Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> انسانی حقاں دا عالمی دیہاڑ۔کون کس نال کھیڈ رہیا جے

انسانی حقاں دا عالمی دیہاڑ۔کون کس نال کھیڈ رہیا جے

December 10th, 2016

انسانی حقاں دی راکھی ہر کسے دے مفاداں وچ۔ انسانی حقاں دے احترام پاروں اساں انسانی خُشیاں، معاشریاں دی مضبوطیاں اتے تیزی نال اک دوجے نال جُڑ چکی دنیا نوں اک مک ہون وچ مدد دیندے ہاں۔ ایہہ پیغام سیکڑی اقوام متحدہ ’’بانی کی مون‘‘ ہوراں اج دنیا نوں دتا ہے۔ 10دسمبر اوہ دن سی جدوں اقوام متحدہ 1948وچ انسانی حقاں دا عالمی چارٹر منظور کیتا سی۔ اج 68سال بعد سانوں جھات مارنی چاہیدی ہے ایس تے کڈا عمل ہویا یا تے کڈا سفر اجے باقی ہے۔ اج وی دنیا دی وڈی گنتری ووٹ دے بنیادی حقاں تو وانجھی ہے اتے مادری زباناں نوں دبایا جاندا ہے۔ وڈے ملک جتھے چاہندے نیں اوہ انسانی حقاں نوں ورتدے نیں تے جتھے چاہندے نیں اُتھے انسانی حقاں دے ’’علم‘‘ نوں کنڈ پچھے لکا دیندے نیں۔ جہناں مُلکاں دا انسانی حقاں دی پاسداریاں پاروں بڑا ناں ہے اوہ ملک دنیا بھر دی چوری کیتی دولتاں دے پردھان نیں۔جے یقین نہیں آندا تاں آف شور رقماں دے پردھان ملکاں سنے سوئس بینکاں دا ریکارڈ ویکھ لو۔ جہیڑا ہور تحقیقاں چاہندا ہے اوہ ٹیکس چوری دی ’’جنتاں‘‘ بارے پورپی یونین دی رپورٹ پڑھ لے۔ نکی وڈیاں وطنی ریاستاں وچ وی ایہوں کجھ ہے اتے اقوام متحدہ وی دہرے معیاراں تے اکثر ’’دروٹی‘‘ رکھدی ہے۔ لبیا وچ جو ’’گند‘‘ 2011بعدوں پایا گیاایس نوں خود صدر اوبامہ’’گند دا بھنڈار‘‘ یعنی"Shit Show" آکھیا اتے فرانس تے برطانیہ دے اداریاں تے وڈکیاں ول کھل کے اشارے کیتے۔ جے اوہ آپدے اداریاں نوں وی ایس وچ رلا لیندے تاں پورا سچ سامنے آجاندا۔ پر وڈا مسئلہ ایہہ سی پئی صدر اوبامہ نوں لبیا وچ مظالم پاروں جیہڑا خط 12فروری 2011 نوں لکھیا گیا اس وچ انسانی حقاں دی تنظیماں دے دستخط وی سن۔ میں ایک دوجے آرٹیکل وچ انسانی حقاں دی تنظیماں بارے لکھاں گا جنہاں یس خط یا پتر تے دستخط کیتے سن۔ صرف ایہہ نہیں سگوں روس نیں پچھلے سالاں وچ بہوں غیر سرکاری تنظیماں نوں جسوسیاں دے الزاماں وچ آپدے ملک وچوں کڈھیاں اتے کوئی وی تنظیم انہاں مقدمیاں نوں انٹرنیشنل کورٹ وچ لے کے نہیں گئی۔
جے انسانی حقاں دے مسئلیاں نوں وطنی ریاستاں یا وڈے ملک آپدے مفاداں پاروں ورتدے رہن گے تاں فیر انسانی حقاں دی گل کدی توڑ نہیں چڑھے گی۔ اسی ایہہ ویکھدے رہے ہاں کہ جدوں سعودی عرب وڈے ملکاں نال سی تاں اس بارے انسانی حقاں دی گل کوئی نہیں کردا سی پر اس ویلے ایران خلاف ساری مہماں سن۔ اج ایران سجن ہے تے ماملا اُلٹا ہوگیا ہے۔ اجہے دہرے معیاراں نال اک پاسے انسانی حقاں دے مخالف تگڑے ہوندے نیں تے دوجے پاسے انسانی حقاں دی بے توقیریاں وچ وادھا ہوندا ہے اتے انسانی حقاں لئی لڑن والیاں نوں ’’ایجنٹی ‘‘ دے تمغے وی ملدے نیں۔وطنی ریاستاں وچ وی ایہو ماڈل چلدا ہے پئی پہلے ’’بھنڈراں والا‘‘ بناؤ تے فیر ڈگاؤ۔ نری نعرے بازیاں نال کم نہیں سرنا سگوں ایس لئی پورا سچ بولنا ہوسی۔ اج 10دسمبر نوں جے اساں سب ایہہ عہد کرلیے تاں وارے نیارے ہوسکدے نیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels