Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> ’’میرے عزیز ہم وطنو‘‘ نہیں، تسلی نہیں ہوئی۔نصرت جاوید

’’میرے عزیز ہم وطنو‘‘ نہیں، تسلی نہیں ہوئی۔نصرت جاوید

پنجابی روپ: وچار لہور
May 13th, 2017

ساڈے بہت ہی پڑھے لکھے تے دن رات دی مشقت نال خون پسینہ اک کرکے رزق حلال کمان والے افراد دی بے پناہ اکثریت بدھ دی سہ پہر توں بہوں ناراض ہے۔ انہاں دا خیال ہے کہ ’’اوہ ٹوئٹ‘‘ واپس نہیں لتاجانا ہیدا سی۔ انگریزی روزنامہ ڈان وچ 6 اکتوبر 2016 دی صبح چھپی خبر نے قومی سلامتی نوں شدید نقصان پہنچایا سی۔ ایہہ خبر بنان تے چھاپن والیاں نوں کیفر کردار تک پہنچانا ضروری سی۔ جس خبر دا میں حوالہ دتا ہے ایس دے چھپن بعد میں ایس نوں اک نہیں تِن وار پڑھیا ہے۔ ایہہ کردے ہوئے میں آکسفورڈ یونیورسٹی دی مرتب کردہ لغت توں وی مدد لتی۔ فروری 1981 توں میں انگریزی اخبار ’’دی مسلم‘‘ دا رپوٹر رہن دے بعد The Nation دے اسلام آباد بیورو دا چیف رہیا۔ 1992 دے وسط وچ The News دا خصوصی نامہ نگار بن گیا۔ انہاں اخبارات لئی کم کردے ہوئے میں سیاسی تے خارجہ مسلیاں بارے نہ صرف خبراں سگوں تواتر نال کالم وی لکھے ۔ 2006 دے اخیر وچ ٹی وی صحافت ول چلاگیا۔ اک ٹی وی چینل لئی ہفتہ دے پنج دن اک پروگرام کردے ہوئے مینوں ہر مہینے ایڈی رقم تنخواہ دی صورت ملنا شروع ہوگئی تے شاید میں اپنی سال بھر دی تنخواہ خرچ کرن بعد وی نہیں بچا پاندا سی۔ مینوں ایس صحافت دا بڑا مزا آیا۔ ’’چوپڑیاں تے اوہ وی دو دو!‘‘ والا مزا آرہیا سی۔
ایس مزے دے باوجود ساڈے اک بہت ہی قابل احترام سینئر جناب ضیا الدین صاحب نے مینوں مجبور کیتا کہ میں گھٹ و گھٹ جہناں دناں وچ قومی اسمبلی دا اجلاس ہورہیا ہوئے ایس دی کاروائی بارے اپنا کالم لکھاں۔ اوہ انہاں دناں وچ Express Tribune دے مدیر ہویا کردے سن۔ میرا کالم مسلسل چھپنا شروع ہویا تے ساڈی صحافت دے اک بہت ہی معتبر ناں، عباس اطہر نے مینوں اُردو کالم لکھن تے وی مجبور کردتا۔ اینی لمبی تمہید تہانوں صرف ایہہ گل سمجھان لئی بنی ہے کہ بنیادی طور تے میں انگریزی اخبارات دا رپورٹر تے کالم نگار رہیا ہاں۔ اُردو زبان وچ لکھن دی مہارت مینوں ہر گز نصیب نہیں ہوئی۔ ایس لئی ایس کالم وچ اکثر انگریزی الفاظ نوں ترجمہ کیتے بغیر لکھ دینا ہاں۔ اپنی ایس کمزوری پاروں اکثر دل ہی دل وچ بہت شرمندہ وی رہندا ہاں۔ ہر وقت ایہہ خوف طاری رہندا ہے کہ میری لکھی اُردو گرامر دے مڈھلے اصولاں تے پورا اتردیوی ہے یا نہیں۔ انگریزی زبان نوں ورتدے ہوئے مینوں اج تک اجیہا خوف محسوس نہیں ہویا۔ جو وی لکھدا اکثر ہوبہو چھاپ دتا جاندا۔ کدی کوئی سطریا پیرا کڈھیا گیا تے ایس دی وجہ میری زبان نہیں سگوں مختلف حکومتاں نوں ناراض نہ کرنا دسی جاندی سی۔ ایس تمہید دے بعد بضد ہاں کہ 6 اکتوبر 2016 دی صبح جو خبر چھپی سی ایس نے قومی سلامتی دا بوتھا ہر گز نہیں وگاڑیا سی۔ وطن عزیز دی قومی سلامتی نوں میری ناقص رائے وچ ساڈی حالیہ تریخ وچ بہوں وڈا دھچکہ البتہ مئی 2011 دی پہلی تے دوجی تریخاں دی درمیانی رات ضرور لگیا سی۔ ایس رات ایبٹ آباد دے اک قلعہ نما مکان وچ امریکی کمانڈوز نہ جانے کتھوں آگئے سن۔ سانوں دسیا گیا کہ اوتھے کئی سالاں توں اسامہ بن لادن لُکیا بیٹھا سی۔ ایس نوں ہلاک کردتا گیا۔ اساں اج تیک نہیں جان پائے کہ اسامہ بن لادن اوتھے موجود سی وی یا نہیں۔ ایس نوں ہلاک کرن والیاں داساڈی سرزمین تے آن دی تفصیلاں دا علم تے بہت دور دی گل ہے۔ اسامہ بن لادن دی ہلاکت نوں پر اسی بہوں بردباری توں نظر انداز کردتا۔ پارلیمان وچ ایس حوالے تھوڑا بہت شور مچیا تے سپریم کورٹ دے اک جج دی سربراہی وچ اک کمیشن بنادتاگیا۔ ایس کمیشن نے کئی مہینیاں تک کھوج بعدوں اپنی رپورٹ مرتب کرکے سابق وزیراعظم راجہ اشرف دے دفتر گھل دتی۔ انہاں نے ایس رپورٹ نوں شائع نہ کرن دا فیصلہ کیتا۔ اسی ایس رپورٹ نوں ہن بھل چکے ہاں۔ کدی کدار ایس نوں چھاپن دا البتہ محض پوائنٹ سکورنگ لئی مطالبہ کردتا جاندا ہے۔ ’’قومی اسمبلی‘‘ جے ساڈے بہت ہی پڑھے لکھے تے دن رات مشقت نال خون پسینہ اک کرکے رزق حلال کمان والیاں دے لئی واقعتا اک اہم مسئلہ ہے تے ایہہ حقیقت یادکروان وچ کوئی حرج نہیں کہ اکتوبر 2016 ہی وچ اک سوال بہتوں شدت نال سرگوشیاں وچ چکیا گیا سی۔ انہاں دناں وچ جنرل راحیل شریف صاحب دی ریٹائرمنٹ دے بعد انہاں دے جاں نشین دی تلاش جاری سی۔ ایس ضمن وچ جداں موجودہ آرمی چیف صاحب دا ناں آیا تے انہاں دے عقیدے تے ایمان دے بارے انتہائی تکلیف دہ سوالات چکے گئے۔ ایہہ سوالات چکن والیاں نوں ہر گز یاد نہیں رہیا کہ پاک فوج وچ کیپٹن توں جنرل دے عہدے تک ترقی پان لئی چھان پھٹک دے کڑے مراحل توں لنگھنا لوڑی دا ہے۔ انہاں ساریاں پوڑیاں توں ہوندے ہوئیممکنہ جانشین دا لیفٹنٹ جنرل دے منصباں تیک اپڑنا ہر گز آسان نہیں سی۔ انہاں حقیقتاں نوں چنگی طراں جاندے ہوئے وی جنرل راحیل شریف دے جانشین دے عقیدے تے ایمان بارے بالکلبے بنیاد سوال چکے گئے۔ 6 اکتوبر 2016 دی صبح چھپی خبر دے بعد ’’قومی سلامتی‘‘ بارے فکراں دے سمندراں وچ غوطے نال والے کسے اک شخص نے وی 5 لکھ توں زیادہ سپاہ نوں اپنے اک اشارے توں حرکت وچ لیان دی قوت و اختیار دے حامل ممکنہ کمان دار دے عقیدے تے ایمان دے بارے تہمتاں دے طوفان پاروں کسیفکر مندی دا اظہار کدی وی نہیں کیتا۔ ’’بس اک خبر‘‘ نے ہورے، انہاں نوں پریشان کردتا۔ ایس خبر دے چھپن بعدوں نواز شریف دا اک حقیقی جاں نثار پرویز رشید ،وزارت اطلاعات توں فارغ ہویا،خارجہ مسلیاں نوں کئی ورہیاں توں ہینڈل کرن والے چارق فاطمی گھر گھل دتے گئے اتے اچلاعواں دی وزارت دا اک انتہائی محنتی تے پروفیشنل افسر، راؤ تحسین وی ’’صرف اک خبر‘‘ نوں ر کوانہ پان دے جرم وچ اپنے عہدے توں ہٹا دتا گیا۔ ہن ایس دے خلاف محکمانہ تحقیقاں ہون گیاں۔ انہاں سب قربانیاں دے باوجود ’’قومی سلامتی‘‘ دے ا پنے آپ راکھے بنے پارساواں دی تشفیاں نہیں ہو پائی ہے۔ ’’میرے عزیز ہم وطنو‘‘ نہیں ہویا۔ تسلی نہیں ہوئی۔ میڈیا ساڈے ہاں بہوں ہی آزاد تے بے باک ہے۔ اپنے رب توں میری فریاد ہے کہ ’’قومی سلامتی‘‘ نوں یقینی بنان لئی اوہ سب کجھ ہو ہی جائے جس دی ایس میڈیا وچ مسلسل فریاد کیتی جارہی ہے۔ اوہ ہوجائے تے میں ریموٹ لے کے اپنے گھر دے اک کونے وچ بیٹھ جاواں گا۔ انہاں لوکاں دی آوازاں سنن تے چہرے ویکھن لئی جوانہاں دناں ساڈی ٹی وی سکریناں تے حق و صداقت دی علامتاں شمار ہوندیاں نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels