Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> ٹیکس نیٹ مبشر زیدی

ٹیکس نیٹ مبشر زیدی

سو اکھر کہانی
May 26th, 2017

’’رمضان مبارک سیٹھ، زکوۃ خیرات دیندا جا!‘‘
فقیر میرا کالر پھڑ کے کھیچیا۔
میں اوس نوں دھکا دے کے اپنی قمیض درست کیتی،
فیر جیب چوں دس روپئیے کڈھ کے دتے۔
’’پنج روپے ہور دے۔‘‘
فقیر ضد کیتی۔
’’پنج روپے کیوں؟‘‘ میں اوس نوں پُچھیا
’’وزیر خزانہ دی بجٹ تقریر نہیں سُنی؟
حکومت نے نوِیں مالی سال وچ منگن تے وی 17فی صدی ٹیکس لا دتا ہے۔‘‘
فقیر غصے نال بولیا۔
’’منگدے تُسی ہو، ٹیکس وی تُسی بھرو۔‘‘
میں فقیر نوں ڈانٹیا۔
فقیر اکھ ماردے ہوئے آکھیا،
’’سیٹھ! تہانوں پتہ ہے، ٹیکس ہمش کلائنٹاں توں ہی لتاجاندا ہے۔‘‘
Courtesy Jang


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels