Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> کتھے قطری شہزادے تے جمائما نوں بلانا نہ پئے جائے۔منی ٹریل’’کھیڈ تماشہ‘‘ جاری جے

کتھے قطری شہزادے تے جمائما نوں بلانا نہ پئے جائے۔منی ٹریل’’کھیڈ تماشہ‘‘ جاری جے

May 31st, 2017

ملک پاکستان اندر اج کل لکھاں ووٹ لین والے لیڈر اپنی اپنی منی ٹریلاں لے کے اگے پچھے ہو رہے نیں کہ پیپلز پارٹی خلاف تے لمیرے چر تیک اجہے کیس چلدے رہے۔اک مذاق ہے، اک تماشہ ہے جیہڑا سویرے شامی ہوندا ہے۔جنرل ایوب خان اک صوبیدار دا پتر، جنرل ضیا الحق اک سٹاف کلرک دا پتر اتے جنرل پرویز مشرف اک عامی جہے سول سرونٹ دی اولاد، اج انہاں دے خانداناں تے پچھلگاں کول کیہہ کجھ ہے ایہہ کوئی لکویں کہانی نہیں۔کدی انہاں دی منی ٹریل وی کوئی پچھے گا۔ ہور تے ہور، میڈیا دے مالکاں نے دو دو نسلاں وچ جو مال کمایا ہے اوہ سب جاندے نیں۔ ہلے ایس ملک وچ اجہے لوک زندہ نیں یا مرن توں پہلاں لکھ گئے نیں کہ نریاں چار، پنج دہائیاں پہلے اوہ کس ، کس حالت وچ رہندے سن ۔کجھ تے ایسے وی نیں جنہاں نوں جاندے جاندے انگریز پورا بندوبست بنا کے دے گئے سن۔اک رٹائر تے اک حاضر سروس جج دا ناں تے پانامہ وچ وی ہیگا ہے کہ جج جاندے نیں کیہڑا کیہڑا چیمبر کیہہ کیہہ کردا رہیا ہے۔سول سرونٹاں دی تے گل ہی نہ کرو کہ انہاں سب بماریاں دی ماں آئی سی ایس افسر سن۔ایہہ منی ٹریل دا کھیڈ جے چل نکلیا تے اشرافیہ دا جنازہ نکل جا سی۔ضیا دور وچ تے ڈالراں تے ریالاں دا ’’ریاض‘‘ کرن والیاں نوں سب جاندے نیں کہ ڈی ایچ اے لٹ وچ جیہڑا کپو اوہی ’’لال‘‘ سی۔پر علی جعفر زیدی اپنی کتاب’’باہر جنگل اندر آگ‘‘ دے صفحہ120تے نیویارک ٹائمز دی اک خبر جنرل ایوب خان دے آف شور اکاؤنٹ بارے لکھی ہے کہ گھٹ و گھٹ نیویارک ٹائمز پانامہ دی چوری شدہ دستاویزاں توں مستند گل ہو سی۔ایہہ حوالہ 27جنوری 1976دے اخبار وچ چھاپیا گیا سی۔ ایس وچ لکھیا سی ’’امریکہ دا ادارہ سی آئی اے اپنے خفیہ فنڈ توں تریجی دنیا دے ترقی پذیر ملکاں دے بعض اخباراں، فوجیاں، سیاسی جماعتاں تے لیڈراں نوں ہر سال کڑوڑاں ڈالراں دی بھاری رقماں دیندا ہے۔‘‘ رپورٹ وچ پاکستان دے حوالے نال ڈالر لین والیاں وچ جنرل ایوب خان دا ناں لکھیا ہے اتے ایہہ وی کہ انہاں نوں جیہڑے 17000ڈالر ساری حیاتی ملن گے اوہ انہاں دے بیرونی اکاؤنٹ وچ جمع کروائے جاندے نیں۔ حیرانی تے انہاں تاجراں تے سیٹھاں تے ہوندی ہے جیہڑے لکھاں روپے دا مال روز ویچدے، خریدے نیں اتے اک کچی رسید وی نہیں دیندے کہ کتھے ٹیکس ہی نہ دینا پئے جائے۔اوہ تاجر وی سیاستداناں توں منی ٹریل منگ رہے نیں۔ایہہ کھیڈ تماشہ اک ایسے ویلے ہو رہیا ہے جداں سعودی اتحاد پاروں اک نویں فرقہ وارانہ لڑائی لڑن دی تیاریاں نیں۔سی پیک پاروں پاکستان ’’ٹیک آف‘‘ دے نیڑے ہے تے پاکستان اندر اندرونی انتشار ودھاون وچ بہوں عالمی کھڈاریاں دا مفاد ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels