Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> ووہٹی دی شرم، ادارے اتے کوڑ چپ

ووہٹی دی شرم، ادارے اتے کوڑ چپ

ڈی اصغر
November 3rd, 2017
4 / 5 (1 Votes)

کوئی نواں رستہ لبھن لئی نواز شریف نوں کجھ گلاں کھل کے کرنیاں پین گیاں ورنہ پرانے ہشیار راج نیتی دے کھڈاری پاتر بدل بدل کے بازیاں چلاون وچ ہشیار نیں۔ ڈی اصغر ہوراں دھرا لبھن دی کوشش کیتی ہے پئی گڈ پھسی کتھے ہوئی ہے؟تساں ہن اصغر ہوراں دا کٹھا مٹھا لیکھ پڑھو
پرانے ویلے وچ شرم حیا تے کوئی ڈاڈہا ہی زور ہوندا سی ۔کوئی وی ووہٹی اپنے خصم دا ناں لہیہ ہی نہیں سکدی سی۔ سارا ٹبرنال ہی رہندا سی یعنی جائنٹ فیملی سسٹم ہوندا سی۔ خصم دے ماپے ، بہن بھرانال جے ،ووہٹی نے خوندبارے گل کرنی ہوندی تے اوہ اپنے خونددا ناں لین دی تھاں اوس نوں ’’اوہ‘‘ آکھدی سی۔’’اوہ‘‘ ایس ویلے آون گے، ’’اوہ‘‘ آکھدے سن۔ بھانویں خوند اوس دے سامنے بیٹھا ہوندا پر اوہ ناں فیر وی نہیں لیندی سی ا تے خوند نوں ووہٹی ’’ تُسی‘‘ کہندی سی۔ ’’تُسی‘‘ کی کھاسو۔ ’’تُسی‘‘ لمے پئے جاؤ تھوڑا چر۔اینج ناں لتے بنا ہی کم چلدا رہندا، تے کسے نوں کوئی رولا وی نہ سی۔
خورے ساڈے ملک دی راج نیتی وچ ایہو وہٹی تے خوندو الا رشتہ آج تیک چالوجے۔ جنہاں کول سب طاقت ہے تے جیہڑے ایس گل دا ناٹک لائی بیٹھے نیں اوہ ایس نوں خورے کیوں جاری رکھنا چاہندے نیں۔ اج وی تُسی دن رات اپنے اپنے ٹی وی اتے ریڈیو تے اک لفط روز سندے ہو۔ اوہ لفط ہے ’’ادارے‘‘۔ اداریاں ایہہ آکھیا جے۔ ادارا ایہہ چاہندا ہے ۔ ادارے ایس گل تے راضی نہیں۔ ایس حرکت نال اداریاں نال ٹکراؤ داڈر ہے۔ ادارایاں نال پنگا لینا کوئی سمجھ تے عقل دی گل نہیں۔
وڈے وڈے سورمے، جیہڑے، سارا دن ساری رات، ٹی ویاں تے سارے سیاست داناں دے نکاں وِچ دم کردے رہندے نیں ، پرکدے ایہناں سانوں دسیا ہے کہ ایہہ ادارے کدھر ہوندے نیں؟ کون ایہناں نوں چلا ریا جے؟ جس نوں بہتی انگریزیاں آؤندیاں نیں، اوہ ففیر اداریاں دی تھاں ’’سٹیبلشمنٹ‘‘ آکھ دیندا ہے۔ جے کوئی نمانا، اینہاں کولوں ایہہ پچھے مترو، انہاں اکھراں دا کیہہ مطلب ہے؟ تہہ ایہو لوکی بس، ہاسا پاندے ہوئے ایہہ کہندے نیں ’’تہانوں نے پتہ ہی ہے جی‘‘۔ جے فیر وی تُسی کھیڑا نا چھڈیا تے پچھے پئے ہی گئے، تے ایہناں ایہو آکھنا جے، ’’کیوں ساڈے پچھے پیندے ہو ، ہن مگروں لتھو۔ ’’اینج اوہ سارے کسی شرم دی ماری وہٹی وانگوں ناں وی نہیں لیندے تے اپنی گل دسن لئی کسے دوجے اکھر دا آسرا ہی لینا چاہندے نیں۔ ایہہ اک ایہو جیہا ٹاپک ہے، جس تے سارے ہی اپنی اپنی طرفوں ڈاڈھی اتے ڈونگی احتیاطاں ورتدے نیں۔ کدرے ’’اوہ‘‘ ناراض نا ہو جائے، کدرے ’’اوہ‘‘ مینْونکرے ہی نہ لوا دین ،تے فیر میرا کی بن سی؟
تن واری وزیر اعظم دی تھاں تے بیٹھن والے پنجاب دے شیر جناب نواز شریف وی آج کل اپنا ساڑ کڈرہے نیں۔ ایہہ تے ہن کل دُنیا جاندی ایہہ کہہ ملک دی سب توں وڈی عدالت، نواز شریف صاحب نوں، اپنے پتر دی کمپنی وچ ملن والی تنخواہ، جہڑی اوہناں وصول وی نہیں کیتی ، اوس تنخواہ نوں کاغذاں وچ نہ لکھن پاروں نا اہل کر چھڈیا ہے۔ جس دن دا ایہہ فیصلہ آیا جے، نواز شریف صاحب ڈاڈھے غصے وچ نیں۔ اوہناں نوں ایہہ لگدا جے کہہ ہر واری اوہناں نوں اپنی پنج ورہیاں دی مدت پوری نہیں کرن دتی جاندی۔

کون مدت پوری نہیں کرن دیندا؟ جی تُسی صحیح سمجھے ہو ، اوہی ساڈے تے تہاڈے ’’ادارے۔‘‘ تُسی لکھ انہاں نوں دلاسا دیو، پر میاں نواز شریف کسے صورت ایسی نوں نہیں منیندے۔ اوہناں دی دھی رانی وی ایہو گل بار بار دہرائی جارہی ہے۔ ’’پورے شریف ٹبر نوں نشانہ بنا یا جارہیا اتے انہاں نوں فارغ کیتا جا رہیاجے‘‘۔ دونویں پیو تے دھی ایہو پَرچار کررہے نیں پئی انہاں نال ڈاڈھا ظلم کیتا جا رہیا جے۔ دھی رانی اداریاں نوں ’’نظر نہ آن والی قوتاں ‘‘ وی آکھیا ہے۔
ہر پاسے اینہاں اداریاں دی ساری کھیڈ ایہو ہے۔ جس نوں چاہن اوس دی گڈی چڑھا دین تے جدوں چاہن کسی نوں فارغ کر دین۔ آج کل میاں صاب دا انہاں دے نال کوئی ڈونگھا ہی رولا پیا ہویا جے۔ بھانویں میاں صاب لکھ واری ایہہ آکھن پئی، ’’مینو کا نو کڈھیا ‘‘ پر اندروں ایس دی وجہ جانن دے باوجود انہاں دی کوششاں ایہو پئی فیر چکر چل جائے اتے مڑ سرکار وچ آون دا سلسلہ ہو جائے۔ انہاں نوں پک ہے پئی ہن ایہہ نہیں ہونا جے۔ اوہ لمیاں تقریراں پئی کردے نیں۔ پئی میں ایدکی تہاڈے ووٹ دی پرچی دا مان رکھاں گا۔ مینوں ایدکی ا قتدار نہیں اختیاروی چاہیدا ہے۔
بھلیو لوکو،تُسی قریب 35 سال ایس نگری تے تخت لاہور دے نیڑے نیڑے رہے ہو بے اختیارے۔ تے ہن جے تسی ایہہ پئی سمجھدے ہو کہ تہانو تہاڈیاں تن چار تقریراں یا دھی رانی دی تقریراں پاروں اختیار لبھ جان گے؟۔تاں یا تے تُسی آپ بہوں بھولے ہو، یا تسی لوکاں نوں جھڈو سمجھدے او؟ ویرجی ایہہ جیہڑے ادارے نیں ایہہ بنٹے نہیں کھیڈ دے۔ تُسی ہن پچھے بیٹھ کے تے آرام کرو۔ دھی رانی نو وی تھوڑا ٹھنڈا کر سو۔ نہیں تے ’’اوہ‘‘ برا من جاون گے؟ بس جے تے تسی ’’اونہاں‘‘ نو منا لتا تے سمجھو کم بن جائے گا۔ سمجھے ہو نا تُسی، ہن ہور دسدیاں مینوں وی شرم پئی آوندی ہے، ووہٹی وانگ۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels