Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> پنجابی دے رنگ

پنجابی دے رنگ

محمد یوسف غوری
February 10th, 2017

پنجابی اجئی  دھنی تے پر منھی تے سوہنی تے سونکھڑی  بولی لعلاں دی پنڈ رہی اے کہ ایہدے وچ بہت زیادہ  اظہار  تصوف چے ڈبیا ہویا تے اپنے اپنے عہد دا مکمل نقشہ کھچ کے رکھن  دا سلیقہ ایس زبان  وچ جنا ہویا اے اوہ ہر کسے زبان وچ نہیں لبھ دا۔صوفیاں گوروواں، سنتاں، ویداں  ،  جوگیاں تے عوام دے دلاں دی دھڑکن جے کسے نے سننی ہووے تے اوہ  گرنتھ صاحب، ہیر وارث شاہ ، یا مرزا صاحباں یا ایسے طرح دیا ں دوجیاں پنجابی کتاباں نو اک واری ویکھ لوے ، بھک لیھ جاوے گی۔

ایہ زبان دی خوبی رہی اے کہ ایہ عام آدمی وچ زندہ رہی تے عام آدمی اہیدے وچ ساہ لیندا رہیا۔ نہی تے ، حاکماں نے سنسکرت، فارسی، عربی ، فرینچ، جرمن، پرتگالی، تے انگریزی  اور فیر اردو زباناں سکھ کے اپنے ای عوام تے رعب پائی رکھیا، ایس طرح پنجابی عوام دی ،  اکثریت نے اپنی زبان شاعری، نظماں ، کافیاں ، ڈھولے ، ٹپےتے ماہیئے گا گا کے  اہیدے  بت چے جان  پائی رکھی، تے اہیدے ہار شنگھا ر لئی قوالیاں غزلاں تے موسیقی دیاں دھناں نال جاری رکھی۔ پنجابی در اصل ہے ہی عوام دی زبان ، تے عوام وچ ای زندہ رہی اے۔ ایڈی سخت جان زبان شائد ای دنیا وچ کوئی ہووے ، جہڑی سرکاری مشینری دی مخالفت دے  باوجود نہ صرف زندہ رہی بلکہ ادب دے میدان وچ کارنامے وی ویکھوؤندی رہی اے۔جدوں تک پنجابی ہل واہ رہیا اے، پنجابی زمیں چوں فصلاں ونگوں اگدی رہے گی ، تے ایہدا  بی جڑی بوٹیا ں طراں آپئی جڑ پھڑ دا رہوے گا۔

عشق پیار محبت دی چاس وچ رچی ہوئی ایہ    پنجیری دی پنی بولی پنجابیاں دا مان ودھوندی رہوے گی۔زمین چوں اگیاں ہوئیاں زباناں کدے مر دیاں نئیں۔   بلھے شاہ اساں مرنا نا ہی ، گور پئیا کوئی ہور۔ ماں بولی دیہاڑ تے میرا وچار  پیشگی پیش کیتا جاندا اے

 


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels