Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> دس ارب دا سوال ہے بابا؟توجہ ہٹاؤ پراجیکٹ

دس ارب دا سوال ہے بابا؟توجہ ہٹاؤ پراجیکٹ

April 27th, 2017

اک زمانے وچ جی ایم سید، ولی خان وغیرہ اک بیان دیندے سن فیر انہاں بیاناں تے لمیری بحثاں چلدیاں سن پر انہاں وچوں کسے نیں وی ایڈی سیٹاں نہیں جتیاں سن اتے انہاں دا غصہ سمجھ آندا ہے۔ پر اک وڈے لیڈر ولوں اجہی سٹریٹجی عمران خان نوں اگے نہیں لیجا سکدی۔اسفندیار ولی خان ’’ع‘‘ دے فرق نوں ورتدے ہوئے خان دے ’’بلف‘‘دا جواب ’’جگت‘‘ نال دتا اتے آکھیا پہلاں عمران نوں پچھو کہ پیشکش کرن والے نے دس عرب دین دا آکھیا سی یا دس ارب۔اینج انہاں نواز دے عرباں نال سانگے دی گل وی کردتی تے عمران دے بلف نوں مذاق وچ اڑا دتا۔مسلم لیگ نون والے ایس نوں غیر سنجیدہ ہی رہن دیندے پر اج کل گل دا گلینڈ بناون دا ایجنڈا وادھو ہے۔اوہ ایہہ آکھ سکدے سن پئی خان ہوراں انہاں نوں چپ رہن دی قیمت دسی ہے۔کوئی اک گل ہوئے تاں بندہ کرے وی کہ کجھ ’’میڈیا‘‘ وی ظالم سی تے سانوں مرن دا شوق وی سی۔جو شور اج کل میڈیا تے سیاستدان رل مل پا رہے نیں اتے جس نوں کجھ اداریاں والے ودھا رہے نیں اوہ بے معنی ہی نہیں سگوں لایعنی وی ہے۔ایڈا لایعنی رولا کہ اپنے منو بھائی نوں وی کالم لکھ کے اشارے کیتے۔سب توں دلچسپ سین جیو دے پروگرام رپورٹ کارڈ وچ ہویا جس وچ الطاف حسین دی تعریفاں کرن والے حسن نثار نے عمران خان نوں دس ارب والے بیان پاروں سچا ثابت کرن لئی اک ہور نامعلوم وقوعہ سنا دتا۔انہاں آکھیا کہ عمران انہاں نوں ایہہ گل دس چکے نیں اتے اوہ ارب پتی بندہ جیہڑا ڈیل لے کے آیا سی اوہ اج کل بڑا متقی ہو چکیا ہے۔ایس دے جواب وچ جداں امتیاز عالم ہوراں حسن نثار دی گواہی نوں معتبر آکھیا تے نثار ہوراں فٹ آکھیا کہ میں کوئی گواہی نہیں دتی سگوں گل دسی ہے۔پئی عدالتاں دی چڑھتل دا زمانہ ہے، کتھے گل مقدمے تیک اپڑی تاں کم خراب وی ہو سکدا ہے۔لگدا ہے ایہہ رولا ہور ودھایا جائے گا کیونجے کجھ گلاں ایسیاں نیں جس دا کسی کول جواب نہیں۔جے جواب نہ ہوئے تاں رولا اک چنگی سٹریٹیجی تے ہو سکدا ہے پرایس دا لوکاں تے کیہہ اثر پیندا ہے اتے ریاست تے کیہہ اثر پیندا ہے ایس بارے سب جاندے نیں۔ایس رولے توں کجھ نکلے یا نہ نکلے پر بہوں سارے وڈے مسلے ضرور سائیڈ لین ہو چکے نیں۔بجلی دے یکدم بحران، پانامہ دا فیصلہ سناون دی یکدم اعلان تے ایس رولے توں پہلاں سعودی اتحاد بارے ساریاں پارٹیاں گل کر رہیاں سن اتے سب توں اگے پی ٹی آئی سی جس راحیل شریف دی نوکری تے اتحاد بار ے پارلیمنٹ وچ گل کرن دا اعلان کر چھڈیاسی۔شیریں مزاری ایس اتحاد نوں اک فرقہ وارانہ اکٹھ آکھیا تے ایس دے خطرناک اثرات بارے میڈیا وچ گل کیتی۔انہاں اک توں زیادہ وار یمن والی قرارداد دی گل وی کیتی۔ حلانکہ فرقہ وارانہ اتحاداں، فرقہ وارانہ سیاست تے پارلیمنٹ دے احتراماں دے حوالے نال پی ٹی آئی دا بیانیہ تے شیریں مزاری دا ماضی انہاں دے نویں سٹینڈ نال میل نہیں کھاندا سی۔ایس موقع تے سب نوں دسیا گیا کہ ایہہ ریاست دا فیصلہ ہے۔بس ایس توں بعد سیاست نوں گرم کرنا ہی رہ جاندا سی کہ پرانے مسلے تے مٹی پاؤ تے نویں پنگے شروع کرو۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels