Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> تہذیبی نرگسیت بارے دو گلاں

تہذیبی نرگسیت بارے دو گلاں

جاوید بُوٹا
January 14th, 2017

اگست 2009
ایہہ کِتاب پڑھ کے اک دو گلاں اَوڑِیاں نیں اوہ میں لازمی سانجھیاں کرنیاں چاہونا۔
’ تہذیبی نرگسیت ‘ وِچ ’ مُبارک حیدر‘ ہوراں تواریخی حالات تے واقعیات اُتوں جاں اجوکے ویلے دے حالات اُتوں گُنڈھ چُک کے، پرتاں کھول کے اصل ننگ وکھایا اے۔ جاں تواریخی حوالیاں راہیں نبض اُتے ہتھ رکھ کے اجوکے مُسلم سماج دی بیماری تے اوہدے کارن ول بڑی کُھل کے سینت ماری اے۔ کِتاب پڑھدیاں ایہہ وچار وار وار میرے دماغ وِچ اُگھڑدا سی، ’کیہ مُسلم سماج نوں ایہہ بیماری جھبدے چمبڑی اے جاں ایہدے کارن پِچھلے کئی دہاکیاں جاں صدیاں وِچ کِھلرے ہوئے نیں؟ کیہ ایہہ کارن چھڑے مُسلم سماج وِچ ہی ہے سن جاں اجوکی دُنیا دیاں ہوراں سماجاں، مذہباں تے قوماں وِچ وی کِتے چھیہہ ماری لُکے بیٹھے نیں؟

طالبان وِچار دھارا دا ایہہ رُکھ دِناں وچ تاں ایڈا وڈا نہیں ہویا۔ ایس بی نوں پُھٹن تے پھلن پُھلن وِچ ورھے نہیں بلکہ صدیاں لگیاں نیں۔
جانکاری دے اجوکے سُوتراں، جیویں فِلم ، ٹی . وی ، ریڈیو ، اخبار جاں اِنٹرنیٹ راہیں جیہڑی جانکاری موہرے آؤندی اے اوہنوں ایس کِتاب دے پرسنگ وِچ پرکھدیاں مینوں تاں ایہہ سِدھ ہوندا اے جو ایہہ Symptom ہر تھاں جھپٹا مارن لئی چھیہہ لائی بیٹھا اے۔ جگ وِچ واپرن والے نِکے نِکے وقوعے جیہناں ول جھبدے دھیان نہیں جاندا۔ جد تائیں اوہ ہندوستان وِچ بابری مسیت، امریکہ وِچ قُران ساڑن جاں کارٹون ورگا وقوعہ بن گے موہرے نہیں آؤندا۔ ایہہ اوہ مُلک تے سماج نیں جیہڑے جمہوریت تے سیکولر اِزم دے وڈے داعوے دار نیں۔

ایس لئی میرا ایہہ خیال اے جو مُسلماناں توں اڈ ایہہ کِتاب غیر مُسلم نوں وی بڑے ای دھیان نال پڑھنی چاہیدی اے، بلکہ لازمی پڑھنی چاہیدی اے جو اوہ آپنے آپنے سماج وِچ ایس Symptom نوں پچھان کے ناسُور بنن توں پہلاں ای ایہدا دوا دارُو کر لین۔ متے ایہہ Symptom ہرے بھرے سماجاں دے ساویاں رُکھاں اُتے امر ویل وانگ اَڈول ای مل مار کے اوہناں نوں کھورنا شروع کر دیوے۔
***
تہذیبی نرگسیت (جنوری 2009 )
مُبارک حیدر
سانجھ پبلِیکیشن ، دوسری منزل، مُفتی بِلڈنگ،17/31 ٹیمپل روڈ، لاہور
ای میل۔: sanjpaks@gmail.com sanjpak@yahoo,com
فون ۔: 042-7355323 فیکس ۔: 042-7323950


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels