Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> قربانی دے بکرے۔۔ ڈاکٹر صفدر محمود

قربانی دے بکرے۔۔ ڈاکٹر صفدر محمود

وچار ڈیسک
May 14th, 2017

شکر ہے کہ ڈان لیکس دے معاملے تے سمجھوتہ ہوگیا تے قوم نوں اک ذہنی کرب توں نجات ملی۔ تماشائی گھٹ ہوندے نیں تے قوم دا درد محسوس کرن تے درد رکھن والے بہت زیادہ..... ایہو اوہ لوک سن جیہڑے ڈان لیکس دی پریشانی وچ مبتلا سن کیونکہ ایس پریشانی نوں اک ٹویٹ نے دو آتشہ کردتا سی۔ ہن انہاں تویلاں تے وضاحتاں دی وادی وچ اترن دی بجائے اگے ودھن دا وقت ہے ورنہ کون نہیں جاندا کہ جس تیز انداز نال پرائم منسٹر ہاؤس دے ایگزیکٹو آرڈر نوں مسترد کیتا گیا اوہ معمول دا ٹوئٹ نہیں سی۔ خبراں دا بھکا میڈیا ایس ٹوئٹ نوں اڑا کے ہمالیہ دی بلندیاں تے اینج لے گیا تے کجھ خاہشمند بھاری بوٹاں دی دھمک محسوس کرن لگے۔ مطلب ایہہ کہ اج دی میڈیا دی دنیا وچ احتیاط..... بہت احتیاط دی لوڑ ہے۔ ذرا جہی جلد بازی توں سنگھا سن ڈولن لگدا ہے۔ میں تے پہلے دیہا توں آکھ رہیا سی کہ کمپرومائز ہوجائے گا۔ سیاسی تے عسکری قائدین معاملے نوں ختم کرن تے راضی ہوجان گے۔ افغانستان توں مختصر جہی جنگ تے ایرانی جرنیل دی دھمکیاں نے سمجھوتے دے عمل نوں تیز کردتا ورنہ کور کمانڈر کانفرنس، ڈان لیکس نوں سکیورٹی بریچ یعنی سکیورٹی وچ شگاف قرار دے چکی سی تے آرمی چیف نے اپنی Constituency یاحلقی نیابت دے دباؤ دا عندیہ وی دے دتا سی۔ دہائیاں دے تناؤ دے بعد عسکری قیادت نے پہلی وار اعلان کیتا ہے کہ فائنل اتھارٹی وزیراعظم نیں تے سول قیادت نوں بالادستی حاصل ہے۔ ورنہ عملی طور تے ایہہ الفاظ محض آئین دی کتاب دی زینت سن۔ بہر حال مبارکباد فوج نوں سیاسی تے عسکری قیادت نوں کہ ایہہ طوفان وقتی طور تے دب گیا ہے۔ ایس تے سیاست کرن والے ویکھدے رہ گئے نیں۔ ملکی و قومی مفاد اسی وچ سی تے ایسی حقیقت نوں ذہن وچ رکھدے ہوئے آئی ایس پی آر نے ٹوئٹ واپس لتی ہے تے ایس فیصلے نوں تسلیم کرلتا ہے جو بظاہر انہاں نوں قبول نہیں سی۔ خدارا کسی دی سبکی دی گل نہ کرو تے نہ ہی ایس خیال نوں ودھاؤ۔ عسکری ادارے ہون یا سیاسی ادارے سارے قوم دے ادارے نیں تے انہاں وچ اختلافاں یا سمجھوتیاں پاروں کسی دی فتح یا کسی دی شکست نہیں ہوندے۔ فتح و شکست یا سبکی اوتھے ہوندی ہے جتھے قومی مفاداں دا غیر قومی مفاداں نال ٹکراؤ ہویا جتھے مقابلہ کسی ویری قوت نال ہوئے۔ اک ہی گھر وچ رہن والے دو فیملی ممبراں دا اختلاف یا سمجھوتہ کسی دی فتح یا کسی دی شکست نہیں ہوندا تے نہ ہی ایس نوں انا دا مسئلہ بنانا چاہیدا ہے۔ ایس درد دل دا اظہار کرن دی مینوں ضرورت ایس لئی محسوس ہوئی کہ ااک دو ٹیلی ویژن چینلاں تے ریٹائرڈجرنیل ایس صورتحال تے تبصرہ کردے ہوئے ناراضی دا روپ دھارے سختی نال آکھدے رہے سن کہ فوجی کدی وی ٹوئٹ نوں واپس نہیں لے گی تے نہ ہی وزیراعظم سیکرٹریٹ توں جاری کردہ نامکمل آرڈر نوں تسلیم کرے گی۔ حد توں ودھ اعتماد تے غرور نوں چھوندا انہاں دا انداز انہاں دے مائنڈ سیٹ دی چغلی کھاندا سی۔ ساڈے بعض سیاستداناں دا دعویٰ کہ دراصل کوئی گل ہی نہیں، میڈیا نے ذرا جہنی گل نوں افسانہ بنا دتا..... در حقیقت ایہہ دعویٰ وی ایس انفارمیشن دور وچ لوکاں نوں بیوقوف بنان والی گل ہے کہ جے کوئی گل ہی نہیں سی تے راز دے فاش ہوندے ہی پرویز رشید ورگے جانثار نوں اینی اہم وزارت توں کیوں کڈھ دتا گیا؟..... شکر ہے کہ تناؤ مک گیا پر ایہہ اپنی تھاں تے نہایت تکلیف دہ تے اذیت ناک حقیقت ہے کہ ڈان وچ اک ایہو جہی خبر چھپوائی گئی جس نوں فوجی قیادت تے کور کمانڈر کانفرنس نے سکیورٹی شگاف قرار دتا سی۔ تشویشناک گل ہے کہ ایس طراں دی سوچ منفی ہتھکنڈے تے فوج دا امیج خراب کرن دی سازشاں..... تے ایہہ سازش وی ایس وقت جداں فوج ردلفساد وچ مصروف ملک و قوم لئی خون بہا رہی ہے تے پاکستان دے دیرینہ دشمن ساڈی فوج نوں بدنام کرن تے تُلے نیں.... گھر نوں اگ لگ گئی گھر دے چراغ توں..... آخر خبر کتھوں تے آئی سی جیہڑی اخبار وچ چھپ گئی۔ جے ایہہ معاملہ وزیراعظم دی اعلیٰ ترین کمیٹی وچ زیر بحث آیا سی تے ایہہ قومی راز سی جس دا افشاں ہوناغداری دے زمرے وچ آندا ہے تے جے ایہہ معاملہ میٹنگ وچ زیر بحث نہیں آیا تے خبر من گھڑت سی جس دے مضمرات بہوں خطرناک نیں کہ ایہہ خبر کیوں تے کس محرک پاروں گھڑی گئی۔ایہہ گھناؤنی سازش کس نے کیتی تے کس نے اپنی ہی فوج دے امیج نوں داغدار کرن دی کوشش کیتی۔
Courtesy Jang


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels