Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> ڈونراں دی لڑائیاں، اورنج ٹرین تے جعلی کانفرنساں

ڈونراں دی لڑائیاں، اورنج ٹرین تے جعلی کانفرنساں

April 9th, 2017

چینی سرمایہ کاری دے ویری وادھو، پئی پرانے آقا دے پچھلگاں لئی امتحاں تاں مارے اوہ کیڑے کڈہدے رہندے نیں۔جنہاں برباد ہو چکے اندرون لہور لئی کدی آواز نہیں چکی اوہ اورنج ٹرین دے راہ وچ آندیاں تریخی عمارتاں دے راکھے بنے نیں۔انہاں جیوٹی وی دے چینل تے بیٹھ کے آکھیا کہ اصل منصوبہ تے ایشین ڈویلپمنٹ بینک دا سی پر سرکار نے اوس منصوبے دی دستاویزات چوری کر کے چینیاں نوں دے چھڈیاں۔اک پاسے رولا کہ پراجیکٹ بہوں مہنگا ہے تے دوجے پاسے ایس نوں ہور مہنگا کرن دی تجویز کہ ٹرین دے رستے نوں انڈر گراونڈکر دیوکیونجے اے ڈی بی دے منصوبے وچ ایہو لکھیا سی۔چینی تے مغربی ڈونراں دی ایڈی ننگی جنگ پہلاں کدی نہیں ہوئی سی کہ ویکھو اونٹھ کس ’’در‘‘ تے بیٹھدا ہے۔عدالت فیصلے جلدی کرے کیونجے سٹرکاں پٹیاں ہوئیاں نیں، بہوں سارے نکے وڈے کاروباری اڈیک وچ کہ انہاں دا کم کاچ ٹرین چلن بعدوں مڑ چل سکے گا۔ہلے تے کم شروع ہویا ہے تے چینیاں نوں عدالتاں راہیں ڈکن دی مہماں ہور اگے ودھن گیاں۔لہور دا سب توں وڈا ورثہ اندرون شہر اتے اوس وچ ادھے توں زیادہ گھر گودام بن چکے نیں تے بہوں سارے ڈگن نوں تیار، پر سانوں تریخی ورثیاں تے وی سیاستاں کرنیاں نیں۔پاکستان ویسے وی پراکسی جنگاں پاروں مشہور کہ سعودی عرب تے ایران دی پراکسی وار ماٹھی ہوندی ہے تے ڈونراں دی ودھ جاندی ہے۔
کلچر دے سرناویں ہیٹھ سیاستاں ودھان دے پراجیکٹ وی وادھو چل رہے نیں کہ ایسی ایسی جعلی کانفرنس اج کل ہو رہی ہے کہ رہے رب دا ناں۔رقماں وادھو، پر رزلٹ صفر، ٹھکیدار تے پردھان مال کماندے نیں تے کھوج پرکھ بارے کسے دا دھیان ہی نہیں ہوندا۔ایوارڈ تے کانفرنساں علم دی گڈی دے ٹائر، پر جے گڈی نری ٹائراں تے رکھے پھٹے تے چلے تاں اینج دیاں کانفرنساں اج کل وادھو۔جعلی صوفی کانفرنساں تے ہر دوجے دن ہورہیاں ہوندیاں نیں تے اگے پندرہ، اٹھاربندے، البتہ فوٹواں تے ویڈیو ویلے ایس دا بندوبست کہ پورے ہال تے کیمرہ نہ چلے۔جس کول فنڈ، اوس دے آل دوال جمگٹھا کہ اوس توں وڈا دانشور ندارد۔اجہی جعلی کانفرنساں تے ایوارڈاں دے نال اْردو دا کانڈ بچہ کوہلو ہویا ہے تے اجہی حرکتاں نال پنجابی دا وی کجھ نہیں بننا۔کوالٹی تے معیاراں نوں لانبے رکھ کے جیہڑا کم ہو رہیا ہے اوس وچ سارا زور پردھانیاں تے شو شا تے ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels