Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> تے ہن شکیل آفریدی دی رہائی؟ نصرت جاوید

تے ہن شکیل آفریدی دی رہائی؟ نصرت جاوید

وچار ڈیسک
July 9th, 2017

پکیاں معلوماتاں تک رسائیاں دے حق توں وانجھے میرے ورگے صحافیاں نوں بہوں سارے اہم ماملیاں دے حل لئی لائی گیم نوں سمجھن لئی تخیل دا آسرا لینا پینداجے۔ ذہن وچ جمع ہوندا بوجھ ایس ضمن وچ بہوں بھاری ایس لئی وی لگدا ہے کہ ساڈی ریاست دے تاحیات اداریاں وچ موجود کسی با اختیار شخص نے مینوں واٹس ایپ گروپ دے ذریعے ’’خبراں‘‘ دین دے قابل نہیں سمجھیا۔ جبلی بنیاداں تے کاہل تے عمر ودھن دے نال سُست ہوندے پٹھیاں دے باوجود میں ’’خبر‘‘ دے حوالے نال اپنا ’’شکار‘‘ خود لبھن تے مجبور ہاں۔ واٹس ایپ والی خیرات دا عادی نہیں بن پایا۔ ایس خیرات نوں سعادت مندی ہے قبولنا، تہانوں ’’محب وطن‘‘ بنان وچ بہوں آسانیاں فراہم کردا ہے۔ انہاں علاقیاں تک پہنچن دی راہ وی بنادیندا ہے جتھے خود جانا خطرے توں خالی نہیں۔ مثال دے طور تے پار اچنار جیہڑا قبائلی علاقہ ہے۔ پاکستان ہی دا حصہ ہے پر تساں گڈی وچ بیٹھ کے ترنت اوتھے نہیں اپڑسکدے۔ اوتھے تک پہنچن لئی ویزے دی نہیں ’’سکیورٹی کلیئرنس‘‘ دی لوڑ ہوندی ہے تے ایسی کلیئرنس دی لوڑ ہوندی ہے جیہڑی بعض اوقات ایس شخص نوں وی نصیب نہیں ہوندی جس تے جمہوری آکھوان دے نال نال پاکستان دے چیف ایگزیکٹو ہون دا الزام وی ہے۔ بہر حال ایس سال دے آغاز وچ جداں ڈونلڈ ٹرمپ نے امریکی صدر دا عہدہ سنبھال لتا تے میرے وسوسیاں بھرے ذہن نے اکثر ایہہ سوچنا شروع کردتا کہ اسامہ بن لادن دی ایبٹ آباد دے اک مکان وچ موجودگی دی پولیو دے خلاف مہم دے اک رضا کار دا روپ دھار کے تصدیقاں کرن والے ڈاکٹر شکیل آفریدی دی رہائی دا بندوبست کنج ہوئے گا۔ ریاست پاکستان دے دائمی اداریاں دے کجھ کرتا دھرتا افراد نال ایس ضمن وچ جان دی امان پاندے ہوئے رجوع کیتا تے رعونت بھرے جوابات ملے۔ بشری انصاری دی متعارف کروائی ’’بزتی جئی ہوگئی۔ نواز شریف دی تِیجی حکومت دا آخری بجٹ پیش کرن دے کجھ دن پہلا ں اسحاق ڈار صاحب واشنگٹن تشریف لے گئے سن۔ مقصد انہاں دے ایس دورے دا ورلڈ بینک دے افسراں نال ملاقاتاں سن۔ ورلڈ بینک نرا معاشی بنیاداں تے ہی فیصلے نہیں کردا سگوں امریکہ دے قومی مفادات نوں وی ذہن وچ رکھدا ہے۔ ایسے پاروں اپنے واشگٹن ٹہرن دوران ڈار صاحب نوں امریکی صدر دے مشیر برائے قومی سلامتی جنرل میک ماسٹر نال وی اک اجہی ملاقات کرنا پئے گئی۔ ایس ملاقات نوں ’’سکیورٹی کلیئرڈ‘‘ رکھن دی خاطر ساڈے وزیر خزانہ واشنگٹن دے پاکستانی سفارت خانے وچ موجود ساڈے وفاعی مشیر نوں وی اپنے نال لے گئے سن؟ جنرل میک ماسٹر نال ملاقات دے بعد ڈار صاحب نے جداں پاکستانی صحافیاں دے اک گروپ نال ملاقات کیتی تے اوتھے موجود اک صحافی نے ایس دی تصدیق چاہی کہ کیہ اوس ملاقات وچ ڈاکٹر شکیل آفریدی دی رہائی دا سوال وی زیر بحث آیا سی۔ ڈار صاحب نے جواب ہاں وچ دتا ’’معاملے دی نزاکت‘‘ نوں ذہن وچ رکھدے ہوئے تفصیلاں دسدن توں اجتناب ورتیا۔ انہاں دے اجتناب نے میرے تخیل نوں مہمیز لادتی اتے کن کھڑے ہوگئے۔ میں انتہائی عاجزی نال شکیل آفریدی دی ممکنہ رہائی دی اڈیک شروع کر چھڈی۔ IMF نے پر جو نواز شریف دی تِیجی حکومت دی معاشی پالیسیاں دے بارے وچ تواتر دے نال سب چنگا والی رپورٹاں دے رہیا سی، عید توں ہی کجھ دن پہلا جو تازہ رپورٹ جاری کیتی اوہ کافی پریشان کن سی۔ اسی ایس تے پورا غور نہیں کر سکے۔ معاشی ماملیاں دے حوالے نال قطعاً جاہل میرے ورگے صحافی نوں البتہ ایہہ سنہیا ضرور مل گیا کہ ساڈی ’’حمیت‘‘ آفریدی دی رہائی تے تیار نہیں ہورہی ہن تے ریمنڈڈیوس دی کتاب وی منظر عام تے آگئی ہے۔
ایہہ کتاب پاکستان وچ موجود کتاباں دی دوکاناں تے ہلے آئی ہے یا نہیں، ایس دے بارے وچ مینوں علم نہیں۔ ایس دے بہوں سارے ورقے پیاریاں دی بدولت واٹس ایپ دے ذریعے میرے تک پہنچ گئے نیں۔ مینوں ادب دے علاوہ امریکہ وچ ساڈی ’’قومی سلامتی‘‘ دے بارے وچ چھپی کتاباں پڑھن دا وی بہوں شوق ہے۔ ایس حوالے نال کوئی کتاب چھپے تے اپنے بجٹ وچ ایس نوں خریدن دی گنجائش کڈھنا ضروری ہوندا ہے۔ ریمنڈ دی contractor البتہ گھر بیٹھے ہی واٹس ایپ دی بدولت پڑھن نوں مل گئی۔ ایس کتاب وچ لکھیا کوئی اک واقعہ وی میرے لئی ’’نواں‘‘ نہیں سی۔ ساڈے ریگولر تے سوشل میڈیا وچ ت،ایس کتاب دا چرچا بہوں ہویا۔ ریمنڈ دی رہائی وچ آسانیاں پیدا کرن دا اصلی ذمے دار آئی ایس آئی دے اک سابق سربراہ جنرل پاشا نوں ٹھہرادتا گیا ہے۔ میری انہاں جنرل صاحب نال صرف اک ملاقات ہوئی سی۔ ایس ملاقات وچ ساڈے دو بہوں سینئر صحافی وی موجود سن۔ ایس ملاقات دا بندوبست سابق صدر آصف علی زرداری نے کیتا سی۔ ہویا اینج کہ 2011 دی مئی وچ اک بہت ہی محنتی صحافی سلیم شہزاد اک ٹی وی پروگرام وچ حصہ لین لئی اپنے گھر توں نکلیا تے غائب ہوگیا۔ کجھ دن پہلاں ایس دی لاش منڈی بہاؤ الدین توں پانی لے جان والی نہر وچوں لبھی سی۔ پریشان ہوئے صحافیاں نے پارلیمان دے سامنے دھرنا دے دتا۔ ساڈا مطالبہ سی کہ افتخار چودھری دا سپریم کورٹ اک کمیشن دے ذریعے سلیم شہزاد دی پر اسرار گم شدگی تے ہلاکت دی تحقیقاں کردے ہوئے پتہ کرے۔ ’’ارسلان دے ابو‘‘ اپنے سوموٹو اختیاراں نوں ایس ملک وچ انصاف دی فراہمی نوں آسان تے یقینی بنان لئی عادتاً ورتدے سن۔ سلیم شہزاد دے معاملے تے ، پریشان ہوئے صحافیاں دے دھرنے دے باوجود وی اوہ کوئی توجہ نہیں دے پائے۔ آصف علی زرداری نوں رحم آگیا۔ انہاں نے فون تے مینوں سمجھیا کہ جے جنرل پاشا نوں کسی ایسے کمیشن دے قیام تے راضی کر لتا جائے تے کجھ پیش رفت ہوسکدی ہے۔ جنرل پاشا تک میری رسائی نہیں سی۔ انہاں نے ملاقات کروان وچ مدد دین دا وعدہ کیتا۔ میری شرط پر ایہہ وی سی کہ جے جنرل صاحب ایس ملاقات تے آمادہ ہوگئے تے کلیاں نہیں جاواں گا۔ کم از کم دو سینئر ساتھی وی میرے نال ہون گے۔ بالآخر ملاقات ہوگئی۔ اوتھے بہت عاجزی نال جنرل صاحب نوں مجوزہ کمیشن تے راضی کرن لئی داد و فریاد دا کردار ایس فدوی نے اپنے ذمے لتا۔ بہت طیش وچ سانوں صحافیاں نوں ساڈی اوقات یاد دوان دے بعد اوہ مائل بہ کرم ہو گئے۔ جلال دے بھرپور اظہار دے بعد کرم فرمائی دی رو وچ انہاں نے ریمنڈڈیوس دی رہائی دے بارے وچ وی بہت کجھ دسیا۔ اوہ ملاقات ’’آف ریکارڈ دی ریکارڈ‘‘ سی ایس لئی میں صحافیانہ اخلاقیات توں مجبور انہاں گلاں نوں دہرا نہیں سکدا۔ ایس گل دا اثبات پر ضروری کہ جنرل پاشا نے یقیناًریمنڈ دی رہائی وچ اہم کردار کیتا سی۔ اینج کردے ہوئے جے اوہ آصف علی زرداری یا یوسف رضا گیلانی دے احکاماں دی تعمیل نہیں سگوں اپنے چیف جنرل اشفاق پرویز کیانی دی Guidance کررہے سن۔ میری گل نوں سمجھنا ہوئے تے لیپ ٹاپ کھولیے۔ google تے جائیے۔ امریکی ایڈ مرل مولن دی جنرل کیانی نال ملاقاتاں دی تریخاں مہینے تے سال سمیت search کرکے جمع کرلو۔ تسی با آسانی دریافت کرلو گے کہ انہاں دوناں دے درمیان اک ملاقات ریمنڈڈیوس دی گرفتاری تے رہائی دے درمیانی دناں وچ اک بحری جہاز تے وی ہوئی سی۔ اسی ’’دو ٹکے دے صحافی‘‘ تے دو نمبری سیاست دان، حاضر سروس افسراں دے روبرو بہوں’’فدویانہ‘‘ رویہ اختیار کیتے رکھدے ہاں۔ عاجزی تے غلامی دا ڈھونگ رچائے ہوئے وی پر اپنی حبیبوں وچ انہاں دے خلاف جمع ہوے سارے پتھر ہن حبیبوں باہر آگئے نیں۔ اج بہوں دراز ہو گئی زباناں، یقیناًانہاں دناں جنرل پاشا دی جُتی توں مِٹی ہٹاندی ہوئے گی جداں اوہ ISI دے چیف سن۔ میں اپنی زبان نوں انہاں دناں وی مٹی ہٹان لئی نہیں ورتیا سی۔ ایس لئی ایس نوں ہن جنرل پاشا دے خلاف دراز کرن دی جرات نال وی محروم ہاں۔ گل بہت سادی ہے۔ امریکی صدر اوبامہ نے جداں برسر عام اعلان کردتا کہ ’’ریمنڈڈیوس نوں سفارتی استثناء حاصل ہے‘‘ تے Coalition Support Fund دی محتاج ریاست پاکستان دے کول ایس نوں رہا کرن دے علاوہ کوئی رستہ ہی باقی نہیں بچیا سی۔ ایس رہائی لئی عملی طور تے جو کجھ ہویا اوہ سب بہوں اہمیتاں نہیں رکھدیاں۔ لڑائی دے بعد یاد آیا مکے دا جواب جنرل پاشا ولوں اُچھالیا جارہیا ہے۔ مینوں خدا لئی ہن ریمنڈ دے بجائے شکیل آفریدی دی ممکنہ رہائی بارے وچ کوئی ٹھوس خبر عنایت فرمان۔
ref Nawa e waqat
Previous article of same writer tranlated in Punjabi at Wichaar
http://www.wichaar.com/news/119/ARTICLE/33232/2017-06-27.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels