Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> جس وچ جیڈا ظرف ،اوہ اوڈا ہی خموش ۔منو بھائی

جس وچ جیڈا ظرف ،اوہ اوڈا ہی خموش ۔منو بھائی

پنجابی روپ: رفاقت کھوکھر
April 26th, 2017
5 / 5 (1 Votes)

ساڈے سپریم کورٹ دے چیف جسٹس میاں ثاقب نثار فرماندے نیں کہ دنیا وچ کتھے وی منظر عام تے آن والے والے اختلافی فیصلیاں تے شور نہیں ہوندا۔ سپریم کورٹ تے بد اعتمادی دے اظہار دا اندیشہ نہیں ہونا چاہیدا۔ ویکھن وچ آندا ہے کہ ساڈے معاشرے وچ شور مچان والیاں دی تعداد دنیا دے باقی ملکاں وچ شور مچان والیاں توں بہوں وادھو ہے ۔تاں مارے ایتھے شور کجھ زیادہ ہی پیندا ہے۔ہورے شبہ ایہہ وی ہوسکدا ہے کہ ساڈے کول شور مچاون توں اڈ کوئی کم ہی نہیں۔ ایتھے تے جدوں وی موقع ملدا ہے یا موقع نہیں ملدا فیر وی اسی شور مچانا شروع کردینے ہاں۔ ساڈے ایتھے ضرورت توں زیادہ شور مچاون دی وجہ ایہہ وی ہوئے گی کہ اسی کوئی وی فیصلہ سنن توں بعد ایس فیصلے نوں سمجھن توں پہلاں اپنے اندر دے فیصلے سامنے رکھ دیندے ہاں۔بس فیر فیصلہ ویکھدے ہی ساڈے اندر توں شور نکلنا شروع ہوجاندا ہے۔ ساڈی طرح دوجے فیصلے نوں سنن والے وی ایہو کردے نیں تے انہاں دا وی شور نکل آندا ہے۔ انہاں تجربیاں توں لنگن دی وجہ توں اساں شور مچاون دے عادی ہوگئے ہاں ۔جیہڑے شور مچان دے عادی ہوجاندے نیں اوہ شور ہنگامے دی زندگی دے عادی ہون پاروں امن، سکون، آرام دی گھڑیاں توں وی وانجھے رہندے نیں۔ شاعر نے آکھیا سی تے صحیح آکھیا سی کہ
کہہ رہا ہے شور دریا سے سمندر کا سکو ت
جس میں جتنا ظرف ہے اتنا ہی وہ خاموش ہے
وڈے تے یاد رکھن والے چنگے کم کرن والے ساڈے وڈکے یقینی طور تے شور شرابے تے ہنگامیاں توں بچ کے رہے ہون گے۔ خموشی، سکون تے سکوت انسان نوں حوصلہ تے عزت وی دیندا ہے۔ چنگیاں چنگیاں گلاں سوچن دا وی موقع دیندہ ہے۔ دوسریاں دی بہتری تے مدد دے طریقیاں تے غور کرنا تے انہاں طریقیاں نوں استعمال کرن دی کوشش ہی زندگی ہے تے رب نے وی بندیاں نوں انساناں دی مدد کرن تے اک دوجے دی چنگیائی دی راواں تلاش کرن لئی ہی پیدا کیتا ہے تے ایہہبندیائی عبادتاں دا وڈا بوتھا ہے۔ انسان نوں’’ حیوان ناطق‘‘ تاں آکھیا ہے کہ بندہ اوہ جنور ہے جس کول اک زبان ہے تے اوہ بولدا ہے۔پر ایس دا ایہہ مطلب وہ نہیں کہ اپنی بولن دی قوت پاروں اوہ اپنے آرام، سکون تے خموشی نوں برباد کر دے۔ قدرت نے انسان نوں بولن دی قوت تے’’آئی صور تے کھلون تے سچا سودا کرن‘‘ لئی دتا ہے۔ ایہہ وی ہوسکدا ہے کہ کجھ لوکاں نوں بولن دی قوت کجھ لکان لئی دتی گئی ہوئے۔ پر خموشی، سکون، آرام تے امن وی دنیا دی وڈی نیامتاں وچ شمار ہوندے نیں جنہاں نال انسان سب توں ودھ فیدے چکدا ہے۔
Courtesy Daily Jang


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels