Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> اُردو تے ہندی اک زبان ہے:ڈاکٹرفہمیدہ حُسین میمن

اُردو تے ہندی اک زبان ہے:ڈاکٹرفہمیدہ حُسین میمن

March 3rd, 2017

’ونڈ پچھوں سندھ دے لوکاں نے اُردو بولنی شروع کیتی تاں جے مہاجر چنگا مسوس کرن۔پر اُردو دے مہاجراں نے ایس چنگ دا کدے موڑ نہ دتا۔تے ہن جے کمرے وچ دس لوک سندھی وچ گلاں کردے ہوون تے جے اوتھے اک اُردو بولن والا ہووے اوہ اوہناں نوں آکھے گا اُردو وچ گل کرو کیوں جے اوس نوں سندھی سمجھ نہیں آوندی۔‘
ایہہ گلاں ڈاکٹرفہمیدہ حُسین میمن نے آکھیاں نیں جیہڑیاں اک انعام یافتہ لکھاری تے سُوجھوان نیں۔ اوہناں ایہہ گل بات ستارھویں حمزہ وحید میموریل لکچر وچ کیتی جو ارتقاء انسٹیٹوٹ آف سائنسز کرایا سی۔
میمن جی ہوراں آکھیا برطانیہ ’ونڈ کرو تے راج کرو‘ دی پالسی نوں مندا سی ،ایس لئی اوس اک زبان نوں دو بولیاں وچ ونڈ دتا جیہڑیاں اُردو تے ہندی نیں،’پر اصلوں ایہہ اکو زبان اے جہیڑی انڈین فلماں وچ بولی جاندی ہے، جیہنوں اُردو تے ہندی بولن آلے سوکھا سمجھ لیندے نیں۔‘ہندوستان دی ونڈ بارے گل کردے ہوئے اوہناں آکھیااُردو مسلماناں دی تے ہندی ہندواں دی بولی بنا دتی گئی۔بولی دا مسلہ بہت سیاسی تے مذہبی بن گیا تے اِنج دے نعرے لگن لگ پئے۔’اک اﷲ،اک قران،اک نسل،اک زبان‘۔’ اُردو دے نال اپنے آپ نوں مسلمان کہوانا اک کوڑ مان سی،تے اوہناں معاملیاں وچوں سی جس پاروں مشرقی پاکستان مغربی پاکستان توں وکھ ہو گیا تے بنگلہ دیش بن گیا۔اودوں اُردو بولن والامشرقی پاکستان دی بنگلہ نوں اک مقامی بولی سمجھدا سی جیویں دوجیاں بولیاں نوں مقامی سمجھیا جاندا اے جیویں سندھی،بلوچی،پنجابی،پشتو۔
’پر اُردو دی آمریت سگوں اُردو لئی چنگی نہیں۔اتے اِنج سگواں ہن انگلش کردی پئی اے۔ایتھے بولیاں دی نسل کُشی ہوندی پئی اے تے اک بولی دوجی نوں ماردی پئی اے۔بولی آپ ہتھیا کردی پئی اے کیوں جے لوکاں اپنیاں بولیاں آپ بولنیاں چھڈ دتیاں نیں۔تے اِنج دی بدلی اے پئی بولی آپے بدلدی پئی اے۔ ایس گل نوں ہور کھولدیاں اوہناں آکھیا پئی ہندوستان دے مسلمان اُردو نوں ہندی توں امیر زبان سمجھدے سن تے ایس لئی اوہناں ایس وچ عربی دے اکھر پائے،ہن انگریزی نوں آدر جوگ بولی سمجھیا جاندا اے،تعلیم دا اک مہان وسیلہ،تے اُردو نوں جاہلاں دی بولی سمجھیا جاندا اے۔انگلش تُسیں اگانہاں جاون لئی ورتدے او۔پر ایس وچ سندھی کتھے کھلوتی اے؟ہندوستان وچ 22 بولیاں نیں جیہناں نوں قومی بولیاں آکھیا جاندا اے تے ایہناں وچ تعلیم وی دتی جاندی اے تے انگلش دوجی بولی اے۔ پر پاکستان وچ اُردو قومی بولی اے تے مقامی بولیاں نوں لانبھے کیتا ہویا اے۔
کیوں جے جگ بدلدا پیا اے تے جگ دی پنڈ بندا پیا اے،گل بات دے وسیلیاں نے بولیاں تے رہتل دے ون سونّ نوں خطرے وچ پا دتا اے،تے ایس پاروں اک رنگی لیائی جاندی اے تے رہتلی پچھان نوں قتل کردتا جاندا اے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels