Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> این اے چار۔ہا رکے جتن اتے جت کے ہارن والے کون؟

این اے چار۔ہا رکے جتن اتے جت کے ہارن والے کون؟

October 27th, 2017

پشور دی چوناں پی ٹی آئی جت گئی پر پچھلی چوناں توں اوسنوں دس ہزار ووٹ گھٹ ملے جداں کہ مسلم لیگ(ن)،پی پی پی اتے اے این پی نے پچھلی چوناں توں وادھو ووٹ لتے۔این اے20لہور وانگ ایتھے وی سب توں عبرتاں والا رزلٹ جماعت اسلامی لئی رہیا پئی ایس پارٹی نوں پی ٹی آئی نال کیتا’’متعہ‘‘ راس نہ آیا۔پچھلی واری ساڈھے سولہ ہزار ووٹ لین والی جماعت اسلامی ایس وار تریجے توں چھویں نمبر تے آگئی ہے۔ ڈان دی رپورٹ پاروں 5ویں نمبر تے لبیک پارٹی آئی جے جیہڑی جمعہ جمعہ اٹھ دن پہلاں اساری گئی سی۔چیتے رہے پئی پی ٹی آئی پچھلی چوناں وچ55ہزار ووٹ لتے سن اتے ہن45ہزار ووٹ لے کے جت تے گئے نیں پر ووٹاں دا گھاٹا وڈا اشارہ ہے پئی پارٹی دا کم خراب ہو رہیا ہے۔ ایہو نہیں سگوں عوامی نیشنل پارٹی، پی پی پی اتے مسلم لیگ(ن) دا رزلٹ اکا پی ٹی آئی دی جت دا رنگ پھکا کر دتا ہے۔ اے این پی پچھلی وار15785ووٹ لے کے چوتھے نمبر تے سی اتے کل والی چوناں وچ ایس پارٹی 24830ووٹ لے کے دوجی پوزیشن ول چھال لا دتی ہے۔نو ہزار وادھو ووٹ لے کے اے این پی نویں چوناں وچ اپنا وزن ودھا لتا ہے۔پی پی پی نوں وی پچھلی چوناں توں ودھ ووٹ ملے نیں کہ انہاں پہلے12ہزار ووٹ لتے سن تے چھویں پوزیشن لتی سی پر کل دی چوناں وچ پارٹی چوتھی پوزیشن لتی اتے ووٹاں وچ ہک ہزار دا وادھا وی کیتا۔مسلم لیگ(ن) پچھلی وار دوجے نمبر تے سی اتے کل وی تقریبا دوجے نمبر تے ہی ہے کہ اے این پی دے ووٹاں توں ایس دے نرے40ووٹ گھٹ نیں اتے پچھلی وار توں پنج ہزار ودھ ووٹ لتے۔رزلٹ دس رہے نیں پئی خٹکی سرکار پی ٹی آئی نوں اگے نہیں لیجا سکی سگوں پچھے لیجا رہی ہے۔جے کل نوں نواز،اسفندیار تے پی پی پی دا اتحاد ہو گیا اتے فصل الرحمن ہوری وی رل گئے تاں پی ٹی آئی دی دوڑ ودھ جا سی۔رزلٹ ویکھ کے صاف پتہ چلدا ہے پئی کون جت کے ہاریا ہے اتے کون ہار کے جت گیا ہے۔این اے120لہوروچ تے دو کھڈاری ہی رہ گئے سن پت ایتھے چار کھڈاری اگے اگیے نظر آندے نیں اتے پنجواں فصل وی کہ صوبہ کے پی کے دی سیاستاں وچ پنجولی دا الار کس پاسے ہوئے گا ایس دا حساب آسان۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels