Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> لائلپور پنجابی سلیکھ میلہ 2017: ’شہید؟ ‘ دی مُکھ وکھالی

لائلپور پنجابی سلیکھ میلہ 2017: ’شہید؟ ‘ دی مُکھ وکھالی

April 11th, 2017

’شہید؟‘ دی مُکھ وکھالی وچ خالد دھاریوال تے اعجاز گل بات کیتی۔خالد دھاریوال نے گل بات چھوہندیاں آکھیا پئی ایس کتا ب وچ کُل تن کہانیاں نیں۔پہلی کہانی ’شہید؟‘ کرنل شکیل دی شہادت بارے ہے۔ایہ اک سفاک حقیقت نگاری دی کہانی اے۔اسیں ایس نوں ہڈ ورتی دے پکھوں وی پڑھ سکنے آں۔اوہناں ایس کہانی نوں فکشن نہیں بنایا، سدھّا لوکاں ساہمنے پیش کر دتا اے۔ویلا تے تھاں اصل رہن دتے نیں۔ ملزماں دے ناں وی اصل رہن دتے نیں۔لکھاری نے سوچیا ہونا اے جو فکشن نہیں اوس نوں فکشن کیوں بناواں۔کہانیاں اپنی دلچپسی برقرار رکھدیاں نیں۔اوہناں رہتل قصہّ گوئی دی ٹیکنک وی اپنائی اے تے پوری کہانی نوں ہڈ ورتی نال وی جوڑی رکھیا اے۔
اعجاز ہوراں گل کردے آکھیا نین سُکھ دا بیانیہ جاندار اے۔اوہ کہانی نوں اخیر تیک لے کے چلدا اے۔اسیں ایہناں کہانیاں وچ اجوکا پنجاب ویکھ سکنے آں۔سیاسی منظر نامہ وی ویکھ سکنے آں۔اوہناں دوجی کہانی ’مارگلہ‘ بارے گل کیتی۔نویں قسم دی کالونی گیری نوں کیویں ڈھاہ لگ رہی اے۔ڈھاہ لگدی پرانی رہتل نوں وکھایا گیا اے۔پھیر کالونی گیری توں اگدوں دا ویلا وی وکھایا گیا اے۔مارگلہ دی کہانی پوٹھوہار دی دس پائی اے۔ایہہ کہانی تن ویلے وکھاندی اے۔ملک ریاض دی گل کیتی اے۔اوہناں نڈر ہو کے کہانیاں لکھیاں نیں۔
نین سُکھ ہوراں گل بات کردے آکھیا پئی مینوں تاریخ پڑھن دا بڑا شونق سی، لفظاں دا بڑا شونق سی۔ایتھوں دا تھیڑ پڑسانگی سی۔اوس وچ 31 بندے کم کردے سن۔ویکھن آلے تے کرن آلے اوس دا حصہ سن۔ساڈی کہانی قصّے وچوں نکلی۔میں خورے اوہ لکھنا چاہ رہیا سی جس نوں اسیں بات بتولی کہنے آں۔جس نوں ہن اسیں افسانہ کہنے آں۔اج اسیں قید آں۔پوری تاریخ اوتھے وی اِنج سی۔ایہ افسانہ اے ،ایہ ناول اے۔اسیں اپنیاں لکھتاں نوں اوہناں وچ قید کردے آں۔مینوں پڑسانگی دا تھیڑ چیتے آوندا اے۔مینوں آکھیا جاندا اے تُسیں لمی کہانی کیوں لکھدے اوہ۔کہانی مُکانی پیندی اے۔مار گلہ دا مطلب اے مار سپّ۔مارگلہ سپاّں دا اجڑ سی۔ہن ہر تھاں سپّ نیں۔
فورٹ منرو گینگ ریپ۔وچ میں پاتر بنائے نیں جس وچ چار نسلاں نیں جیہناں وچ پنجابن کُڑی پھردی اے۔ چُنبے دی بُوٹی اک ہور کہانی اے۔ایہ اج دی کہانی اے۔جو اسیں بُگت رہے آں۔فرقو سیاست، جھنگ وچ ایہہ کیوں ہویا اے؟ سپاہ صحابہ کیوں بنی؟تحریک نفاذ فقہ جعفریہ کیوں بنی؟چرچ کیویں آیا۔انجمن حُسینہ نوں کتھوں فنڈ ملدا سی۔سیدّہ عابدہ فقیر لوک سن۔شاہ جُونا فقیر لوک سن۔اوہی فقیر ولنّ بن گئے،جاگیردار بن گئے۔ جیہڑی لڑائی شروع ہوئی اوس وچ سطان باہو کتھے گیا۔’چنبےُ دی بُوٹی‘ ساڈی تاریخ دی دس پاندی اے ۔کیویں ساڈے بابے اولھے ہو گے تے اسیں ہور دے ہور ہو گئے۔
For mre info about mela,click here
https://www.facebook.com/search/top/?q=layalpur%20punjabi%20sulekh%20mela


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels