Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> بنگلہ دیش: مائیکرو کریڈٹ سرمایا کاری خطرے وچ

بنگلہ دیش: مائیکرو کریڈٹ سرمایا کاری خطرے وچ

وچار ڈیسک
January 15th, 2011

مائیکرو کریڈٹ دے ناں توں سرمایہ کاری دا کم شروع کر کے بنگلہ دیش دے محمد یونس دا سارے جگ وچ ناں ہویا۔ ایہہ انقلابی اسکیم ساہمڻے لیاؤڻ تے اوہناں نوں نوبل انعام وی دتا گیا۔ ہُڻ ایہہ منصوبہ اسکینڈلز تے جھیڑیاں دے نشانے تے ہے۔

مبصراں دا خیال ہے جو سنہ 1990 دے دہاکے وچ بہت ہی گھٹ قیمت دے قرضے دیڻ دی جیہڑی اسکیم بنگلہ دیشی دے اقتصادیات دے ماہر محمد یونس نے شروع کیتی سی اوہ انقلابی سی۔ اوہدی شاندار کامیابی نوں عالمی پدھر تے سلاہیا گیا۔ اوہدی اک مانتا سنہ 2006 وچ اوہنوں دتا جاڻ والا نوبل انعام ہے۔ مائیکروکریڈٹ سرمایا کاری نوں غربت گھٹ کرن دا اک کم متھ دتا گیا سی۔

ایس سرمایا کاری دا اثر ہندوستان وچ وی ایسے دور وچ گھٹ ودھ ویکھیا گیا۔اُچیچا 1990 دے دھاکے وچ جدوں اقتصادی آزادی نوں مرکزی حکومت نے آپڻا کم بڻا لیا۔ پر ہُڻ ایہو غربت گھٹاؤڻ دا کم جھیڑیاں تے اسکینڈلاں دے نشانے تے ہے۔ کجھ مبصراں دے خیال وچ ایس کریڈٹ سسٹم دی موت ہوڻ والی ہے۔

مائیکروکریڈٹ سرمایا کاری تے سب توں وڈا اعتراض ایہہ ہے جو ایہدے وچ سرمایا دیڻ والے ادارے منافعے دے چکراں وچ رہندے ہوئے سود دی در نوں اینا ودھا چکے نیں پئی ہُڻ ایہدے توں ڈر آؤڻ لگیا ہے۔ ہندوستان دے دکھڻی صوبہ آندھرا پردیش وچ اجوکے ہفتیاں وچ گھٹوگھٹ اٹھاسی جیاں نے آپ ہتیا دا گناہ کیتا ہے تے ایہدے پاروں کریڈٹ دیڻ والیاں ستھاں دے نوکراں ولوں ڈراؤڻ دھمکاؤڻ دا کم متھیا جاندا ہے۔ اک تامل زنانی وملا دا کہڻا ہے، '' مائیکروکریڈٹ سسٹم ہیٹھ لئے گئے قرضے دیاں ماہانہ قسطاں بھرنا اوہناں دے وس وچ نہیں ہے۔ پہلیاں قسطاں مکاؤڻ لئی دوجے ادارے توں قرضہ لیڻا پیا سی۔

ہُڻ پچونجاہ سالاں دی وملا دے خاندان دی مہینے دی آمدڻ صرف اک سو یورو دے نیڑے ہے تے ایہدے تے مائیکروکریڈٹ قرضے دا بھار ست سو یورو دے برابر اپڑ گیا ہے جیہڑا ہر مہینے ودھدا جا رہیا ہے۔ ست سال پہلوں وملا تے قرضے دا بھار اینا ودھیا نہیں سی جنا ایس ویلے ہو گیا ہے۔ وملا نے ایس بھار نوں مکاؤڻ لئی نکے موٹے کاروبار کرن دی کوشش کیتی پر نصیباں ساتھ نہیں دتا۔ وملا ورگیاں ہزاراں دوجیاں زنانیاں نیں جیہناں نوں قرضیاں دے بھار دا ساہمڻا ہے۔ اوہ ایہہ سارے لوک آپڻے آپ نوں بند گلی وچ محسوس کردے نیں۔

آندھرا پردیش ایس صورت حال توں بہت متاثر نظر آؤندا ہے۔ ایس صوبے وچ مائیکرو کریڈٹ فنانسنگ دا وڈا نیٹ ورک چالو ہے ۔ قرضے تے سودی در بہت ودھائی جا چکی ہے۔ ہُڻ صوبائی حکومت نے آرڈیننس راہیں کئی قسم دیاں روکاں ساہمڻے تے ضرور لیاندیاں نیں پر ایہہ وی خورے گھٹ محسوس کیتی جا رہی ہے۔ مائیکروکریڈٹ سسٹم دے تھلے آئے ہوئے لوکاں دی نیندر حرام ہو چکی ہے۔

سیاڻے حکومت کولوں منگ کردے نیں جو ایس کریڈٹ سسٹم لئی نتاوریں ہوڻ دے نال نال سخت قانون بناؤڻ دی لوڑ وی ہے تاں جو منافعے دی دوڑ نوں مکایا جا سکے تے لوکاں نوں سکھ دا ساہ آوے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels