Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> پاکستان وچ پنجاں سالاں وچ 1,600 دے نیڑے صنعتی یونٹ بند

پاکستان وچ پنجاں سالاں وچ 1,600 دے نیڑے صنعتی یونٹ بند

وچار ڈیسک
November 5th, 2010

صنعت دے وزیر میر ہزار خان بجرانی نے دسیا ہے جو ملک وچ پچھلے پنجاں سالاں وچ کوئی 1,600 صنعتی یونٹ بند ہوئے نیں تے ایہدا وڈا کارن معاشی اوکڑاں نیں۔ جمعرات نوں سینٹ دے اجلاس وچ وفاقی وزیر نے دسیا جو حکومت صنعتاں لئی مخصوص اجوکے علاقیاں دے نال نال زون بناؤن دیاں صلاحواں تے وی کم کر رہی ہے۔

پر پاکستان صنعتکاراں دا کہنا ہے جو اقتصادی اوکڑاں دے نال نال ملک وچ امن دی مندی صورتحال تے طاقت دا پھردول وی کاروباری میل دیاں اوکڑاں دا وڈا کارن نیں۔ گرمیاں وچ بجلی دی لمی لوڈ شیڈنگ دے مگروں سیالاں دے آؤن دے نال ہی صنعتی شہراں وچ گیس دے بند ہون دا سلسلہ شروع ہو گیا ہے۔

پیٹرولیم تے قدرتی وسیلیاں دے وزیر نوید قمر نے قومی اسمبلی وچ سوالاں دے وقفے وچ دسیا پئی ٹھنڈ ودھن نال گیس دی طلب تے رسد وچ فرق ہور ودھن پاروں گیس دی لوڈ شیڈنگ دے وقفے وچ وادھا ہووے گا۔ پر اوہناں دا کہنا سی جو حکومت ملک وچ گیس دے نویں ذخیرے لبھن دے منصوبیاں تے کم کر رہی ہے سگوں ایران تے ترکمانستان توں گیس درآمد کرن دے منصوبیاں تے عمل دا کم وی جاری ہے۔

حالیں ترکمانستان توں افغانستان راہیں پاکستان تیکر گیس پائپ لائن دے منصوبے تے دستخط کیتے گئے نیں جدوں کہ ایہدے توں پہلوں ایران توں گیس لین دے منصوبے تے وی دستخط ہوئے نیں۔

ارباں ڈالر مالیت دے ایہہ دوویں لمے منصوبے نیں تے مبصراں دا کہنا ہے جو توانائی دے پھردول دے شکار ملک پاکستان لئی ایران تے ترکمانستان توں گیس دی درآمد دے منصوبے بہت اہم نیں پر اوہناں تے عمل کرن بارے شک دا وکھالا کیتا جا رہیا ہے کیوں جو امریکہ ایران توں گیس درآمد کرن دے منصوبے دے حق وچ نہیں جدوں کہ افغانستان وچ امن دی مندی حالت ترکمانستان توں گیس لین دے منصوبے تے سوالیہ نشان ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels