Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> جس ملک وچ چونویں وزیراعظماں نوں کڈہیا جائے، انہاں دی دنیا عزتاں نہیں کردی

جس ملک وچ چونویں وزیراعظماں نوں کڈہیا جائے، انہاں دی دنیا عزتاں نہیں کردی

August 24th, 2017

سٹیبلشمنٹ نوں ایہہ گل سمجھ کدوں آئے گی کہ جس گھر توں لڑن، مرن دی آوازاں آندیاں نیں اوس بارے محلے وچ گلاں وی وادھو ہوندیاں نیں تے افواواں وی پھیلدیاں نیں۔ہشیار سٹیبلشمنٹ اپنے فوری ٹیچیاں پاروں ملک نوں بدنام کردی ہے اتے جداں الزام لگدے نیں تے چوک وچ کھلو کے ایہہ آکھدی ہے پئی سب چنگا ہے۔بھٹو وانگ نواز بارے عدالتی فیصلے نوں لوکائی نہیں قبولیا کہ ٹرمپ نے موقعہ ویکھ کے ہی وار کیتا ہے۔پرسوال ایہہ ہے پئی ایہہ موقعہ کس فراہم کیتا ہے؟ایوب، ضیا تے مشرف سب نے چونویں قیادتاں تے وار کر کے امریکی ،برطانوی درباراں وچ حاضریاں لائیاں سن تے بلے وی لٹے سن۔پاکستانی سٹیبلشمنٹ چونویں سیاستداناں دے مقابلے وچ باہرلیاں دے متوالے نیں اتے ایہو وڈا مسلہ ہے جس بارے پاکستانی میڈیا وی چپ رہندا ہے۔اج سینیٹ وچ گل کردے ہوئے سنیٹر حمد اللہ آکھیا پئی امریکہ کدی وی پاکستانی لوکائی دے نال نہیں رہیا سگوں سیکورٹی سٹیبلشمنٹ نال ہی رہیا ہے۔پاکستان وچ سارے سٹیک ہولڈراں نوں اپنی غلطیاں منن لینی چاہیدیاں نیں۔30سینیٹراں بحثاں وچ حصہ لتا اتے عالمی پریس وچ ایس بارے رپورٹاں وی چھپیاں۔ایہہ آکھیا گیا پئی خارجہ پالیسی کسے ہور تھاں دی بجائے پارلیمنٹ وچ بنائی جائے۔پر سٹیبلشمنٹ دے اک وڈے اتے قدامت پرست دھڑے نوں ایہہ وارا نہیں کھاندا۔سینیٹ وچ چیرمین رضا ربانی ہوراں وزیراعظم دے سامنے آکھیا پئی مسلہ ایڈا اہم ہے پر سرکاری ٹی وی نے سینیٹ اجلاس دی کاروائی نہیں وکھائی۔وزیراعظم ایس دا نوٹس لے کے تحقیقاں دا حکم دے دتا۔جیہڑے اپنے گریبان وچ نہیں ویکھنا چاہندے اوہ امریکہ نوں تڑیاں لا کے لوکاں نوں بیوقوف بنا رہے نہیں۔سٹیبلشمنٹ اپنی غلطیاں منن لئی تیار نہیں۔جس طراں اقامہ دی بنیاد تے فیصلہ کیتا گیا اوس نال بیرون ملک پاکستان دا مذاق اڈایا گیا۔چینی میڈیا نے وی28جولائی دے فیصلے بعدوں سی پیک بارے تحفظاں بارے لکھیا۔ٹرمپ دی ٹائمنگ ٹھیک ہے اتے ایہہ موقعہ ہمش وانگ سٹیبلشمنٹ آپ دتا ہے۔ایہہ سٹیبلشمنٹ تے جونیجو ورگے وزیراعظم نال وی نہیں چل سکی سی۔سٹیبلشمنٹ دی اجہی حرکتاں دا ہمش باہرلیاں فیدہ چکیا ہے جس بارے اج مڑ جھات پاون دی لوڑ ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels