Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> پہلے پنجابی نوں لہجیاں وچ ونڈو تے پھیر پنجاب نوں۔ پراجیکٹ تیار

پہلے پنجابی نوں لہجیاں وچ ونڈو تے پھیر پنجاب نوں۔ پراجیکٹ تیار

February 11th, 2017

پنجاب دے مگر ہتھ دھو کے کون کون پیا ہے؟ بڑے بڑے لبرل، ترقی پسندی دے دعویدار،زبانان دی حمائیتاں دا چولا پائے زباناں نوں انگریز وانگ لہجیاں تے لپئیاں پاروں تار تار کرن والے،وڈے وڈے کالم نویس، دانشور،پنجاب وچ 50،70سالاں توں رہن دے باوجود پنجاب تے پنجابی توں بیزار، اْردو دے طرفدار تے انگریزیاں دے حامی، کس کس دا ناں لواں۔ایجنڈا اک ہی ہے پر چولا وکھرا وکھرا۔این جی اوز توں دانشواراں تیک ، پولے منہ بنا کے پنجابی دے لہجیاں نوں زباناں آکھن وچ رجھے نیں۔اْردو دے مامے ایس نوں اپنی ’’بقاء‘‘دی اخیری جنگ سمجھدے نیں حلانکہ اْردو نوں انگریزی ہڑپ کر چکی ہے نہ کہ پنجابی۔ پر آقا نوں تے کجھ نہیں آکھ سکدے۔ملک وچ انگریزی تے انگلش میڈیم دی حکومت پرایہہ سارا غصہ پنجابی تے لا رہے نیں۔کیوں بھلا؟ کیونجے ایہہ سمجھدے نیں پئی ایہو اوہ رستہ ہے جس نال پنجاب نوں ونڈیا جا سکدا ہے۔پنجاب ونڈیا جا سی تے اسمبلیاں وچ پنجاب دی اکثریتاں مک جا سن تے کجھ سمجھدے نیں پئی اینج انہاں نوں کراچی صوبہ مل جا سی۔جے انہاں نوں پچھو پئی ونڈاں نال کڈے مسئلے حل ہوئے نیں اج تیک تے انہاں کول کوئی جواب نہیں۔جنہاں نے کدی زندگی وچ بابا فرید، خواجہ فرید، میاں محمد بخش، شاہ حسین لہوری،بابا بلھے شاہ، وارث شاہ نوں پڑھیا وی نہیں اوہ لک تے ہتھ رکھ کے جانگلی،سرائیکی، گوجری،پوٹھوہاری،ہندکو دی گل کردے نیں۔چلو انہاں پنجابی لہجیاں نوں بولن والا جے کوئی گل کرے تے اوس دا حق وی ہے پر جداں کوئی کراچی بیٹھا بندہ کمر کس کے ایس بارے بولدا ہے تے پوری گل سمجھ آجاندی ہے۔چلو جے تسی ایڈھے ہی ’’ہمدرد‘‘ ہو تاں انہاں لہجیاں دا کجھ کلام ہی پڑھ لو۔صدیاں دا نچوڑ ایہو ہے پئی بغضاں وچوں کدی خیر نہیں نکلدی۔پر ایہہ لڑائی بہوں ساری دوجی قوتاں نوں وی سوٹ کر دی ہے۔سول ملٹری ٹاکریاں وچ جمہوری لہر نوں ونڈن دا ایہہ چوکھا ہتھیار جے۔ذرا غور تے کرو، جہیڑے متحدہ پاکستان دے حالات دا تجزیہ کر دے ہوئے آکھدے نیں پئی سانوں وڈے صوبے دے حق نوں مننا چاہیدا سی اوہی اج دے پاکستان وچ وڈے صوبے نوں ونڈنن نوں حل سمجھدے نیں۔1947وچ جہیڑے انڈیا دی ونڈ دے خلاف سن انہاں ہی نے پنجاب تے بنگال دی تقسیم دا مطالبہ کیتا سی۔جس نوں یقین نا آئے اوہ راج موہن گاندھی تے جسونت سنگھ دی کتاباں آپ پڑھ لے۔پاکستان نوں مرکزیت پسندیاں توں حقیقی فیڈریشن ول لیجانا اتے جمہوری رستے تے چلانا ہی اوہ رستہ ہے جس پاروں سب مسلیاں تے مل بیٹھ حل نکل سکدے نیں پر لہجیاں تے زباناں دی دلدل وچ وڑ ن دا فیدہ نرا اشرافیہ نوں ہی ہو سی۔پر جہیڑے پراجیکٹ تے لگے نیں یا ایجنڈا بنائے بیٹھے انہاں دا مسلہ دوجا جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels