Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> بندہ جھلا کیوں ہوندا اے؟

بندہ جھلا کیوں ہوندا اے؟

نزہت عباس
February 10th, 2017
5 / 5 (1 Votes)

سماجی ، معاشی تے سیاسی دباو نے   بندے نوں ذہنی طور تے پریشان کرچھڈیا اے  ۔ اوس دے ذہنی دباو نوں اینا ودھا دتا ای کہ چنگے بھلے کم کار کرن والے ، پڑھے لکھے پریشان حال وی نیں  تے بیمار ی   دا شکار  وی۔   سرمایہ دارانہ معاشرہ ایسا چمکدار اے کہ  ظاہری طور تے دہنی بیماریاں دی  کوئی خاص وجہ نظر نیئں آوندی پر حقیقت وچ ایس غیر انسانی  نظام نے بندے نوں بندے توں  انج وکھ کیتا اے کہ او  نہ اپنا ریا تے نہ ای کسے دوسرے دا ۔  ایہہ وی دلچسپ گل اے کہ ایسے نظام نے ذہنی دباو نوں گھٹ یا ٹھیک کرن لئی  کئی دوایئاں تے  سانسی طریقے وی ایجادت کیتے نیں جیدے نال  جھلے بندے نوں وی بچایا جا سکدا اے۔اوس دے ذہنی ٹٹے تار جوڑے جا سکدے نیں تے  سچے رشتے بچائے جاسکدے نیں۔ سوچن دی گل ایہ وئے  کہ جدوں اسیں جسمانی طور تے بیمار ہوندے آں تے ہر کوئی فکر کردا اے تے  اک دوجے دی خیر خبر لئی جاندی اے  اتھے تیکر وی کہ آنڈ گوانڈ وی پچھدے دسدے نیں    پر جدوں کوئی دکھی یا پریشان  نظر آوئے  تے اوس نوں پیار تے ہمدردی نال سمجھ کے اوس دی مدد کرن دا خیال   کسے نوں وی  چھیتی نہیں آوندا۔

ڈپریشن یا اُداسی دے دورے پینا  ایس ترقی یافتہ معاشرے وچ عام جئی گل بن کے رہ گئی اے۔ سرمایہ داری نظام نے بندے نوں  پریشان حال  کر دتا اے  ۔ جسمانی بیماری وچ تسی بیمار نظر آوندے او پر دہنی بیمار بندہ  اودوں تیکر نظر نیئں آوندا جدوں تیکر او آپ اپنا اصلی حال نہ  دسے  اور مدد نہ منگے۔  

ایہہ وی حقیقت اے کہ ہلے تیک ذہنی  پریشانی یا بیماری  نوں قبول ای نیئں کیتا گیا۔ یا فیر ایس بیماری  نوں لکون  دی کوشش کیتی جاندی اے تاں جے کہ لوک تہانوں ذہنی مریض نہ سمجھ لین اور تہاڈا مذاق اُڑایا جائے۔ ایس فضول تعصب  دی وجہ توں وی لوکی اپنے اندر  دماغی بیماری دا  ڈر لکو ئی رکھدے نیں۔     

سوچن دی گل اے کہ  ڈپریشن یا اُداسی دا مطلب کی اے؟ایہ کیوں  ہوندا اے  ،  دماغ دے آپسی رابطے کیوں  ٹُٹ جاندے نیں تے ایس توں کس طراں بچیا جا سکدا اے؟

 عام حیاتی دے تجربات وچ  ذہنی عمل اک نارمل طریقے نال  چل ریا ہوندا اے جیویں کہ تسی جو مسوس کردے او اوس دا  پروسیس مکمل ہوندا اے۔ ساڈیاں مختلف حساں یعنی:

ویکھن دی حس

سنن دی حس

چکھن دی حس

سنگھن دی  حس

چھون دی حس

تے محسوس کرن دی حس اپنے اپنے پیغامات دماغ نوں پہچاندے نیں۔ دماغ دے اندر مختلف خانے اوناں پیغامات نوں اگے پہنچاندے نیں، یعنی کہ پہلے حصے توں دوسرے حصے وچ اوناں احساسات نوں زبان ملدی اےتے تیجے حصے وچ او تجربات سٹور ہوندے نیں تے انج اک مکمل عمل چلدا رہندا اے۔

حیاتی دےمختلف  تجربات   عام حالات وچ اپنے ربط نال چلدے تے اگے ودھدے  رہندے نیں۔ ایناں حالات وچ تسیں جھلے نہیں اکھواندے۔ حیاتی وچ  عام طور تے دکھ سکھ آوندے جاندے  ریندے  نیں پر بندہ جھلا نیئں ہوندا۔ بندے نوں  جھل اودوں پیندا اے جدوں حیاتی وچ کوئی وڈھا حادثہ ہو جاندا اے، کوئی وڈھا صدمہ ملدا اے، تہاڈے تے کوئی ظلم کردا اے، ماردا اے، سزا دیندا اے، ٹارچر کردا اے یا فیر تسی کسے نوں قتل ہوندیاں ویکھ لیندے او ، کوئی خوفناک  یا خطرناک تجربہ ہوندا اے، گھر وچ بےوقتی موت ہو جاندی اے۔ اج کل تے تسی ٹی وی دیاں خبراں سُن کے ڈپریس ہو جاندے او، جیویں دہشت گردی ، جنگ  وچ  برود دا بے جا استمال ، منہگائی تے بے روزگاری نے لوکاں نوں ذہنی دباو دا شدید شکار کیتا ہویا اے،    اینج سمجھو کہ جیویں جو ویکھیا، سنیا، چکھیا، چھویا، سنگھیا یا محسوس کیتا او تجربہ اس قدر شدید ہوندا اے کہ او ٹراوما (trauma) بن جاندا اےیعنی دماغ دا پیغام اگے نہیں پہنچ پاندا بلکہ دماغ دے مختلف حصیاں دا آپسی رابطہ ٹُٹ جاندا اے، بالکل انج جیویں بوہتی بجلی آون نال فیوز اُڈ جاندا اےتے ہنیرا ہو جاندا اے، انج ای دماغ وی بند ہو جاندا اے۔ جیویں بجلی واپس لیاون لئی فیوز لاون دی لوڑ ہوندی اے انج ای دماغ دے اندر دا رابطہ بحال کرن لئی یا اوس ٹراومے وچوں نکلن لئی کاؤنسلنگ (counselling) یا تھراپی کیتی جاندی اے۔ ہولی ہولی اوناں ٹُٹیاں تاراں نوں جوڑن دی کوشش کیتی جاندی اے۔ ایہہ عمل بہت لماں سے صبرآزما ہوندا اے تے بندہ اپنے جھل وچوں ہولی ہولی باہر آ جاندا اے

جدوں وی کوئی ذہنی دباؤ دا شکار ہووے اس نال ہمدردی دی لوڑ ہوندی اے۔ اس دیاں تلخ  گلاں نوں نظرانداز کرن دی تے بھل جاون دی لوڑ ہوندی اے۔

اس دا دھیان رکھن تے اوس نوں پچھن دسّن دی لوڑ ہوندی اے، اوس تے بھروسہ کرن دی تے اوس نوں غلطیاں کرن دی معافی ہونی چاہی دی اے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels