Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> سدھارے ہوئے سیلز ٹیکس نال غریب لوکاں دیاں جیباں وچوں 119 ارب روپیہ ہور جھاڑیا جاوے گا

سدھارے ہوئے سیلز ٹیکس نال غریب لوکاں دیاں جیباں وچوں 119 ارب روپیہ ہور جھاڑیا جاوے گا

وچار ڈیسک
October 3rd, 2010

آئی ایم ایف دیاں شرطاں تے لائے جان والے سدھارے ہوئے سیلز ٹیکس نال پاکستان دی غریب لوکائی دیاں جیباں وچوں 119 ارب روپیہ ہور جھاڑ لیا جاوے گا۔ ایہہ ٹیکس پہلاں یکم اکتوبر توں لاگو ہونا سی پر ہن آس کیتی جاندی ہے پئی ایہہ نومبر دے مہینے توں لاگو ہووے گا۔

خزانے دی وزارت دے وسیلیاں نے دسیا ہے پئی سدھاریا ہویا سیلز ٹیکس تن پڑاواں وچ لاگو ہون نال 59 ارب روپیئے دا وادھو ٹیکس لبھے گا۔ ایس ٹیکس نال 60 ارب دی ٹیکس چھوٹ مک جاوے گی۔ اوہناں دسیا پئی پچھلے مالی ورھے 147 ارب روپیئے دے ٹیکس دی چھوٹ دتی گئی سی۔

فیڈرل بورڈ آف ریونیو دے وسیلیاں دا آکھنا ہے پئی سدھارے ہوئے سیلز ٹیکس نال قومی آمدن دی در وچ 0.75 فیصدی وادھا ہووے گا۔ سدھارے ہوئے سیلز ٹیکس دے لاگو ہون نال جی ڈی پی وچ ٹیکساں دا تناسب 9 فیصد توں ودھ کے 9.75 فیصد ہو جاوے گا۔ حکومت کوشش کر رہی ہے پئی سدھاریا ہویا سیلز ٹیکس یکم نومبر تیکر لاگو ہو جاوے تاں گے آئی ایم اےف دے روکے ہوئے پروگرام دی چھیویں قسط جاری ہون وچ سوکھت ہوئے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels