Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> سرمایہ داری تے مذہب دی جڑت

سرمایہ داری تے مذہب دی جڑت

March 24th, 2017

ہندوستان دی ریاست اتر پردیش (یو پی) وچ بھارتیہ جنتا پارٹی (بی جے پی) نے چوناں وچ دو تہائی سیٹاں جت کے اک ہندو مذہبی آگو آدتیہ یوگی نوں وزیر اعلی بنا دتا ہے۔ بی جے پی نے وزیر اعظم نریندر مودی دی اگوائی وچ ایہہ الیکشن انج ہی جتیا جیویں پہلاں باقی ہندوستان وچ جتیا سی۔ بی جے پی دے پچھے اصل طاقت راشٹریہ سیوک سنگھ (آر ایس ایس) دی ہے۔ ہندوستان وچ ایس جتن والی ڈھانی دا مڈھلا فارمولا ایہہ سی جو پچھونہے مذہبی وچاراں تے سرمایہ داراں دا جوڑ جوڑ دتا جاوے۔ امریکہ وچ ریپبلکن پارٹی تے ڈونلڈ ٹرمپ نے ایسے پینترے نال امریکہ دیاں چوناں جتیاں ہین۔ پاکستان وچ تے خیر نال ریاست کھلم کھلا مذہب نوں سرمایہ داری نظام دے چلاون لئی ورت رہی ہے۔ سو گل ایہہ ہے جو گلوبلائزیشن دی چڑھت نال جتھے دنیا وچ ایکتا تے اکساری ودھ رہی ہے اوتھے ہی اوس دے ورودھ پچھونہیاں طاقتاں نویں جوڑ جوڑ کے حکمرانی کرن دے جتن کردیاں پیاں ہین۔

مذہب تے سرمایہ داراں دا آپسی جوڑ ہر تھاں تے وکھرے وکھرے نعریاں نال بندا پیا ہے۔ ہندوستان وچ مسلماناں دے خلاف ہندتوا دا پرچار کیتا جا رہیا ہے۔ ہندتوا دا مطلب ہندو قوم پرستی ہے جیس دا اصل ٹچا ایہہ ہے جو ہندوستان وچ قدیم رہتل نوں پھیر
توں جگایا جائے تے ہندوستان وچ اک ہی ہندو وسیب وسایا جاوے۔ مسلماناں نوں دھاڑوی تے باہرلے دس کے تھلے لایا جاوے۔ مودی نے یوپی دے الیکشناں وچ جو جے مسلماناں لئی قبرستان ہین تے ہندوواں لئی شمشان گھاٹ ہونے چاہیدے ہین۔ جے رمضان تے بجلی دتی جاندی ہے تے پھیر ہولی دیوالی تے وی ملنی چاہیدی ہے۔مودی نے مذہبی نکھیڑ ے نال عام ہندو ووٹڑ نوں کراہے پایا ہے۔ اصل تے ایہہ ہے جو ہندوستان دے سرمایہ دار نوں کھلی چھٹی دتی جاوے جو اوہ جیویں چاہے مال بنا لوے۔ ایسے لئی ملک وچ قاعدے قنون بلدے گئے ہین۔

امریکہ وچ وی ڈونلڈ ٹرمپ اوہناں ریاستاں توں بہتا جتے ہین جتھے مذہبی مڈھ پرست دا زور ہے۔ مذہبی دھڑیاں نے بڑی ایکتا نال ڈونلڈ ٹرمپ دی حمایت کیتی ۔مذہبیاں توں وکھ امریکہ دیاں دوجیاں پچھونہیاں دھراں نے وی ڈونلڈ ٹرمپ نوں جتوان لئی پورا زور لایا۔ دوجے پاسے امریکہ دے سرمایہ دار طبقے نے ہر طرحاں نال ہلری کلنٹن نوں ہراون وچ اپنا حصہ پایا۔ ایتھے وی سانوں ننگی منگی سرمایہ داری تے مذہبیاں دا جوڑ جڑیا دسدا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels