکاری بینکاں نے ترقی وچ پچھونہے ملکاں نوں عالمی بینک توں بہتا قرض دتا ہے۔

چائنا ڈویلپمنٹ بینک تے چائنا ایکسپورٹ امپورٹ بینک نے سنہ 2009 تے 2010 وچکار باہر دیاں حکومتاں تے کمپنیاں نوں اک سو دس بلین ڈالر دے قرضیاں دی پیشکش کیتی۔ایس سلسلے وچ فنانشنل ٹائمز نے اک تفصیلی کھوج وی کیتی ہے۔

سنہ 2008 دے وچکار توں 2010 دے وچکار تیکر، عالمی بینک نے اک سو بلین ڈالر توں کجھ بہتے قرضے دتے۔

چین دے ایہہ دوویں بینک غیر ملکاں وچ دتے قرضیاں دی تفصیلی رپورٹ نہیں چھاپدے ایس لئی کھوج دے مڈھ تے اُچیچے معاہدیاں بارے عوامی اعلان نیں جیہڑے بینکاں، قرض داراں یاں فیر چینی حکومت ولوں کیتے گئے نیں۔

ایہدا مطلب ایہہ ہویا جو چین ولوں دتے جاڻ والے قرضیاں بارے جیہڑی گڻتی موجود ہے اوہ اصل توں گھٹ تے ہو سکدے نیں بہتے نہیں۔
چینی بینکاں نوں اوہ سب کجھ کرنا پیندا ہے جیہڑا بیجنگ موجب چین دے قومی فیدے وچ ہوندا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels