Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> پاکستان وچ کرپشن ودھ رہی ہے، کاروبار کرنا بہت مہنگا تے اوکھا ہے: عالمی بینک

پاکستان وچ کرپشن ودھ رہی ہے، کاروبار کرنا بہت مہنگا تے اوکھا ہے: عالمی بینک

وچار ڈیسک
November 5th, 2010

ملک دی خراب مالی حالت تے سیاسی کمزوریاں کالھی نال ودھدی ہوئی کرپشن پاروں پاکستان وچ کاروبار کرنا بہت ہی اوکھا ، مہنگا تے مندا ہے۔ عام بندہ معاشی بد حالی دا شکار ہے جدوں کہ حکومت دی ساری توجہ اوہناں معاملیاں تے ہے جیہڑے بہتے غیر ترقیاتی نیں تے اوہناں نال لوکائی نوں یاں معیشت نوں سدھا ساہواں کوئی فیدا نہیں ہے۔ ایہہ گل ورلڈ بینک دی نویں رپورٹ ڈونگ بزنس وچ کھولی گئی ہے۔جیہدے موجب دکھنی ایشیا ریجن وچ پاکستان وچ کاروبار کرنا بہت اوکھا تے بہت مہنگا ہے۔

پاکستان علاقے دا اوہ اکلا ملک ہے جیہدی گرافک پریزیٹیشن منفی تن ہے۔ رپورٹ وچ ہور ایہہ کہیا گیا ہے جو پاکستان علاقے وچ اکلا ملک ہے جتھے جائیداد دی رجسٹریشن وچ کیپٹل ویلیوٹیکس دی دُر دونی توں ودھا کے چار فیصد کر دتی۔ ورلڈ بینک نے ہور کہیا ہے جو پاکستان وچ کاروبار شروع کرن لئی پاکستان وچ دس اوکھے مرحلیاں چوں لنگھنا پیندا ہے ایہہ گل بہت حیران کرن والی ہے جو علاقے دے ہور ملکاں دے مقابلے وچ پاکستان وچ منافعے تے ٹیکس دی دُر بہت گھٹ ہے جیہڑی 31.6 فیصد ہے۔ پر ایہدے مگروں وی پاکستان وچ کاروبار کرنا بہت اوکھا متھ دتا گیا ہے۔

ایس سلسلے وچ اقتصادی ماہراں دا کہنا ہے جو ایس ویلے ملک وچ کئی پھردول پئے ہوئے نیں اک پاسے تے کرپشن کالھی نال ودھ رہی ہے تے دوجے پاسے سیاسی کمزوریاں تے اقتصادی صورتحال کالھی نال وگڑ رہی ہے۔ پچھلے کجھ سالاں توں ملک وچ نہ تے کوئی وڈی غیر ملکی سرمایا کاری ہوئی ہے سگوں مقامی سرمایا کار وی ملک وچ سرمایا کاری توں ولاؤندے نیں۔ وپاریاں تے صنعت کاراں دا کہنا ہے جو اجوکی حکومت نے معیشت نوں چنگا بناؤن لئی کوئی وی کاروائی وچ ناکام نظر آؤندی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels