Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> اشرافیہ دی گلو دلیل:اساں ٹیکس بچاندے ہاں چوری نہیں کردے۔

اشرافیہ دی گلو دلیل:اساں ٹیکس بچاندے ہاں چوری نہیں کردے۔

November 6th, 2017

پانامہ بعدوں پیراڈائیز، سیاستداناں دے ناں گھٹ، ٹیکنوکریٹ، کاروباری لوکاں دے ناں وادھو۔انہاں ٹیکنو کریٹاں تے کاروباریاں دے سہولت کار کون نیں ہن ایس دا کھوج ہی رہ گیا ہے۔جس ملک دی عمران خان ہر جلسے وچ مثالاں دیندے سن اوس دی ملکہ دا ناں وی آگیا۔ایس ویلے ساڈا گلو میڈیااتے دانشور ایس کم وچ لگے نیں کہ ٹیکس چوریاں نوں ٹیکس بچانا آکھ سکن۔وڈے وڈے لوک، کمپنیاں وغیرہ کنج ٹیکس چوریاں وچ ہتھ رنگے نیں ایہہ سب دے سامنے۔پورپی یونین تے پندرہ سال مسلسل کم کر کے2013 وچ رپورٹ چھاپ دتی سی پر اشرافیہ ایس تے پردے پا رہی ہے۔یورپی یونین ایہہ لکھیا سی پئی کنج یورپ دے ٹیکنو کریٹاں،بیوروکریٹاں، قنونی اتے معاشی ماہراں رل مل کے گھٹیا، کمزور اتے اشرافیہ نوں فیدے دین والے گمراہی قنون بنائے۔ایس رپورٹ وچ ایہہ وی لکھیا گیا پئی آف شور جنتاں دی رقماں ات گردیاں وچ وی ورتی جاندیاں نیں۔ایس رپورٹ بارے پنجاب پنج تے پچھلے سال اپریل، مئی توں جیہڑے ٹوٹے چھاپے سن اوس دا لنک وی تھلے دتا جارہیا ہے۔آف شور ول دنیا دی اشرافیہ کیوں جاندی ہے ایس دی وڈی وجہ ایہہ پئی انہاں نوں لم سم نرا 5%ٹیکس دیناپیندا ہے جداں کہ یورپی یونین دی رپورٹ آکھدی ہے پئی نکا یورپی تاجر وی30% ٹیکس دیندا ہے۔ کیہہ25%ٹیکس بچانا چوریاں نہیں۔ساڈے میڈیائی دانشور کس نوں دھوکہ دے رہے نیں؟ اشرافیہ نوں بچاون وچ میڈیا اگے اگے کیوں ہے ایہہ سوچن والی گل نہیں۔کن ادھروں پھڑو یا اْدھروں، پر ٹیکس جنتاں ہی جداں گھٹیا کم سی تاں اتھے کمپنیاں بناون والے کنج سعد ہون گے؟ پاکستان وچ ایس نوں نواز خلاف ورتن والے ہن ڈاڈھے پھس گئے نیں اتے میڈیائی ناخدا وی انہاں نوں بچا نہیں سکدے۔ایہہ کہانی ہلے ہور کھلے گی۔
EU report about OFFSHORE LOOT
https://punjabpunch.blogspot.com/2016/05/offshore-syndrome-european-union-tax.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels