Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> شرمناک:رڈیارڈ کپلنگ،ہاؤس آف لارڈز تے مارنگ نیوز جلیانوالہ دے قاتل دے سجن

شرمناک:رڈیارڈ کپلنگ،ہاؤس آف لارڈز تے مارنگ نیوز جلیانوالہ دے قاتل دے سجن

April 14th, 2017

اج دے دیہاڑ،ٹھیک98ورہے پہلاں نہتے پنجابیاں نوں جس بھیڑیے گولیاں ماریاں سن اوہ اک اکلا بندہ نہیں سی سگوں اوہ علامت سی اوس گھٹیا ذہنیت دی جس پاروں سلطنت برطانیہ تے اوس دے ہرکارے سال ہا سال ایتھے ظلم ڈھاندے رہے۔انہاں ننگے جرائم دے باوجود ساڈے ایتھے اجہے دونشور وادھو جیہڑے انگریزاں دی عظمتاں گنادے نہیں تھکدے۔کیہہ کوئی جیلیانوالہ قتلام دی حمائیت وی کر سکدا ہے؟ ایہہ سوچنا وی مشکل، پر حریان نہ ہونا قاتل ڈائر دے مددگاراں وچ سب توں اوچا ناں اک نوبل انعام یافتہ صحافی تے ادیب دا جس نوں ہورے کس باڈی نے1907 وچ نوبل انعام دتا سی۔اوس ادیب تے صحافی دا ناں رڈیارڈ کپلنگ سی۔قاتل دی حمائیتاں کرن وچ اوہ اکلا نہیں سی سگوں قاتل نوں ہلا شیری دین لئی جمہوریت دی ماں آکھوان والے برطانیہ دے ایوان بالا یعنی ہاوس آف لارڈز نے سدیا سی۔ہور تے ہور ایس کم وچ برطانیہ دے میڈیا نے وی حصہپایا اتے قاتل دی سیوا لئی اک فنڈ مارنگ نیوز نے اساریا۔ایہہ ساریاں گلاں اک بی بی رانی اپنی کتاب ’’انڈین سمر‘‘(انگریزی) وچ حوالیاں نال لکھ ماریاں۔ایس بی بی دا ناں ہے ایلکس واں تنزیلمان اتے اوس جنہاں دو کتاباں دے ھوالے دتے انہاں وچوں اک نائیجل کولیٹ دی The Bucher of Amritsarہے تے دوجی میٹکاف دی Ideologies of the Rajہے۔پہلی کتاب دا ذکر اج بی بی سی اْردو وچ چھپے جیلانوالہ بارے مضمون وچ وی ہے پر انہان ایہہ گلاں تے نہیں لکھنیاں سن۔اخبار مارنگ نیوزنے جیہڑا فنڈ قاتل دی مدد لئی بنایا اوس وچ پورے26ہزار پاونڈ اکٹھے ہوئے تے قاتل نوں فنڈ دین والیاں وچ نوبل انعام یافتہ رڈ یارڈ کپلنگ وی سی۔کوئی نویں تنزیلمان باقی فنڈوز دے ناں وی کدی نہ کدی سامنے لے آئے گی کہ دوسال بعد جیلیانوالہ قتلام نوں سو سال ہو جاون گے۔ہوسکدا ہے کوئی کھوجی پوری لسٹ لبھ ہی لے۔تنزیلمان ہوراں مہاتما گاندھی دے خط نما مضمون دا ذکر وی کیتا جیہڑا جیلانوالہ قتلام دے چار دن بعدوں لکھیا گیا سی۔ایہہ آرٹیکل ’’مہاتما گاندھی دےCollected Works‘‘ جلدP243-5,15تے پیا ہے۔مشہور لکھاری پیٹرک فرنچ وی اپنی لاجواب کتاب ’’تقسیم ہند، آزادی یا موت‘‘(انگریزی) وچ وی ایس خط دا ذکر کیتا ہے۔گاندھی ہوراں ایس وچ لکھیا سی کہ کیونجے جیلانوالہ وچ مرن والیاں اپنے سینے دی تھاں کنڈ تے گولیاں کھادیاں سن تاں ماری اوہ شہیدی درجے نہ حاصل کر سکے۔نرے چار دناں بعدوں ایہہ لفظ لکھن دا مطلب ’’دربار انگلشیہ‘‘ وچ حاضریاں تے قاتل دی مدد ہی سی۔
An article and poem about the incident of 13 April 1919
http://punjabpunch.blogspot.com/2016/02/my-punjabi-poem-in-memory-of.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels