Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> پاکستان ایس سی او دا ممبر بن گیا: چین مخالف لابی نوں مقامی جواز مل گیا؟

پاکستان ایس سی او دا ممبر بن گیا: چین مخالف لابی نوں مقامی جواز مل گیا؟

June 10th, 2017

پاکستان وچ چین مخالف لابی ہن ایس دا جواب دین لئی تیاریاں تیز کرے گی کہ ایس سی او دا ممبر بنن توں بعد پاکستان تے بھارت وچ وی دوریاں گھٹن دے امکاناں دے ودھن نال چین مخالف لابی نوں مقامی جواز مل رہے نیں۔قومی اتحاد دے بہانے پاروں جنرل ضیا نے عالمی ایجنڈے نوں پورا کرن لئی بھٹو نوں ہٹایا سی پر پاکستانی عوام اج وی ایس عدالتی گھن چکر نوں نہیں منیندی۔اک پاسے سعودی امریکی اتحاد وچ حاضریاں دا مسئلہ ہے کہ قومی اسمبلی تے سینیٹ وچ ایس اتحاد دی حمائیتاں مکدیاں جارہیاں نیں اتے دوجے پاسے ایس سی او پاروں پرانا بھارت مخالف ایجنڈا چلانا اوکھا ہو جا سی کہ ایہہ سب چین مخالف لابی لئی اک چوکھی گنجائشاں دا سامان جے۔اوہ ایس موقعے نوں ضائع نہیں جان دین گے۔ہمیش وانگ فرنٹ تے لڑائی کجھ ہور ہو سی پر فیدہ کسے ہور نوں ہی ہوئے گا کہ ایسے نوں راج نیتی آکھدے نیں۔حیران نہ ہونا کہ اج مشرف تے چوہدری افتخار اکو زبان بول رہے نیں کہ ہارے ہوئے لشکر دے کھڈاریاں نوں موجودہ چونویں سرکار دی موت وچ اپنے فیدے وادھو دسدے پئے نیں۔کدی چین نوں نواں نوآبادیاتی آقا آکھیا جاندا ہے، کدی چین دے پاکستان وچ فوجی اڈیاں دی گل کیتی جاندی ہے تے ہن بھارت مخالف لابی نوں وی نال رلانا اوکھا نہیں ہو سی۔کوئٹہ توں چکے چینی جوڑے اتے نکے بچے دی موت بارے اج خبراں چلائیاں گیاں۔جے غور کرو تاں ایس سی او پاروں پاکستان دے خلاف ات گردیاں دی حمائیتاں والا بھارتی پروپیگنڈا اپنی موت مر گیا ہے کہ ایس سی او ات گردیاں خلاف بنایا گیا وڈا اتحاد ہے اتے پاکستان تے بھارت اوس دے ممبر نیں۔اج پریشر بھارت تے وادھو ہے کیونجے پاکستان تے پہلاں توں ڈائیلاگ دی گل کر رہیا سی۔دوجا وڈا مسئلہ امریکی سعودی اتحاد ہے کہ جس بارے ہن چونویں اسمبلیاں گل کرن نوں تیار نیں۔پندرہ جون نوں قومی سلامتی دی پارلیمانی کمیٹی دا اجلاس وی ہے کہ خارجہ پالیسی دی’’مقدس کھچار‘‘ وچ چونویں قیادتاں دا ہتھ پانا ’’نیک شگون‘‘ نہیں سمجھیا جاندا۔امریکہ وچ اج کل ’’مقدس‘‘اداریاں دے پردھان پارلیمنٹ دی کمیٹیاں اگے جواب دے رہے نیں ، اپنی گل وی کر رہے نیں اتے ایس جوابدہی نوں اپنی بے عزتی وی نہیں سمجھدے۔پاکستان وچ سیاستداناں دی منی ٹریلاں دے حساب منگے جارہے نیں پر کوئی ایوب، ضیا تے مشرف اتے آئی سی ایس افسراں دی اولاداں دی منی ٹریلاں بارے نہیں پچھ سکدا؟ایبڈو توں نیب تیک کرپشن دا گھما ہمیش مقامی جواز گھڑن دے کم آیا ہے کہ اساڈی تریخ ایس دی گواہ جے۔جس ملک دے وڈے وڈے شاپنگ سنٹر سمگلنگ دے مال نال نک و نک بھرے ہون اوتھے کرپشن خلاف گل کرنی نرا اک مذاق یا فیر راج نیتی دا گھما۔ مسئلہ سعودی امریکی اتحاد تے ایس سی او دا ہی ہے یا سی پیک دا کہ باہرلے ایس توں خش نہیں پر لڑائی نوں مقامی چولا پوانا لوڑی دا ہے تاں مارے تیاریاں وادھو۔اجہے مقامی جواز عوامی پدر تے بے توقیر ہی رہندے نیں بھانویں میڈیا تے سیاسی مخالفاں نوں وقتی فیدیاں لئی نال کیوں نہ رلا لیا جائے۔جس تے وار ہوندا ہے ’’شہیدی‘‘اوسے نوں ملدی ہے۔ضیا کولوں وار کروان والیاں کنج جان چھڑوائی سی اوہ وی اساڈی تریخ ہے کہ عالمی کھڈاری کم لین توں بعدوں شمالی اتحاد بنواندے نیں۔اساں کد تیک ایہہ کھیڈ رچاندے رہواں گے؟ کہہ ہن ایس نوں بند کر دینا چاہیدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels