Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> برطانیہ ولوں ہندوستان نوں امداد کس کھاتے وچ دتی جاندی ہے؟: سیانیاں ولوں نکھیدی

برطانیہ ولوں ہندوستان نوں امداد کس کھاتے وچ دتی جاندی ہے؟: سیانیاں ولوں نکھیدی

وچار ڈیسک
October 22nd, 2010

برطانیہ ولوں ہندوستان نوں دتی جان والی امداد ادھا بلین ڈالر سالانہ تیکر اپڑ گئی ہے تے ایس گل تے کئی سیانیاں ولوں برطانوی سرکار دی بھرویں نکھیدی کیتی جا رہی ہے۔ ہندوستان نوں دتی جان والی امداد برطانیہ دا سب توں وڈا امدادی پروگرام ہے۔

حالیں جدوں چانسلر جارج اوسبرن نے برطانیہ وچ عوامی شعبے وچ کٹوتیاں کرن دا اعلان کیتا ہے جیہدے نال برطانیہ وچ صحت، پولیس اتے پینشناں دے شعبیاں تے بھیڑا اثر پوے گا، اوہنے نال ای ایہہ وی آکھیا ہے پئی 2013ء تیکر باہرلے دیساں نوں دتی جان والی امداد وی 0.7 فیصدی وادھا ہووے گا۔

بہت سارے برطانوی ہن ایہہ سوال چُک رہے ہین پئی جدوں ہندوستان اپنے معاشی طاقت ہون دے ڈھول سارے جہان وچ وجاؤندا پھردا ہے تے فیر اوہنوں باہرلے ملکاں توں امداد کی کیہ لوڑ ہے؟

اک تھنک ٹینک ایڈم سمتھ انسٹی ٹیوٹ دے سام بومین دا آکھنا ہے پئی ہندوستان ورگے جھبدے ترقی کر رہے دیس لئی باہرلے دیساں دی امداد ٹیکس بھرن والیاں دے پیسے دی بربادی ہے کیوں جے ہندوستان دی معیشت 2010ء وچ 8.8 فیصدی در نال ودھی ہے اتے اوہدا اپنا اک سپیس اتے ایٹمی ہتھیاراں دا پروگرام ہے۔ اک ایہو جہے ویلے جدوں اپنے دیس وچ خرچے گھٹا رہی ہے تے ایس گل دا کوئی تُک نہیں بن دا پئی اوہ باہرلے دیساں نوں دتی جان والی امداد نوں ہور ودھا دیوے۔

جس پاروں برطانیہ ہندوستان نوں امداد دینا جاری رکھ رہیا ہے اوہ ایہہ ہے پئی ہندوستان نوں اک گنجھلدار معاملے دے طور تے ویکھیا جاندا ہے۔ برطانوی گویڑاں موجب، حالے وی ہندوستان وچ 456 ملین لوک ایہو جہے ہین جیہڑے غریبی دی لکیر توں ہیٹھاں وسدے ہین تے ایہہ ہندوستان دی ساری وسوں دا 42 فیصدی اتے سارے جگ دے غریباں دا تیجا حصہ بن دا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels