Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> لیل پور پنجابی میلہ 2017: ’’ نانک نال چلدیاں‘‘ دی مُکھ وکھالی

لیل پور پنجابی میلہ 2017: ’’ نانک نال چلدیاں‘‘ دی مُکھ وکھالی

March 7th, 2017

اوس شام نوں ای دوجا اکٹھ دو کتاباں دی مُکھ وکھالی سی۔بھاویں اک دن پہلاں لہور شہر وچ دھماکے پاروں لوک ڈرے ہوئے سن تے اُنج میلے وچ نہیں آئے جویں اوہناں نوں آونا چاہیدا سی پر پھیر وی لوکاں دی حاضری تسلی جوگ سی۔سنگیت دے پروگرام جس وچ جھومر وی سی نانہہ ہوون پاروں کئی لوگ نہ آئے۔پھیر وی سجناّں دا اُدھم اوناں ای تے بھرپور سی۔
سبھ توں پہلاں ہارون خالد دی انگریزی دی کتاب ’نانک نال چلدیاں‘(walking with Nanak) دی مُکھ وکھالی ہوئی۔کتاب دی جانکاری دنیدیاں اقبال قیصر نے دسیا ایس کتاب وچ چار سفر نیں۔چڑھدے تے لہندے دا تے اُبھے تے لمے دا۔ ایس سفر وچ بھائی مردانا اوہناں نال اے۔ایہناں دا جو ساتھ اے اوہ دھرماں توں اُتانہہ اے۔بابے نے اپنی سوچ تے فکر نوں کیویں پیش کیتا اے۔اوس ویلے دھاڑوی آوندے پئے سن تے ایس نوں دھرم نال جوڑ دتا گیا۔بابے نے اپنا کلام پھیلایا۔بابے نے دو مذہباں وچکار نواں سفر کیتا۔
ہارون خالد نے اپنی گل بات وچ دسیا ساڈے ولوں ایہہ اک بہترین قدم اے۔سانوں مادری زبان وچ گل کرنی چاہیدی اے پر مینوں پنجابی نہیں آوندی۔مینوں لگا بابے دی ریت میری ریت اے۔اسیں شیکسپیر بارے بوہتا جاندے آں سانوں بُلھے تے شاہ حُسین دا نہیں پتہ۔میں نانک نوں پڑھنا چاہندا ساں۔مینوں بڑی دلچسپی سی۔پھیر سانوں سکھ تواریخ دا نہیں پتہ۔اسیں اوہناں نوں سینٹ من لیندے آں۔اوہناں دا فلسفہ کیہ سی؟ایتھے 135گُردوارے سن اوتھے جا کے ویکھنے آں۔گُردوارے اکھوں پروکھے ہوندے پئے نیں۔لوکاں اوہناں نوں کیہا کوئی جادو وکھاؤ،تُسی ایڈے ودھے بندے اوہ کوئی کرامات وکھاؤ۔نانک دی ساری کہانی جادو دی کہانی اے۔نانک نوں اسیں منیا نہیں۔نانک دی ریت نوں نہیں منیا۔نانک دی ساری لہر اداریاں دے خلاف سی۔رب ساڈے اندر اے۔ہن نانک وی دھرم بن گیا۔اسیں سارے سفر کیتے۔بابے دی بنیادی تعلیم کرت دی سی۔ونڈ کے کھاؤ۔اوہدا نام جپو۔ایہہ ای زندگی اے۔انسان ہونا۔بابا نانک دوجا شاعر اے۔اوہناں گرنتھ بنایا۔ ساڈا ورثہ اے۔ایہہ بولی ساڈا ورثہ اے۔اخیر اُتے اوہناں اپنی کتاب وچوں کجھ حصہ وی سُنایا۔
پچھلی لڑی لئی کلک کرو
http://www.wichaar.com/news/119/ARTICLE/32504/2017-03-06.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels