Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> لمز یونیورسٹی وچ پنجابی صوفی شاعر بابا فرید تے لیکچر

لمز یونیورسٹی وچ پنجابی صوفی شاعر بابا فرید تے لیکچر

زاہد حسن
February 12th, 2017

گرمانی مرکز زبان و ادب لہور یونیورسٹی آف مینجمنٹ سائنسز (لمز) دے پربندھ نال پنجابی دے مڈھلے صوفی شاعر بابا فرید ہوراں دی شاعری، فکر تے شخصیّت بارے لیکچر دتا گیا۔بابا فرید تے گل بات کردیاں ہویاں پنجابی دے اگھے سُوجوان تے پنجم دے ایڈیٹر مقصود ثاقب ہوراں دسیا بابا فریدہوری اجہے پنجابی دے مڈھلے شاعر نیں جیہناں دے ساڈے باقی شاعراں سنے اجوکی شاعری تے وی اثرات بھرویں دسدے نیں اوہناں بابا فرید تے گل کردیاں اوہناں دے چونویں 27 اشلو کال دی پڑھت وی کیتی تے اوہدے اندر موجود اکھراّں دے معطلباں، سورس تے اوہناں دی اجوکی ورتوں تے چانن پایا۔بابا فرید ہوراں دا کلام سانوں گورو گرنتھ صاحب راہیں ملیا،سِکھ مت وچ نہ صرف ایہہ جو ایس کلام دی اہمیت ابدی ہے سگوں اوہنوں اک خاص طرح دی پوترتا وی مِلی ہے.....
مقصود ثاقب ہوراں دا آکھنا ایہہ سی جو بابا فرید ہوراں نوں سمجھن لئی خلیق نظامی ہوراں توں اڈ پر یتم سنگھ دی سری گورو گرنتھ بارے’’ شیخ فرید‘‘ تے بلونت سنگھ آنند ہوراں دی کتاب ’’بابا فرید تعلیمات تے جیون‘‘ دو بہت اہم کتاباں نیں۔ بابا جی ہوراں دی سوچ تے فکر نوں سمجھن لئی ایہناں دوہاں کتاباں دا پڑھنا وی لوڑی دا ہے۔ ایس توں اڈ بابا صاحب دے ہک سیوادار ’’امیر خورد کرمانی‘‘ ہوراں دی ’’سیرالاولیا‘‘ تاں بابے ہوراں نوں جانن لئی اک مڈھلی کتاب ہے۔
ایہہ اک بھرواں پروگرام سی جیہدے وچ قاسم جعفری ،ایمی بارڈ،احمد بلال اعوان، سارہ کاظمی ذیشان دانش، جاوید آفتاب، فائزہ رعنا، کاشف تے لمز دے طلبا شریک ہوئے۔۔ لمز وچ پنجابی صوفی شاعراں بارے ایہہ لیکچر سیریز پچھلے دوہفتیاں توں شروع ہے۔پہلے پروگرام وچ معین نظامی تے مُشتاق صوفی ہوراں پنجابی شاعری، شاعراں تے اج دے سمے تے سماج وچ اوہدی افادیتاں تے اثراتاں بارے گل بات کیتی سی۔
ایس سلسلے دا اگلا پروگرام 17 فروری 2017ء نوں مشہور پنجابی صوفی شاہ حسین لہوری بارے ہووے گا جنہاں نوں لوکائی ’’مادھو لال حسین‘‘ دے ناں توں جاندی ہے۔ایہہ لیکچر نبیلہ عمر ہوریں دین گیاں جو اورینٹل کالج وچ پڑھاندی نیں۔ لمز وچ ہون والے ایس اکٹھ دی اہمیت 2 طرحال ہور وی اہم ہو جانّدی ہے ۔ اِک تے اجہے لیکچراں نال نویں نسل نوں اپنی صوفی شاعری، اوہدی اہمیت تے اوہدے اندر لُکیاں سچائیاں تے علم توں جانو کروایا جاندا ہے ات دوجے پاسے جداں اجیہی وڈی یونیورسٹی وچ ہون والا ایہہ پروگرام باقی تعلیمی اداریاں نوں وی پریرنا دیندا ہے جو اوہ ایہوجیہے کم جاری کرن۔انہاں لیکچراں وچ سٹوڈینٹاں دی وڈی گنتری تے اوہناں دے سوالاں وچ موجود دانش تے گہرائی دسدی ہے جو ایہہ نسل مُڑکے اپنی گواچی علمی فکری ریت نال جڑنا چاہندی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels