Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> عالمی معاشی پھردول نے تن کروڑ بندیاں کولوں روزگار کھوہ لیا

عالمی معاشی پھردول نے تن کروڑ بندیاں کولوں روزگار کھوہ لیا

وچار ڈیسک
September 3rd, 2010

عالمی مالیاتی فنڈ تے عالمی محنت دے ادارے نے اپنی اک سانجھی رپورٹ وچ دعویٰ کیتا ہے پئی عالمی معاشی پھردول دے پاروں سارے جگ وچ تن کروڑ توں بہتے جی بے روزگار ہوئے نیں۔

آئی ایم ایف تے آئی ایل او ولوں جمعرات نوں چھپن والی اک سانجھی کاہڈو رپورٹ وچ دسے گئے حساب موجب اجوکی کساد بازاری دے مگروں دنیا وچ بے روزگار جیاں دی گنتی 21 کروڑ توں ودھ گئی ہے۔ رپورٹ موجب معاشی پھردول نال سب توں بہتا اثر ترقی کیتے ملکاں تے پیا ہے جتھے بے روزگاری وچ وادھے دی شرح وی ہور ملکاں نالوں ودھ رہی۔

رپورٹ وچ کہیا گیا ہے جو سال 2007ء توں 2009ء تیکر جاری رہن والے معاشی پھردول نے وڈیاں معاشی طاقتاں نوں متاثر کرن توں اڈ ایہناں جیاں دی در وچ وی وادھا کیتا ہے جیہڑے بہتی آمدن نہ ہون پاروں غریبی دا شکار نیں۔

رپورٹ موجب عالمی افرادی طاقت دی ورھے وار بڑھوتری دی در اک اعشاریہ چھ فیصد ہون پاروں سارے جگ وچ ہر سال 45 لکھ نویاں نوکریاں دے موقعے دین دی لوڑ ہے تاں جو منڈی وچ نویں آؤن والے لوکاں دی کھپت ہوسکے۔

رپورٹ وچ سارے جگ دیاں حکومتاں تے منگ وچ وادھے لئی کیتیاں جان والیاں سرکاری کاروائیاں جاری رکھن تے بے روزگاراں لئی سوکھتاں تے نویاں نوکریاں دے موقعے دین تے زور دتا گیا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels