Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> ہندوستان عالمی مارکیٹ وچ زرعی جنساں دی برآمد توں آؤٹ ہورہیا ہے، پاکستان تھاں لے سکدا ہے: ماہر

ہندوستان عالمی مارکیٹ وچ زرعی جنساں دی برآمد توں آؤٹ ہورہیا ہے، پاکستان تھاں لے سکدا ہے: ماہر

وچار ڈیسک
December 29th, 2010

ہندوستان عالمی مارکیٹ وچ زرعی جنساں دی برآمد توں آؤٹ ہورہیا ہے تے نان باسمتی رائس چوں نکل گیا ہے۔ پاکستان چنگے ورتارے نال عالمی مارکیٹ وچ ایہہ تھاں لے سکدا ہے۔ افغان ٹرانزٹ ٹریڈ وچ وادھے لئی فارن کرنسی وچ ادائیگی دا طریقہ کار اپناؤن دی لوڑ ہے۔ ایران دے نال دوہواں پاسیوں وپار ودھاؤن لئی ہور عملی کاروائیاں دی لوڑ ہے۔ پاکستان وچ ہیومن ریسورس دی برآمد لئی چنگی حکمت عملی توں کئی فیدے ہوسکدے نیں۔ کئی ملکاں وچ کمرشل قونصلر دی تقرری دا طریقہ نتارواں بنایا جاوے۔ زرعی پیداوار وچ وادھا کر کے برآمد ودھاؤن وچ بڑی مدد مل سکدی ہے۔ ایس ویلے سالانہ کئی ارب ڈالر دا پھل تے سبزیاں پربندھیاں دے توجہ نہ دین پاروں برآمد ہون دی تھاں ضائع ہورہیاں نیں۔

پاکستان دی صنعت کئی مسئلیاں تے اوکڑاں پاروں وساکھیاں توں اسٹریچر تے آگئی ہے پر ہرکھ پئی حکومت ولوں صنعتی شعبے دی بحالی لئی کوئی سنجیدہ وچار ساہمنے نہیں آرہی۔ ملکی برآمداں وچ وادھے لئی ویلیوایڈیشن ول جان دی لوڑ ہے۔ ایس سلسلے وچ کسے وی شعبہ دے خام مال دی برآمد تے روک لا دتی جاوے۔

پاکستان دنیا وچ چاول، گنا تے کنک پیدا کرن والے وڈے ملکاں وچ گنیا جاندا ہے پر ایہدے مگروں وی ساڈیاں برآمداں نہ ہون دے بروبر نیں۔ایس ویلے سالانہ کئی ارب ڈالر دا پھل تے سبزیاں پربندھیاں دی توجہ نہ دین پاروں ضائع ہورہیاں نیں۔ اوہناں نے کہیا حکومت سیکورٹی دی صورتحال چنگی بنا کے ملکی تے غیر ملکی وپار وچ وادھا کرسکدی ہے۔ طاہر ملک نے کہیا حکمراناں وچ انج دا کوئی بندہ نہیں جیہنوں برآمداں وچ وادھے دے حوالے نال کوئی پتہ ہووے۔ معیشت دی بدحالی برآمداں وچ تھوڑ دا سٹہ ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels