Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> قطر دا مسئلہ ،سیاستاں تے راحیل شریف دی واپسی۔ رابرٹ فسک

قطر دا مسئلہ ،سیاستاں تے راحیل شریف دی واپسی۔ رابرٹ فسک

وچار ڈیسک
June 13th, 2017

پورے انگلش تے ادھے امریکی رابرٹ فسک دے تازے آرٹیکل دا چونواں حصہ پڑھو جہیڑا کجھ دن پہلاں انہاں قطری جھیڑے مگر لوکویں معاشی مفاداں بارے لکھیا ہے۔فسک ہوری مڈل ایسٹ تے اتھارٹی منے جاندے نیں کہ انہاں راحیل شریف دی واپسی بارے چلن والی افواواں نوں وی اپنے آرٹیکل وچ تھاں دتی ہے اتے ایہہ وی لکھیا ہے کہ سعودی عرب کیوں قطر دے خلاف ہے۔

امریکی صدر ڈونلڈ ٹرمپ جیہڑا ’’سنی اتحاد‘‘ بناون دی کوششاں کررہیا سی اوہ نہ بن سکیا۔ جنہاں شکسپئیر دے ’’ڈرامے‘‘ پڑھے نیں اوہ ایس کامیڈی بارے چوکھا جان سکدے نیں کہ سعودی عرب قطر نوں ات گردیاں دا وڈا تھم آکھیا ہے۔ سعودی عرب تے قطر دوناں نے ہی دولت اسلامیہ وچ حصہ پایا سی۔ پر 9/11 دے جہاز اڈان والیاں وچ اک قطری وی رلتی نہیں سی البتہ قطر الجزیرہ ٹی وی راہیں القائدہ تے شامی باغیاں نوں ہیرو بناون وچ چوکھا کم کیتا سی۔ یمن جس اوتے سعودیاں بمباریاں وی کیتیاں سن اج قطر خلاف کھڑا ہے۔ ہور تے ہور مالدیپ وی قطر نال سانگے توڑ لتے نیں کیونجے سعودی عرب اوس نوں 300 ملین ڈالر دا آسان قرضہ دین دا وعدہ کجھ چر پہلاں ہی کیتا ہے۔ ایہو نہیں سگوں مالدیپ وچ 100 ملین ڈالر دی سرمایہ کاری اتے اک لکھ ڈالر نال مالدیپ وچ 10 مسیتاں کھڑی کرن اتے سعودی سکالراں نوں گھلن دے وادھو وعدے وی نیں۔ ایہہ بھلنا نہیں پئی دولت اسلامیہ نوں بندیاں دی شکل وچ مالدیپ توں وادھو ’’کمک‘‘ ملدی ہے۔ ہن تے اوس دن دی اڈیک کہ جدوں سعودی فوجاں قطر وچ ’’امن عالم دی خیر‘‘ والے نعرے لاندیاں وڑن گیاں۔ میں جداں موجودہ امیر قطر تے پیو نوں پچھیا سی کہ تساں امریکی اڈے مکاندے کیوں نہیں تے انہاں آکھیا سی کہ جے میں ایہہ کیتا تے میرے عرب بھرا مینوں کھا جان گے۔ سعودی عرب ایس گل نوں بھل رہیا ہے کہ کویت کیوں سعودی عرب تے قطر وچ صلح لئی پھرتیاں وکھا رہیا ہے۔ دوجے پاسے یو اے ای وچ دبئی والے ابوظہبی دے الٹ قطر مخالفت وچ اگے اگے نہیں کیونجے دبئی وچ ایرانیاں دی وڈی گنتری ر ہندی ہے۔ اومان وی قطر دے نال ہے اتے ایران نال جنگی مشقاں وی کریندا ہے۔ پاکستان کجھ عرصہ پہلاں اپنی فوجاں گھلن توں انکاری ہوگیاسی جدوں سعودی عرب یمن جھیڑا جاری سی۔ ایس دی وجہ ایہہ سی کہ سعودی عرب والیاں پاکستان توں نرے سنی فوجیاں نوں منگیا سی۔ پاکستان نوں ایہہ ڈر پئے گیا کہ سعودی عرب دی ڈیمانڈ منن بعدوں پاکستانی آرمی فرقہ وارانہ بنیاداں تے ونڈی جائے گی۔ ایہہ افوا عام ہے پئی پاکستان فوج دے سابقہ آرمی چیف راحیل شریف کمانڈ چھڈ کے مڑ پاکستان جارہے نیں۔ اخوان المسلمون پاروں اج مصر دے حکمران قطر خلاف محاذ وچ رلے نیں۔ پر چیتے رہے پئی مصر وی یمنی محاذ تے ہون والے سعودی یمنی جھیڑے وچ فوجاں نہیں گھلیاں سن۔ پر سعودیاں نوں قطر نال کیہ ویر ہے؟ قطریاں دے شامی حکمراناں نال وی سانگے نیں۔ شامی مسیحی نرساں نوں شامی سرکارنال لڑدے سلفی گروپ حبھہ النصرہ توں جداں چھڈ ایا گیاسی تے نرساں بشارالاسدے دے نال نال قطر دا شکریہ وی ادا کیتا سی۔ (ایہہ جہادی سلفی گروپ لیوانٹ دے تواریخی تجارتی رستہ تے بیٹھا ہے جیہڑا یورپ تے مڈل ایسٹ دا پرانا تجارتی سانگا ہے۔) قطر والے تے خانہ جنگی مکن بعدوں شام دی مدد کرن لئی اوتاولے نیں۔ ایس پاروں شام معاشی طور تے قطر دے تھلے لگ جاسی۔ تاں مارے قطر دا مستقبل روشن ہے۔ شامی تیل دی کشش وادھو ہے کجھ یورپی ملک سمجھدے نیں کہ جے قطر راہیں شامی تیل یورپ تیک اپڑ جائے تاں اوہ روسی بلیک میلنگ توں بچ سکدے نیں۔
لکھاری بارے:انگلینڈ جمے رابرٹ فسک اپنی لکھتاں پاروں شہرتاں رکھدے نیں اتے انہاں دی زنانی امریکی صحافی ہے۔ اوہ 15 سال ٹائمز نال رہی ہے اتے آئرش ٹائمز نال وی کم کیتا ہے اتے اج کل اوس دی فرانس وچ خبر چی جے۔ رابرٹ فسک ہوری آپ وی اخبار ’’انڈیپنڈٹ‘‘ دے مڈل ایسٹ بارے خبرچی نیں۔ہن تساں پورا آرٹیکل آپ پڑھ سکدے ہو، لنک دتا جا رہیا جے۔
http://www.independent.co.uk/voices/qatar-crisis-economy-diplomatic-links-torn-middle-east-russia-hacking-real-story-robert-fisk-a7778616.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels