Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> نانک نال پھردیاں: ہارون خالد دی کتاب دی مُکھ وکھالی

نانک نال پھردیاں: ہارون خالد دی کتاب دی مُکھ وکھالی

January 7th, 2017

اج شامیں ’دی لاسٹ ورڈ‘ گلبرگ وچ ہاروں خالد دی کتاب ’ Walking with Nanakدی مُکھ وکھالی ہوئی ۔پہلاں لکھاری کولوں ویروے نال انیکر پرسن نے کتاب دی جانکاری لئی تے مُڑ اکٹھ وچ آئے سُنیراں نال سوال جواب ہوئے۔ ہارون ہوراں دی ایہہ کتاب بابے نانک دے جیون تے اوہناں دے وچار بارے ہے۔ اصلوں ایہہ کتاب لکھاری دا پنجابی پیارے اقبال قیصر نال اوہناں ساریاں تھاواں دی یاترا اے جتھے جتھے بابے نانک سفرکیتا۔ ایہہ کتاب اوہناں ساریاں تھاواں دی مُڑ پھیری اے جیہڑے ہن پاکستان وچ نیں۔خالد ہوراں دیاں ایس توں پہلاں تن ہور کتاباں وی چھپ چُکیاں نیں۔ اوہناں دیاں ساریاں کتاباں ہندوستان توں چھپیاں نیں۔ ایس کتاب بارے گل کردیاں اوہناں آکھیا ایہہ کتاب میری دو سال دی محنت دا سٹا اے۔میں سکھاں دی تواریخ وی پڑھی اے، تے کئی گُرداورے وی ویکھے نیں جتھے جتھے بابا بانک گئے تے لوکاں نال ملے۔اوہناں اپنی گل بات وچ گُرواں تے اوہناں دی تواریخ وی دسی۔اوہناں دسیا پئی بابے نانک دے نال بھائی مردانا وی سی تے بھاویں بھائی مردانا ذات دے میراثی سن پر بابے نانک لئی ایہہ کوئی مسلہ نہیں سی۔بابے نے بابر دے حملے دے خلاف وی لکھیا تے اوہدی نال کھہے وی۔بابے نانک نے کسے سکھ مت دا مُڈھ نہیں رکھیا سی۔اوہ اک پکے پیڈھے دھرم دے خلاف سن تے مُڑ مگروں پھیر ایہہ ہی اک پکا پیڈھا دھرم بن گیا۔
سوال جواب دی بیٹھک وچ فقیر نے پُچھیا پئی سانوں لوڑ اے اسیں بابے نانک نوں پڑھیئے،شاعر دے پکھوں، اک مہان وچار وان تے لوک پکھ دی گل کرن والے توں۔سانوں اوہناں دے دھرمی پکھ یاں سکھ مت دے حوالے نال گل کرن دی لوڑ نہیں اے ۔جس اُتے ہارون نے ایس گل نال اتفاق کیتا۔ نین سُکھ ہوراں پُچھیا پئی نانک ویلے نانک شاہی فقیر تے نانک پنتھی وی ہوندے سن۔ کیہہ تُساں ایہناں دا ذکر کیتا اے۔؟ عامر ریاض نے پُچھیا پئی مذہباں دی ایہہ تگڑی ونڈ کالونی گیر ی توں تُری اے تے سانوں ایس دا شکار نہیں ہونا چاہیدا۔ جس نال ہارون ہوراں اتفاق کیتا۔ مُکھ وکھالی دے ایس اکٹھ وچ لوکاں بھرویں رلت کیتی تے بہت نیجھ نال ساری گل بات سُنی گئی۔
 some video clips
Reading babar Banni
https://www.facebook.com/aamirr/videos/10154433305529032/
Another clip
https://www.facebook.com/aamirr/videos/10154432774929032/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels