Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> نواں بیانیہ:سٹیبلشمنٹ مخالفت پاروں نواز پنجاب توں باہر ہور مقبول؟

نواں بیانیہ:سٹیبلشمنٹ مخالفت پاروں نواز پنجاب توں باہر ہور مقبول؟

October 23rd, 2017

سٹیبلشمنٹ کجھ کردی ہے پر ایس دا اثر اکثر پٹھا ہوندا ہے۔ایس دی مثالاں پاکستان ہی نہیں دنیا بھر وچ وادھو۔پانامہ دی تھاں اقامے والے فیصلے پاروں ایہہ گل ہن ہر کوئی کر رہیا ہے پئی مسلہ پانامہ نہیں سگوں نواز نوں سبق سکھانا سی۔کل اسفندیار ولی تے سراج الحق وی آکھ دتا کہ جے پانامہ وچ آئے دوجے ناماں بارے نیب کاروئیاں شروع نہیں کردا تے ایہہ گل پکی تھی جا سی پئی پانامہ پاروں نیب دے چلدے مقدمے نرا سیاسی انتقام ہی نیں۔اپریل وچ پہلا فیصلہ آیا سی تے جولائی وچ پورا کہ جے مسلہ پانامہ سی اتے فیر عدالتاں پانامہ دے ساڈھے پنج سو ہور بندیاں تے کیس چلاون لئی کیوں نیب نوں نہیں آکھیا؟سوا سال تیک پاکستان دے میڈیا، پارلیمنٹ اتے عدالتاں ہی نہیں سگوں عالمی پدر تے جس مسلہ تے کھپ پیندی رہی اوہ سی پانامہ۔اسفندر یار ولی سیف اللہ خاندان دا ناں لتے بغیر عدالتاں نوں آکھیا پئی پانامہ وچ ہک ہک خاندان دیاں 30,35 آف شور کمپنیاں نیں پر تساں کیہہ کیتا ہن تیک؟ کتھے ہے نیب؟
ہک پاسے اقامے والے فیصلے پاروں نواز نوں ٹیک مل رہی ہے اتے دوجے پاسے نویں بیانیے پاروں نواز پنجاب دے نالنال دوجے صوبیاں وچ ایہو سمجھدے نیں پئی سٹیبلشمنٹ دی من مانیاں اگے ایہہ ہی ڈکا لا سکدے نیں۔نواز دی اک پیشی وچ رینجرز والے کیس پاروں وی لوک ایہو آکھ رہے نیں پئی مسلہ سول ملٹری جھیڑیاں دا ہے۔این اے120لہور توں ایف آئی اے ولوں سائبر قنون پاروں پھڑیچے منڈیاں والے کیس تیک نشانہ مسلم لیگ(ن) ہی ہے۔انہاں بارے نواز شریف دے بیان رکارڈ دا حصہ نیں۔ایس پاروں ایہہ ماحول پکا ہو چکیا ہے پئی سٹیبلشمنٹ نواز خلاف کم کر رہی ہے۔دوجے پاسے نواز سولین بالا دستی دا بیانیہ چلایا ہے جس دی اصولی مخالفت کوئی نہیں کر رہیا۔ایس بیانیے پاروں نواز پنجاب دے نال نال دوجے صوبیاں وچ وی اگے ودھ رہیا ہے اتے اسفندیار نوں وی مننا پیا اتے اچکزئی، میر حاصل تے پہلے ہی منیندے نیں۔اینج جاپدا ہے پئی28جولائی دے فیصلے نیں سولین بالا دستیاں دی لڑائی نوں بہوں تگڑا کر دتا ہے اتے جے کوئی ہور کم کرن دی کوششاں ہوئیاں تے کٹی کٹا اگلی چوناں توں پہلاں ہی نکل آئے گا۔اقامے والے فیصلے پاروں عدالت اخلاقی تے قنونی پدر تے ہور تھلے گئی ہے اتے نیب کیساں پاروں کم ہور خراب۔عمران خان دا فیصلہ اک نواں پواڑا بنے گا یا پچھلے کماں تے مٹی پائے گا، ایہہ سوال سب دے سامنے۔نواز اپنے پبلک امیج نوں ودھایا ہے اتے ایس پاروں اوس نوں فیدے ہو رہے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels