Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> سی پیک تے علامہ اقبال: نیل دے ساحل توں تابخاک کا شغر تیک

سی پیک تے علامہ اقبال: نیل دے ساحل توں تابخاک کا شغر تیک

حکم سنگھ سیاسی
February 7th, 2017
5 / 5 (1 Votes)

ایہہ گل قومی اسمبلی دے سپیکر آکھی ہے اتے ایس دا موقعہ اوس ویلے آیا جدوں اوہ مصر توں آئے اک وفد نال گل کررہے سن جیہڑا سی پیک وچ مصر دی اینٹری چاہندا ہے۔ علامہ اقبال دے ایس شعر دی تعبیراں چینی کرن گے ایس دا تے علامہ اقبال ہوراں نوں وی پتہ نہیں ہوئے گا۔ ویسے کارل مارکس نوں کیہ پتہ سی کہ پہلا سوشلسٹ انقلاب برطانیہ، جرمنی وچ نہیں سگوں روس وچ آجائے گا۔پر مارکس نیں سرمایہ داریاں وچ ڈینٹ پین دی گل تے کیتی سی سو اوہ تے روس، چین نے پایا سی۔اینج ہی علامہ ہوراں نے وی ’’ہمالہ دے چشمے ابلن‘‘ دی گل تے کیتی سی اتے جداں ہمالہ وچ طوفان آنا سی تاں ساڈے تے اثر وی پینا سی کیونجے اساں ہمالہ یا شوالک دی گھاٹیاں وچ رہندے ہاں۔مکدی گل ایہہ ہے پئی ایہہ شاعر، فلسفی، دانشور تے وڈا خاکہ بناندے نیں اتے اوس وچ بہوں کجھ فٹ ہوسکدا ہے۔ تاں مارے ایاز صادق ہوراں نے مصری وفدنال سی پیک وچ رلتی ہون بارے گل کرن بعدوں علامہ دا ایہہ شعر سناندے ہوئے ایس نوں مہارتاں نال سی پیک نال جوڑدتا۔ ویسے وی اج کل ایشیا، یورپ ول جہیڑیاں ٹھنڈیاں ہواواںآرہیاں نیں اوہ چین توں ہی آرہیاں تے فیر جے مصر وی رلتی ہوگیا تاں افریقہ وی ایس دی لپیٹ وچ آجاسی۔ ایہہ گل وکھری ہے کہ پرانے ہرکاریاں وچوں بہوں ساریاں نوں ایہہ وارا نہیں کھاندا تے اوہ ’’گورے‘‘ توں بغیر کسے ہور دے ’’پادشاہ‘‘ بنن بارے سوچ وی نہیں سکدے۔ انہاں تے ہن توں ہی چین نوں نویں’’ ایسٹ انڈیا کمپنی ‘‘آکھنا شروع کردتا ہے۔ پر جے انہاں کولوں کوئی ایہہ پچھے تساں کدی’’ ایسٹ انڈیا کمپنی یا نو آبادیاتی قبضیاں‘‘ دے خلاف ہیگے سوتے اوہ ’’دڑوٹ‘‘ لیندے نیں۔پر تساں فکر نہ کرو، اساں سپت سندھو دے واسی ہاں، اساں یونانیاں، تورانیاں،عرباں، ایرانیاں، ترکاں،چغتیاں تے گوریاں نوں وی ویکھیا سی اتے ایہہ چینیاں نوں وی ویکھ لواں گے۔مسئلہ ساڈا نہیں سگوں انہاں دا ہے جنہاں دا کار ویہار، رعب دب دبا تے برتریاں والے تھیسس چینی چڑھتل پاروں نشانے تے ہے اتے اوہ کدی بریگسٹ اتے کدی ٹرمپ نال سانو ڈراندے نیں۔سردار صادق ہوراں جو آکھیا اوہ اپنی تھاں،سی پیک نوں جی آیاں نوں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels