Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> اینٹی انڈیا بیانیہ کتھے جا سی؟بھارت ’ون بیلٹ ون روڈ‘ منصوبے وچ رلت کرے۔چین

اینٹی انڈیا بیانیہ کتھے جا سی؟بھارت ’ون بیلٹ ون روڈ‘ منصوبے وچ رلت کرے۔چین

وچار ڈیسک
May 10th, 2017

دنیا بدل رہی ہے پر کجھ لوک پرانے بیانیے دے مرید نیں۔کیہہ اوہ ہن چین نال وی لڑن گے؟چین لڑائیاں دی تھاں کاروبار تے یقین رکھدا ہے اتے اوہ بھارت نال وی کاروبار کردا ہے۔ایس حوالے نال دلی دے جاوید نقوی اک مضمون لکھیا جس نوں ایس پاروں ایتھے چھاپ رہے ہاں کہ بھارت تے پاکستان وچ ٹکراؤ دی سیاستاں دا زمانہ لنگھ چکیا ہے۔ہن تساں مضمون پڑھو۔

بھارت وچ تعینات چینی سفیر لوژاؤ ہوئی نے بھارت نوں چین دے ون بیلٹ روڈ منصوبے وچ شرکت دی دعوت دیندے ہوئے نئی دلی نوں ایس گل دی یقین دہانی کرائی کہ سی پیک منصوبے توں کسی دے خود مختار حقاں نوں متاثر نہیں کیتا جا سی۔ ڈان نیوز اخبار دی رپورٹ دے مطابق چینی سفارت خانے ولوں جاری کیتے گئے متن دے مطابق لوژاؤ ہوئی نے یونائٹیڈ سروسز انسٹی ٹیوٹ وچ خطاب کردے ہوئے آکھیا کہ مغرب وچ کجھ لوگ چین نوں غلط سمجھدے ہوئے ایہہ خیال کردے نیں کہ ڈریگن تے ہاتھی اٹل حریف نیں تے چین بھارت نوں ترقی کردے ہوئے نہیں ویکھنا چاہندا ہے ۔ایہہ نظریہ غلط ہے اسی بھارت نوں ترقی کردے ہوئے نہیں ویکھنا چاہندے ہاں۔ جداں کہ سانوں ایس گل توں بہت خشی ہوئے گی کہ بھارت مشترکہ ترقیاتی مقاصد نوں حاصل کرے۔ بھارت تے چین دے درمیان حالیہ کشیدگی دے باوجود چینی صدر شی جن پنگ تے بھارتی وزیراعظم نریندر مودی نوں شنگھائی تعاون تنظیم جی 20 تے برکس اجلاس دے موقع تے اک دوجے نال ملاقات دا موقع لبھے گا۔ چینی سفیر دا آکھنا ہے سانوں اختلافاں نوں مناسب انداز وچ حل کرنا ہوئے گا۔ بحیثیت دو وڈے ہمسایاں دے ایہہ امر فطری ہے کہ ساڈے درمیان کجھ اختلاف ہون۔ گھر والیاں وچ وی کئی مسائل ہوسکدے نیں۔ انہاں نے مزید آکھیا کہ چین تے بھارت سانگے دے حوالے ناللمی پالیسی دی لوڑہے ۔میری تجویز ایہہ ہے کہ پہلے دوستانہ تعاون تے ہمسایہ تعلقات بہتر بنان لئی مذاکرات دا آغاز کیتا جائے۔ چینی سفیر دے مطابق دوسرا سانوں چین بھارت تجارتی معاہدے تے گل بات دا عمل دوبارہ شروع کرنا ہوئے گا۔ تیسرا کم سرحدی مسئلے دے جلد حل دی کوشش جداں کہ چوتھا کم چین دے ’ون بیلٹ ون روڈ‘ منصوبے تے بھارت تے چین نوں اک صفحے تے لیان دی لوڑ ہے۔ چینی سفیر دا آکھنا سی کہ ون بیلٹ ون روڈ منصوبہ تے علاقائی روابط چین تے بھارت نوں نویں موقعے فراہم کرن گے تے دو طرفہ تعاون وچ مدد دین گے۔ ون بیلٹ ون روڈ منصوبہ اک اہم عوامی پراڈکٹ ہے جس دی پیشکش چین دنیا نوں کرسکدا ہے تے قریبی ہمسایہ ہون دی حیثیت نال چین تے بھارت ون بیلٹ وچ روڈ منصوبے دے قدرتی شراکت دار بن سکدے نیں۔ لوژاؤ ہوئی نے آکھیا کہ بھارت دا موجودہ جی ڈی پی 13 سال پہلے 2004 وچ چین دے جی ڈی پی دے قریب سی۔اج چین نوں بھارت تے 13 سال دی سبقت حاصل ہے کیونکہ اسی 13 سال پہلے ہی اصلاحاتاں دا آغاز کردتا سی۔ انہاں دا یہہ وی آکھنا سی کہ چین بھارت دا سیاسی نظام مختلف ہے۔ بھارت دے سیاسی نظام دے اپنے فیدے نیں۔ ایس وچ بعض اوقات تبدیلیاں آندیاں نیں جس نال ترقی دی رفتار تے اثر پیندا ہے۔ بھارت نوں ہن وی ون بیلٹ ون روڈ منصوبے تے اعتراض ہے۔ بھارت دا آکھنا ہے کہ سی پیک منصوبہ آزاد جموں کشمیر توں گذردا ہے جو ایس لئی خود مختاری دے حوالے نال تشویش دا باعث ہے۔ چینی سفیر دے مطابق چین دا ملک بھارت تے پاکستان دے جھگڑیاں وچ شامل ہون دا ارادہ نہیں رکھدیاتے دو طرفہ مزاکرات توں انہاں مسائل دے حل دی حمایت کردا ہے ۔سی پیک دا مقصد معاشی تعاون تے رابطے نوں ودھانا ہے تے ایس ایس دا خود مختاری دے مسائل نال کوئی لینا دینا نہیں۔ انہاں نے آکھیا کہ ماضی وچ وی سلک روڈ تے بھارت تے چین دا قریبی تعاون سی ۔اسی اج دے دور وچ ایس تعاون دا خیر مقدم کیوں نہ کراں گے؟ چین ون بیلٹ ون روڈ منصوبے تے بھارت دے نال تعاون دے حوالے نال مخلص ہے کیونکہ ایہہ دوناں ملکاں دے حق وچ ہے۔ چینی سفیر دے مطابق کجھ بھارتی میڈیا دا ایہہ آکھنا ہے کہ چین جنوبی ایشائی ملکاں دے نال اپنے تعلقات وچ ہمش پاکستان نوں اگے رکدا ہے۔ میں تہانوں دسنا چاہنا ہاں کہ ایہہ سچ نہیں۔ اسی سب توں زیادہ اہمیت چینی مفاد نوں دیندے ہاں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels