Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> پنجاب نوں توڑنا ہو سی۔نواز تے آرٹیکل چھ لاؤ۔جنرل(ر) غلام مصطفی دی نیوز ون وچ بڑکاں

پنجاب نوں توڑنا ہو سی۔نواز تے آرٹیکل چھ لاؤ۔جنرل(ر) غلام مصطفی دی نیوز ون وچ بڑکاں

August 16th, 2017

نواز دا غصہ ہن پنجاب تے لانا ہے جنج بھٹو دا غصہ سندھ تے لایا گیا سی1980دے دہاکے وچ۔انہاں نوں دفاعی تجزیہ کار بنانا کجھ دیر توں شروع کیتا گیا سی۔کراچی دے دو لیڈراں ، پی ٹی آئی دے فیصل واڈا تے ایم کیو ایم دے سلمان مجاہد نال ، اوچی تے تیز تیز بولن والی جیسمین اینکر دے پروگرام وچ اوہ پنجاب نوںCut to Size یعنی اوقات وچ لیاون دی گل کر رہے سن۔ہن کنج ایجنڈے پاروں پی ٹی آئی،ایم کیو ایم تے اینکر غلام مصطفی دی ہاں وچ ہاں ملا رہے سن اوہ ایہہ سمجھن لئی وادھو پئی لندنی تے سعودی اتحاد رنگ لا رہیا ہے۔کوئی نواز توں مشرف تے آرٹیکل چھ لاون دا بدلہ لے رہیا ہے تے کسی نوں یمن دی جنگ وچ نہ جاون دا غم۔ایجنڈا ہولے ہولے گھل رہیا ہے۔کسے دا غصہ نواز نال تے کوئی بغض پنجاب وچ وڑیا ہویا۔ساڈی سٹیبلشمنٹ1971وانگ اک وار فیر سب توں وڈے صوبے نوں کٹ ٹو سائز کرن لئی تیار۔ایہہ کدی سب توں وڈے چینل دے خلاف ہوجاندی ہے، کدی سب توں مقبول لیڈر نوں پھائے لاندی ہے تے کدی سب توں وڈے لیڈر تے غداری دا مقدمہ چلاون دی گل کردی ہے۔ ایہہ ہر ویلے ڈردی کیوں رہندی ہے؟ایم کیو ایم نوں تے پتہ ہے پئی اج پنجاب ٹوٹے گا تے کل نوں اوہ ٹٹے پنجاب نال رل کے کراچی صوبہ بناون گے۔ایہہ پروگرام پندرہ اگست دے دیہاڑ چلائیا گیا پئی بھارتی یوم آزادی تے ایہہ کس نوں خش کر رہے سن؟ آئین وچ صوبیاں نوں ونڈن دا اک طریقہ دتا گیا ہے پر غلام مصطفی ہوراں نوں آئین کون پڑھائے۔مشرف دے ٹرائل دی گل انہاں کولوں ہو نہ سکی۔اجہے ون سائیڈڈ پروگرام چلا کے چینل کتھے حاضریاں لا رہیا ہے؟جی ٹی روڈ تے نواز دے استقبال پاروں انہاں اٹھ و اٹھ مارنا شروع کر دتا ہے۔کیونجے ایجنڈا پنجاب مخالف ہے تاں مارے بڑے بڑے جگادری تے بظاہر جمہوریت پسند وی ایس وچ حاضریاں لا رہے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels