Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> اگرتلہ سازش مقدمہ: جداں اسٹیبلشمنٹ مجیب الرحمن نوں آپ لیڈر بنایا

اگرتلہ سازش مقدمہ: جداں اسٹیبلشمنٹ مجیب الرحمن نوں آپ لیڈر بنایا

July 21st, 2017

سیاسی لوکاں دے مقدمے دو دہاری تلوار ہوندے نیں کہ انہاں وچ اہمیتاں دی گل سیاست ہی رہندی ہے اتے ایس دی سب توں خوفناک مثال اگرتلہ مقدمہ۔کنج ایس مقدمہ پاروں پاپولر مولانا بھاشانی نوں نکرے لایا گیا اتے شیخ مجیب الرحمن نوں لیڈر بنایا گیا ایہہ سب تواریخ دی پنیاں وچ محفوظ۔کیس ایوبی اقتدار دے اخیری سال بنایا گیا جداں جنرل یحی اقتدار تے نظراں جمائے بیٹھا سی۔جنوری1968توں جیہڑا مقدمہ بنایا گیا اوہ پورا اک سال تے اک مہینہ چلیا اتے ایس مقدمے نے مشرقی پاکستان نوں بنگلہ دیش بنن ول دھکیل دتا۔ایہہ اوہ ویلہ سی جداں مشرقی پاکستان تے مغربی پاکستان وچ مولانا بھاشانی سب توں وڈا لیڈر سی جیہڑا دونوں پاسے پاپولر سی۔بھاشانی ہوری کھلم کھلا علیحدگی پسندی دے خلاف سن اتے مشرقی تے مغربی پاکستان دی اشرافیہ توں عام آدمی دی جان چھڈاون دی سیاستاں کر رہے سن۔جس طراں دسمبر1970دی چوناں توں پہلاں بھاشانی دے کارکناں دی ٹارگٹ کلنگ کرائی گئی اتے جداں وسط1970وچ مشرقی پاکستان دے پنج ضعلے سونامی دا شکار ہوئے تے جنرل یحی دی مرکزی سرکار کتھے نظر نہ آئی اتے اینج مجیب ایس نوں اسلام آباد تے مغربی پاکستان خلاف خوب ورتیا۔ ایہہ سب ایس دا ثبوت کہ اگرتلہ سازش کیس اک ہشیار منصوبے دا حصہ سی۔جج ایس اے رحمن اگرتلہ کیس نوں سنیا پر ایس مگر کیہڑی گیم سی ایس دا پتہ کجھ لوکاں نوں ہی سی۔کیس مجیب نوں بدنام کرن لئی بنایا گیا سی پر کیس بعدوں جداں مجیب رہا ہویا تے پلٹن میدان وچ فروری 1969نوں اوس تواریخی جلسہ کیتا۔ہن اوہ بھاشانی دے مقابلے دا لیڈر سی اتے اوس نوں بنگہ بندو دا ٹائٹل دتا گیا۔اک میہنے بعدوں یحی نے ایوب نوں چلتا کردتا۔اندرونی سیاستاں لئی کیہہ کجھ نہیں ہوندا ایہہ سب اگرتلہ کیس دے آل دوال دی سیاستاں نوں سمجھن لئی وادھو۔ سیاسی مقدمیاں وچ سیاست ہی اگے رہندی ہے اتے ایس وچ تکنیکی مسلے کتھے پچھے رہ جاندے نیں تے سیاست ہی رہ جاندی ہے۔پر نوآبادیاتی بندوبست توں تربیتاں لے کے اساری ساڈی اسٹیبلشمنٹ نوں سیاست توں ویر ہے تاں مارے اوہ سیاستاں نوں سمجھن توں عاری کہ اگرتلہ کیس ایس دا وڈا ثبوت۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels