Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> پاک امریکہ سانگیاں دا اْلار،شرطاں تے ہک اونتراویڈیو کلپ۔ نصرت جاوید

پاک امریکہ سانگیاں دا اْلار،شرطاں تے ہک اونتراویڈیو کلپ۔ نصرت جاوید

وچار ڈیسک
October 28th, 2017

منگل دیہاڑ امریکی خارجہ وزیر ساڈھے ترے گھنٹیاں توں وادھو اسلام آباد وچ نہیں ٹھہریا۔ وزیراعظم ہاؤس وچ گل بات دا نرا اک راؤنڈ ہویا۔ پاکستانی وفد دی آگوائیاں وزیراعظم شاہد خاقان عباسی ہوراں کیتیاں۔ پاکستانی خارجہ وزیر اتے آرمی چیف انہاں دے سجے تے کھبے پاسے رکھی کرسیاں تے بیٹھے سن۔ ڈی جی آئی ایس آئی وی اوتھے موجود سن تے قومی سلامتی دے امور توں جڑے دوجے وڈکے وزیر وی۔ ساڈی سیاسی تے عسکری قیادت نے ،مکدی گل ایہہ کہ ریکس ٹیلرسن نوں وکھ وکھ نہیں سگوں رل مل سنیا۔ گھٹ و گھٹ امریکی دبادا سامنا کرن لئی ایہہ دونوں اک page تے نظر آئے۔ دبادا لفظ سوچ سمجھ کے ورتیا جے۔ مڈھلی گل ایس دی ، نری، اک منٹ والا اوہ وڈیو کلپ ہے جو امریکی وزارت خارجہ نے اپنے ٹویٹر اکاؤنٹ توں جاری کیتا سی۔ ایس وڈیوکلپ وچ ریکس ٹیلرسن ہوری افغانستان دے فوجی اڈے بگرام توں پاکستان لئی رخصت ہوندے ہوئے لوکاں نوں ایہہ دسنا چاہندا ہے کہ اوہ کیہ سنیہا لے کے اسلام آباد جارہیا ہے۔ ایس کلپ دے ذریعے امریکی وزیر خارجہ نے دعویٰ کیتا کہ پاکستان نوں کجھ مخصوص اقدامات چکن لئی اک فہرست، ایس دا ملک(یعنی امریکہ) ساڈے پردھاناں دے حوالے کرچکیا ہے۔ "Specific Requests" دی البتہ ایس نے وضاحتاں نہیں کیتیاں۔ ایس دے بعد اگرچہ طالبان اتے دوجے ات گرد گروہاں دی محفوظ پناہ گاواں Safe Havens دا ذکر ضرور ہویا تے آخر وچ ایہہ اطلاع وی کہ پاکستان دے امریکہ دے نال سانگے ہن "Condition Based" ہون گے۔ شرطاں (Condition) ظاہر ہے امریکہ ولوں طے ہون گیاں تے پاکستان انہاں تے عمل کردے ہوئے خود نوں جنوبی ایشیا دا ’’چنگا بچہ‘‘ ثابت کرن دی کوشش کردے گا۔
میں پاکستان دا اک عام شہری ہاں۔ پیشے دے اعتبار توں اخبار نویس۔ کجھ لفظ لکھ تے بول کے رزق کمانا میرا دھندا ہے۔ میں اپنے ایمان تے حب الوطنی بارے بڑھک بازی توں ہمش پرہیز کردا ہاں۔ اپنے جان تے مال دی قربانی دین توں وی گریز دی عادت لاحق ہے۔ اپنی انہاں سب کمزوریاں دے باوجود امریکی خارجہ وزارت ولوں سرکاری طور تے جاری ہوئے ایس کلپ نوں ویکھ کے میرا خون کھول گیا۔ جذبات نارمل ہوئے تے عقل مڑ چالو ہوگئی۔ ذہن وچ سوال اُٹھے کہ امریکی وزیر خارجہ نے ایہہ سب کجھ کیوں آکھیا۔ میرے ذہن وچ اُٹھے سوالاں دے جواب حاصل کرن دا ہورے کوئی معقول طریقہ موجود نہیں ہے۔ گھٹ و گھٹ 2004 تک عالمی امور دے حوالے نال پاکستان دے متوقع کردار پاروں اٹھے سوالاں دا جواب دین دے لئی ساڈی وزارت خارجہ وچ تواتر نال لکھن والیاں دے لئی بریفنگ دا باقاعدہ بندوبست ہویا کرداسی۔ 2005 دے بعد وں، پر، ایہہ سلسلہ،رمکے رمکے، نہ ہون جوگا رہ گیا۔ جتھے تک مینوں یاد پیندا ہے ایس چکر وچ لمیرے وقفے بعدوں،اخیری اک بریفنگ وزارت خارجہ وچ ٹرمپ دے امریکی صدر بنن دے کجھ دناں بعدوں ہوئی سی۔ ایس وقت دے خارجہ مشیر سرتاج عزیز ہوراں نے اوتھے کافی سخت تے پریشان کن سوالاں دا ٹھنڈت رہ کے جواب دتاسی۔ وزارت خارجہ ولوں کسی باقاعدہ بریفنگ دا اہتمام نہ وی ہوئے تے خارجہ امور تے لکھن والے رپورٹر تے کالم نگار اپنے ذہن وچ آئے سوالاں نوں کسی متعلقہ افسر نال ملاقات طے کرکے چکدے نیں۔پر، ناں نہاد ’’ڈان لیکس‘‘ دے بعد ہن وزارت خارجہ دا کوئی افسر خارجہ امور تے لکھن والے شخص دا فون لین نوں وی تیار نہیں ہوندا۔ کسی سماجی اکٹھ وچ صاحب سلام ہوجائے تے وی کنی کتران نوں ترجیحاں دیندے نیں۔ وزارت خارجہ دے افسراں دا رپورٹراں توں لاتعلقی والا ایہہ رویہ ایڈا غلط وی نہیں۔ اک سرکاری افسر دی ترجیحاں اپنی نوکری بچانا تے اگلے عہدے وچ ترقی پانا ہوندا ہے۔ ایس نوں اپنی ACR نوں صاف ستھرا رکھنا ہوندا ہے۔ موجودہ حالات وچ ایس دی کسی ’’غدار‘‘ صحافی نال ملاقات اوس نوں اوکھے پینڈے پا سکدی ہے ہے۔ دُکھ دی گل ایہہ وی ہے کہ خوف و دہشت دی ایسی فضا میرے وطن وچ، کدی مارشل لاء دے جابرانہ دناں وچ وی نظر نہیں آندی سی۔ میں ذاتی طور تے جنرل ضیا دا ہمش نقاد رہیا ہاں۔ ایس دے باوجود بھارت تے افغانستان ورگے ملکاں دے نال ساڈے ’’حساس‘‘ مسائل دی بابت لکھن دا آغاز میں ایس دے دور ہی وچ کیتا سی۔ عبدالستار انہاں دناں ساڈے خارجہ سیکرٹری سن۔ انہاں توں جداں وی کلے ملن دی درخاست کیتی تے نال ہی ملاقاتاں متھ لتیاں جاندیاں۔ گھٹ و گھٹ دو مرتبہ آئی ایس آئی دے ،انتہائی نظریاتی مشہور ہوئے جنرل حمید گل مرحوم نے وی ازخود The Nation لئی لکھے میرے کجھ تجزیے تے کالماں دی وجہ توں میرے نال رابطہ کیتا۔ ملاقاتاں ہوئیاں تاں میں اپنا اندر پیٹا سامنے رکھ دتا۔ بحیثیت صحافی میں انہاں دے نقطہ نظر نوں ایمان داریاں نال، سکیورٹی دے مسلیاں نال جڑے پردھان افسراں دے خیالاں پاروں بیان کیتا پر انہاں توں ہورے کدی، اپنی تحریراں وچ اتفاق وی کیتا۔ جنرل مشرف مختلف وجوہاتاں پاروں مینوں ناپسند کردے سن۔ ایس دے باوجود وزیر خارجہ خورشید محمود قصوری بھارت تے کشمیر توں متعلق سوالاں دا جواب دین نوں ہر ویلے اٹینشن۔ میرے نال ملاقاتاں نوں خورشید صاحب نے اپنے باس یعنی جنرل مشرف توں کدی لُکایا وی نہیں۔ ایمان داری دی گل ایہہ وی ہے کہ جنرل مشرف نے انہاں نال ایس پاروں کدی خفگیاں دا ظہار وی نہیں کیتا۔ طارق عزیز ہوری جنرل مشرف ولوں قومی سلامتی دے بلارے سن۔ اوہ بھارت دے نال بیک ڈور گل بات دے عمل وچ وی رجھے رہے۔ طارق ہوری اکثر ایس چکر پاروں، کجھ معاملیاں تے گپ شپ لان لئی مینوں اپنے دفتر وچ کافی لئی بلاندے۔ جنرل مشرف دے ڈی جی آئی ایس آئی جنرل احسان وی اپنااندر پیٹا سامنے رکھن لئی ہر ویلے اٹینشن رہندے۔ تقریباً اینج ہی دا رویہ انہاں دے بعد جنرل کیانی ہوراں وی رکھیا سی۔ 2008 دے بعد پر پارلیمان ،ہورے، سب اداریاں تے بھاری ہوگئی۔ ایس سال بعدوں، پر خارجہ مسلیاں تے باقاعدگیاں نال لکھن والے ہنیریاں وچ ٹامک ٹوئیاں مارنا شروع ہوگئے۔ پالیسی سازاں تک عدم رسائیاں نوں مننا، ایہہ لکھاری پر مناسب نہیں سمجھدے۔ متعلقہ افسراں دی خموشیاں تے انہاں تک عدم رسائیاں پاروں خارجہ تے سلامتی مسلیاں تے بھاشن دین والیاں دی اک نویں کھیپ اٹینشن ہوگئی ہے۔ ایہہ صحافیاں وچ غدار تلاش کرکے انہاں لئی پھانسی دے پھندے ویکھن دی دہائیاں مچاندی جے۔ اپنی جان و مال دے خوف توں میں دیانت دارانہ عاجزیاں نال ایہہ منیندا ہاں ا تے مجبور ہاں کہ مینوں ہر گز علم نہیں کہ امریکی وزیر خارجہ نے ساڈی حکومت نوں کیہڑی Specific Demands پیش کیتاں نیں۔ انہاں دا پتہ چلے تے Condition Based ٹھہرائے پاک امریکہ سانگیاں دے مستقبل بارے کجھ اکھر لکھاں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels