Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> مانو گنتری2017:آبادی دابم ’’خود کش حملہ‘‘۔پنجاب سب توں بہتر، فاٹا، اسلام آباد خطرناک

مانو گنتری2017:آبادی دابم ’’خود کش حملہ‘‘۔پنجاب سب توں بہتر، فاٹا، اسلام آباد خطرناک

August 26th, 2017

ڈیٹا تہاڈا شیشہ ہے جس توں انکار نہیں ہو سکدا۔مانو گنتری دی اوکھی، سوکھی گلاں بارے ہک جھات -

دھرتی تے اوہی ہے، تھاں وی اوہی پر اساں ایس تے بھار ودھا رہے ہاں اتے ایہہ اوہ خود کش حملہ ہے جس بارے اساں سوچنا وی نہیں چاہندے۔ کسے نوں فکر ہے پئی کراچی دی گنتری اوڈی نہیں جیڈی انہاں ہشیاری نال دسی ہوئی سی؟کوئی ایس تے خش پئی پنجاب دی گنتری گھٹ ہو گئی ہے؟پر کوئی ایس تے حیران نہیں کہ فاٹا تے اسلام آباد دی گنتری ایڈی کیوں ودھ گئی ہے۔آبادی تے سب توں زیادہ کنٹرول پنجاب وچ ہویا اتے ایس بعدوں دوجا نمبر سندھ دا ہے۔پر ایس کنٹرول نوں ودھان دی لوڑ ہے۔
پچھلی مانو گنتری 17سال بعد ہوئی سی تے اساں اٹھ کڑوڑ توں13کڑوڑ ہو گئے ساں اتے ہن مانو گنتری19سال بعد ہوئی تے اساں پونے21کڑاڑ تیک اپڑ چکے ہاں۔جے بچے پیدا کرن تے کنٹرول نہ پایا تاں اساں اگلے20ورہیاں وچ35کڑوڑ تیک اپڑاں گے۔
علامہ اقبال113سال پہلاں اک کتاب’’علم اقتصاد‘‘ لکھی سی تے قوم نوں آبادی دے بم توں ڈرایا سی اتے لکھیا سی کہ آبادی ترقی نوں کھا جاندی ہے۔بھارت ایس دی سب توں بھیڑی مثال پر اساں نہ تے اقبال دی گل نوں چیتے رکھیا اتے نہ ہی بھارت دی کوڑ مثال تے غور کیتا۔سب توں زیادہ آبادی ودھان والا اسلام آباد ہی ہے جتھے پورے ملک توں دگنے تناسب نال بچے جمے جا رہے نیں۔
کراچی دے دانشور اٹھ واٹھ ماردے سن اتے کراچی دی آبادی نوں ترے کڑوڑ آکھن وچ بظاہر بڑے سمجھدار صحافی وی رلتی سن۔پر ڈیٹا دس رہیا ہے پئی کراچی ہی نہیں سگوں پورے سندھ وچ  بچے  جمن دا کم گھٹ ہویا ہے۔باہروں وی ایڈے بندے نہیں آئے جڈی کھپ سی۔ایک کڑوڑ چالیہ لکھ دی کراچی دی آبادی وچ ادھے توں ودھ غیر مہاجر نیں۔سندھ دی کل آبادی چار کڑوڑ78 لکھ ہے جس وچ 52فیصدی شہری آبادی رلتی ہے جہیڑی دو کڑوڑ39لکھ بن دی ہے۔ایس وچوں کرچی حیدر آباد دی اک کڑوڑ تے70لکھ آبادی کڈ وی دو تاں سندھ دی نکے شہراں دی آبادی 70لکھ ہو چکی ہے۔سندھ دے نکے شہر تگڑے ہو رہے نیں تاں مارے اوتھے زیادہ سرمایہ کاریاں تے صحت، تعلیم دی لوڑ ہے۔سب توں حیران کن ڈیٹا فاٹا تے اسلام آباد دا ہے۔ فاٹا دی آبادی اخیری مانو گنتری وچ نری ترے لکھ سی جیہڑی نویں مردم شماریاں وچ 50لکھ دسی جا رہی ہے۔کتھے افغان طالبان نوں وی پاکستانی بنا دتا گیا ہے؟ایس بارے جھات پاون دی لوڑ ہے پئی ایہہ گنتری ٹھیک ہے؟ نویں لوک کون آئے نیں؟ کتھوں آئے نیں؟فاٹا وچ آبادی ودھن دا تناسب وی بہوں زیادہ نہیں تاں فیر ایہہ گنتری کنج ودھ گئی؟ ایہہ وڈا سوال ہے؟فاٹا وچ زنانیاں دی گنتری وی سب توں گھٹ ہے جس پاروں شک ہور ودھدا ہے؟
اسلام آباد دی گنتری1998وچ نری اٹھ لکھ سی اتے ایہہ ہن 20 لکھ توں ودھ ہے اتے شہری آبادی گھٹ ہو رہی ہے۔ کون اسلام آباد دے پنڈاں وچ آرہیا ہے؟اسلام آباد دے پنڈاں وچ آبادی ودھن دا تناسب وی ملک وچ سب توں زیادہ ہی نہیں سگوں ملکی اوسط تناسب توں دو گنا توں وی وادھو ہے۔اسلام آباد وچ نویں لوک کون آرہے نیں جیہڑے پنڈاں ول دا رخ کر رہے نیں؟ہاوسنگ سکیماں پاروں ایڈا اصافہ نہیں ہو سکدا کیونجے اوہ تے ہلے پوریاں چلیاں وی نہیں۔
پنجاب وچ بچے جمن دی رفتار گھٹ تے ہوئی ہے پر ایس دا وڈا کریڈٹ پینڈو پنجابیاں تے ہے۔ پنجاب دے شہراں وچ رہن والے زیادہ بچے جمدے نیں۔سندھ وچ وی پنڈاں تے شہراں وچ بچے جمن دا تناسب تقریبا اک جیہا ہے۔ذرا غور کرو پئی پاکستان دے وڈے شہر تے سندھ، پنجاب وچ ہی نیں اتے انہاں وچ پڑھائی لکھائی وی بڑی ہے اتے انہاں نوں اپنے آپ تے مان وی ہے۔ پر ڈیٹا دس رہیا ہے پئی ایہہ بچے جمن وچ اگے اگے نیں۔
خیبر پختونخوا دا ڈیٹا دس رہیا ہے پئی اوتھے81فیصدی آبادی پنڈاں وچ رہندی ہے۔پنڈاں دی حالتاں بہوں بھیڑیاں نیں اتے ماڑے لوکاں نوں دیہاڑیاں دین دی تھاں بیگار لتا جاندا ہے۔بچے پیدا کرن وچ خیبر پی کے تے بلوچستان سب توں اگے نیں کہ بلوچستان دی سمجھ تے آندی ہے پر کے پی وچ برتھ کنٹرول دی لوڑ وادھو ہے۔
پورے ملک دی پونے اکی کڑوڑ دی آبادی وچ کڑوڑ تیرہ توں وادھو پاکستانی پنڈاں وچ رہندے نیں اتے جے ایس وچ آزاد کشمیر تے گلگت بلتستان وی رلا لو تاں ہورے 67فیصدی آبادی پنڈاں وچ رہندی ہے۔پر ملکی پالیسیاں پنڈاں نوں سامنے رکھ کے نہیں بنائی جاندیاں۔ میڈیا توں ایجوکیشن وچ وی ایس دا خیال نہیں رکھیا جاندا۔ہلے تے ایہہ وی نہیں پتہ پئی اکی کڑوڑ وچوں اٹھارہ سال توں وڈے کڈے نیں تے کنیاں دا شناختی کارڈ بنیا ہویا ہے؟
مانو گنتری ساڈا بوتھا ہے اتے ایس نوں سامنے رکھ کے ہی اگے دی گل سوچی جا سکدی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels