Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> وڈے دل تے اْچیاں سوچاں والا ’’اوم پوری‘‘

وڈے دل تے اْچیاں سوچاں والا ’’اوم پوری‘‘

کاشف بخاری
January 7th, 2017

ہندی سینما دے منے پر منے اداکار اوم پوری پورے ہو گئے۔ 1950 وچ انبالے وچ جمن والا اے نامور پنجابی اک اداکار تو ودھ بہوں کجھ سی۔ پونا فلم انسٹی ٹیوٹ تے انڈیا دے نیشنل ڈرامہ سکول دے پڑھے پوری ہوری نصیرالدین شاہ دے وی جماعتی وی سن تے اوہناں دی شہرت باڈراں توں پار ملکاں ملکاں اپڑی۔ اپنی پہلی فلم 'گھاسی رام کوتوال'(1976،مراٹھی فلم) توں فلمی تھاواں وچ اپنی جگہ بناون والے پوری جی 1980 دے دہاکہ و چ شروع ہون والیاں آرٹ فملاں دی لہر دے اوگھڑویں اداکار سن۔ اوہناں دے نال شبانہ اعظمی،نصیرالدین شاہ اتے سمیتا پاٹل ایس لہر دے موہری سن۔اوہناں ایس دور وچ آکروش،ارتھ ستیا تے پار جہیاں فلماں وچ کم کر کیتے پئی اوہ شہرتاں دی پوڑیاں اکو ساہ چڑھ گئے۔ نرا انڈیا پاکستان ہی نہیں سگوں اوہناں دا ناں انگریزی سینما وچ وی وجیا تے اوہناں مہاتما گاندھی دی حیاتی تے بنن وال فلم 'گاندھی' توں لے کے اوہناں 'سٹی آف جوائے،وولف، گھوسٹ اینڈ ڈارکنس،ایسٹ از ایسٹ،دی ریلکٹینٹ فنڈامینٹلسٹ، ہنڈرڈ فُٹ جرنی تے جنرل ضیا دی حیاتی تے بنن والی فلم ' چارلی ولسن وار' وچ ضیا دا کردار ادا کر کے شہرتاں حاصل کیتی۔1990 و چ اوہناں کمرشل فلماں دا منہ کیتا۔ ایس بارے اوہ کہندے نے، ’’میں بڑی دیر کوشش کیتی کمرشل فلماں نہ کراں پر اوڑک مینوں کرنا ہی پیا۔ کیوں جے پیسہ وی اینا ہی ضروری ہے جہڈا کہ فن۔‘‘ مگر فلم پاویں کسے وی طراں دی ہوے پوری ہوراں اپنے کام دے معیار نوں ڈگن کدی نہیں دتا۔
اے ہی نہیں اوہناں فلماں توں اڈ سیاسی ماملیاں وچ وی ’’پنگے‘‘ لئے تے اوہناں دے اک ٹی وی بیان تے بڑا رولا پیا جس وچ اوہناں آکھیا پئی فوجیاں نوں کسے سدّا دے کے فوج وچ بھرتی نہیں کروایا سگوں اوہ اپنی مرضی نال فوجی بنے۔ اوہناں آکھیا کہ تسی انڈیا پاکستان نوں اسرائیل تے فلسطین بنانا چاہندے او؟ بعدوں اوہناں نوں اپنا بیان واپس لینا پیا پر اوہناں اپنا جی کھول کے وکھا دتا۔ اے گل وکھری اے پئی پاکستان تے انڈیا وچ اجیہے بیان ’’واپس‘‘ لین دی وجہ اکو ای ہوندی اے۔
اوم پوری نیں اک ہور سیاسی موضوع تے بنی فلم ’’ماچس‘‘ وچ وی کم کیتا۔ انڈین فلم انڈسٹری دے اک ہور پنجابی دینہ شہر دی جم گلزار دی بنائی ایس شاہکار فلم وچ اوہناں دا اک ڈائیلاگ کالجا چیر دیندا ہے، ’’آدھا پنجاب سنتالی (47) کھا گیا، ادھا چوراسی(84)‘‘۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels