Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> چین تے پاکستان وچکار 30 ارب ڈالر دے معاہدے کیتے جان گے

چین تے پاکستان وچکار 30 ارب ڈالر دے معاہدے کیتے جان گے

وچار ڈیسک
December 18th, 2010

پاکستان دے اطلاعواں دے وفاقی وزیر قمرزمان کائرہ نے کہیا ہے جو چین دے وزیر اعظم وی جیا باؤ دے تن دناں دے دورے وچکار دوہاں ملکاں وچکار کوئی 30 ارب ڈالر دے معاہدیاں تے دستخط کیتے جان دی آس ہے۔ ایہدے توں پہلوں چین دے وزیر اعظم وین جیا باؤ تے اوہناں دے پاکستانی جوٹی دار سید یوسف رضا گیلانی وچکار اسلام آباد وچ ایوان وزیر اعظم وچ گل بات ہوئی۔

جمعے نوں وفاقی اطلاعواں تے نشریات دے وزیر قمر زمان کائرہ نے ایس ملنی دے مگروں نیوز کانفرنس وچ دسیا پئی دوہاں آگواں نے اپنی ملنی وچ اک دوجے دے نال سانگیاں نوں ہور چنگا بناؤن تے سنگت نوں پکا کرن تے آپوں وچ دی ہتھ ونڈائی دے ہور موقعے پیدا کرن تے ایکا کیتا ہے۔

اوہناں نے کہیا دوہاں ملکاں نے طاقت، مواصلات، ہڑھ دی مار وچ آئے علاقیاں دی اساری، زراعت تے رہتل تے ہور شعبیاں نوں کھلارن لئی تیراں معاہدیاں تے مفاہمت دیاں لکھتاں تے وی دستخط کیتے نیں۔

30 ارب ڈالر دے معاہدیاں دی تفصیل دسدیاں ہوئیاں کائرہ نے آکھیا ہے جو پاکستان تے چین دے سانجھے اقتصادی جتھے نے پاکستان وچ تن درجن منصوبیاں دی دس پائی ہے جیہناں وچ چین ہتھ ونڈاوے گا تے ایہناں منصوبیاں تے 14 ارب ڈالر دی سرمایا کاری ہون دی آس ہے۔

وسیلیاں موجب ایس نیوز کانفرنس وچ موجود چین وچ پاکستان دے سفیر مسعود خان نے کہیا جو ایہہ منصوبے سال 2012ء توں 2016ء تیکر پنجاں سالاں وچ پورے ہو جان گے۔ اوہناں نے کہیا دوجے شعبیاں وچ پنج ارب ڈالر دے معاہدیاں تے وی دستخط ہون گے۔

اطلاعواں دے وزیر نے ایس آس دا وکھالا کیتا جو اتوار نوں دوہاں ملکاں دے وپاریاں تے سرمایا کاراں دی کانفرنس وچ دس ارب ڈالر دے معاہدے ہون گے۔ پربندھیاں دا کہنا ہے چینی وزیر اعظم دے نال ڈھائی سو وپاری تے کاروباری بندے وی نیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels