Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> کوئی سازش نہیں ہو رہی۔جیہڑا ملک توں باہر کاروبار کردا ہے اوہ حکومت نہ کرے۔خورشید شاہ دی منطق

کوئی سازش نہیں ہو رہی۔جیہڑا ملک توں باہر کاروبار کردا ہے اوہ حکومت نہ کرے۔خورشید شاہ دی منطق

July 6th, 2017

اداریاں دی ڈنگی پی پی پی اج کل جس طراں اداریاں دی مامی بنی ہوئی ہے اوہ بہوں دلچسپ پر ایس دی وجہ وی ہے۔پیپلز پارٹی ایہہ سوچدی ہے کہ پانامہ کیس وچ نواز شریف اتے فارن فنڈنگ تے دوجے کیس پاروں عمران خان ڈس مس ہو جاون گے تے ’’مرزا‘‘ میلہ لٹ لے گا۔2011توں پہلاں ایہی پیپلز پارٹی سی جیہڑی سمجھدی سی کہ عمران خان دی گڈی چڑھن دیو تے کیونجے عمران خان تے نواز شریف سجے پکھ دے لیڈر نے تاں انہاں دے ووٹ ٹٹن گے تاں ’’مرزا‘‘ میلہ لٹ لے گا۔جے ذرا غور نال ویکھو کہ انہاں دوناں بیانیاں وچ پیپلز پارٹی اپنی قوت تے چلن دی تھاں ’’طاقت دے کشتے‘‘ لبھ رہی ہے کہ جس نوں پہلے توں من لتی شکستاں دا بوتھا آکہیا جا سکدا ہے۔پیپلز پارٹی دا ایہہ وی خیال ہے کہ جے ایس لڑائی وچ کوئی اک ’’ویری‘‘ وی ڈھے جاندا ہے تاں وی پی پی پی نوں فیدہ ہوئے گا۔پی پی پی نوں سندھ توں باہر اپنی ڈگدی ہوئی پوزیشن دا احساس ہے اتے گھٹ و گھٹ پنجاب وچ مکن دا ٹیکہ تے بہوں وڈا ہے۔پر اوس دی وڈی وجہ اک پاسے سندھ سرکار دی کارکردگی ہے تے دوجے پاسے پنجاب بارے کوڑ بیانیہ جیہڑا پچھلی چوناں وچ وی پٹ چکیا ہے۔ پی پی پی والے ایس گل تے غور نہیں کرنا چاہندے پئی جیہڑا وی ڈیسکوالیفائی ہو سی اوس دی سیاست ہور چمکے گی کیونجے لوک لیڈراں تے زیادہ اتے اداریاں تے گھٹ اعتبار کردے نیں اتے ایس دی وجہ اداریاں دا کوڑ ماضی ہے۔پی پی پی نوں سارے ادارے رل کے وی نہیں مکا سکے سن سگوں پی پی پی2008بعدوں آپ خودکشی کیتی ہے۔زرداری ہوری کیونجے اک چانس پاروں پی پی پی دے وڈکے بنے نیں تاں مارے ہر ویلے چانس ہی لیندے رہندے نیں۔پی پی پی ایس وچ کامیاب ہوئے یا نہ ہوئے پر جمہوریت تے پارلیمنٹ نال سانجھ تے اداریاں دی مداخلتاں خلاف اوس پچھلے48سالاں وچ جیہڑا علم چکیا سی اج اوس آپ ڈگا دتا ہے اتے ہن اوہ اداریاں دی مداخلتاں دا بیانیہ مڑ چلا نہیں سکے گی۔پاکستان توں باہر کس دا پیسہ نہیں, تے کون کاروبار نہیں کردا؟ پانامہ تے سوئس بینک تے نکا جیہا حوالہ ہے کہ اج دی دنیا وچ جس کول رقماں نیں اوہ اوس نوں محفوظ سرمایہ کاریاں وچ لاندا ہے۔آپ پنجاب وچ گورنر راج لاون والے اتے جج بحالیاں تے اڑچلاں پاون والے نواز تے میمو گیٹ دا الزام لاندے چنگے نہیں لگدے۔ ایہہ بودھا بیانیہ تاں مارے اج کل چل رہیا ہے کیونجے انہاں پی پی پی نوں ورتنا ہے۔پر پی پی پی ایہہ سمجھ رہی ہے کہ اوس مارکہ مار لتا۔جڈی ہائی مورال گراونڈ ایس پارٹی کول سی اج کل اوس نوں آپ نیلام کر رہی ہے۔پر ایہہ کامیابی وی پارٹی نوں کجھ نہیں دے سکے گی۔جے انہاں اپنی طاقتاں پارٹی دے پرانے ورکراں تیک اپڑن تے لائیاں ہوندیاں تے کجھ چونویں کم سندھ وچ کیتے ہوندے تے پارٹی بچائی جا سکدی سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels