Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> سپریم کورٹ:چھ مہینیاں بعد مڑ کیس دی سماعتاں کیوں؟ کجھ ہوئے گا؟

سپریم کورٹ:چھ مہینیاں بعد مڑ کیس دی سماعتاں کیوں؟ کجھ ہوئے گا؟

November 23rd, 2017

پہلاں پردھان پنج رکنی بینچ نے ایس نوں وکھرا کیتا، پر کیوں؟ کیہڑی دلیلاں پاروں؟ اج سب لوک جان چکے نیں۔ٹارگٹ نرا نواز ہی نوں بنانا سی تاں فیر ایڈا رولا کیوں؟سراج الحق اوس ویلے ایس حکم نوں چیلنج کیوں نہ کیتا سی؟20اپریل یا28جولائی یا ریوو دے فیصلے وچ ایس وکھرے کیتے کیس بارے اک جملہ وی ہے؟سراج ہوراں دا مقدمہ تے پانامہ وچ آئے سارے ناواں بارے سی پر پردھان پنج رکنی بینچ اوس نوں لامے رکھ کے نرے نواز مگر ہونا کیوں لوڑی دا سمجھیا؟میڈیائی ہرکاریاں وی ایجنڈے پاروں ایس بارے در وٹی رکھیا۔ہن جداں اقامے پاروں وڈے وڈے وکیل وی عدالتی فیصلیاں نوں کوڑ آکھ رہے نیں تے پجامے نوں مڑ ادھیڑن دی تیاریاں وادھو۔ایجنڈے تے چلدے ہی رہے نیں اتے چلدے ہی رہن گے پر کل جداں تریخ لکھی جائے گی تے ایس سب بارے اتے انہاں کرداراں بارے گلاں کھل کے ہون گیاں۔کون نہیں جاندا پئی عارف چوہدری، اویس تے آفتاب باجوہ دا پچھوکڑ کیہہ ہے؟
عدالت چھ میہینیاں بعدوں پانامہ دے باقی لوکاں بارے کیس سنن لگی ہے پر ہن تے پیراڈائیز لیکس وی آ چکیاں نیں۔کجھ کیس جوڈیشل کونسل وچ نیں، پہلاں انہاں دا فیصلہ تے ہو جائے جس وچ الزام ججاں تے ہے جنہاں دے ناں آف شور جنتاں والی ’’ڈکشنری‘‘ وچ آئے نیں۔28 جولائی بعدوں ملک وچ انتشاری سیاستاں وادھو پئی ایس توں کوئی انکار نہیں کر سکدا۔ہن جس مقدمے نوں چھ میہینیاں بعدوں سنایا جائے گا اوس دے بینج دی آگوائی پردھان پنج رکنی بینج دے جج اعجاز افضل ہی کرن گے۔آون والے ویلے دا مورخ ایس گل تے حریان ہو سی پئی پاکستانیاں نوں پانامہ دی چوری شدہ دستاویزاں توں پتہ چلیا سی کہ ایتھے ایڈی وڈی چوریاں ہوندیاں نیں۔کیہہ عدالت ایس چار سو دی لسٹ وچ بہاماس لیکس تے پیراڈائیز لیکس نوں وی رلتی کرے گی؟ہک پردھان معاشی کاریگر ٹی وی تے آکھیا سی پئی جے انہاں امیر پاکستانیاں تے پریشر بنیا تے ایہہ پاکستان چھڈ دین گے، رقماں بچاون لئی۔کیہہ ٹارگٹ پورا ہون بعدوں ایہہ نرا ڈنگ ٹپاؤ سلسلہ ہے؟ سوال وادھو تے جواب نشتہ۔تساں آپ سمجھدار ہو۔
Another news in the same line published earlier
http://www.wichaar.com/news/117/ARTICLE/33401/2017-08-21.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels